البارحة كني على صالي النار=وكنه مولع بين الاضلاع دافور
من سبّت الأسهم غدا الحال مسمار=من شاف حالي ناحلٍ قال مسحور
والناس ماتدري السبب سوق غدار=وأني ضحيه ياعرب شخص هامور
الله يقطع ياعرب بعض الأشوار=ويقطعك ياشخصٍ يقول أقبل الشور
قالو لي أصبر قلت أنارجل صبار=لا تبيع لسهم وأصبرأيام وأشهور
وصبرت نبغي نصير ذا الوقت تجار=ويصير عندي مال وأصير مشهور
ولا وعيت إلا وهاالسوق منهار=انهرت كنّه داخل عظامي كسور
عرضت لسهم والطلب كله أصفار=وجلست قدم الشاشة أون وادور
والضغط عندي زاد والدم بي فار=ولافادني صبري ولافاد دكتور
أحلامنا ضاعت وضاعن الافكار=ومن اول نبني عمارات وقصور
والسوق لجله بعتناجيب جكسار=واليوم رجلي وأصفق الكف مقهور
أبي الفوايد منه وأصبحت محتار=ولاني على دخلته ياناس مجبور
من سبته كم واحد ٍ راح لشهار=وكم واحد ٍ تحت الثرى صار مقبور
شي رأيته وأسمعه وسط الأخبار=وأيضا قريته في المجلات منشور
واليوم أنا بنخى طويلين الاشبار=حكامنا اللي بامرهم يظهر النور
هم درعنا من كل خاين وجبار=وهم فزعة اللي يشكي اللهم والجور

المشاركة الأصلية كتبت بواسطة أبـو سـلـيـط (المشاركة 167692) قصيـده جزله وصح لسـااان الشاعر والله يعـووضه إن شـاء الله ولالالاهنت يا صبي الملازيم بإتحافنا بهذه القصايد الجزله

المشاركة الأصلية كتبت بواسطة صالح الجعيدي (المشاركة 167763) صبي الملازيم ،، الله لا يهينك على النقل. والله يفرج لاخونا المخريمي وللمسلمين أجمعين،، عز الله إنه سوق الفلس وقليل إلي سالمً منه،، صح لسانك و لسان الشاعر/ مفرج بن ناصر المخيريمي تقبل مروري ،، مع خالص التحية و الاحترام.

المشاركة الأصلية كتبت بواسطة أبونواف الدوسري (المشاركة 167771) الأخ صبي الملازيم ،، الله لا يهينك على نقل هذه القصيده وعسي الله يفرج كربة كل مهموم. تقبل تقدير وأحترام أخوك أبو نواف الدوسري.

المشاركة الأصلية كتبت بواسطة هايف العماني (المشاركة 167805) صح لسان الشاعر والله يعوضه خير دنيا وأخره ، ولاهنت يالغالي (صبي الملازيم) وماقصرت تقبل تحياتي،،