راحوا وشبوا بالحشا نار الأشواق=تحرق فؤادي بالهموم الثقيلة
أقفوا وسال الدمع ع الخد حرّاق=والقلب بالحسرات يا عزتي له
كانوا لضيّ العين نورن وإشراق=وصاروا سبب سكب الدموع الهميلة
ما طاق قلبي فرقا الأحباب ما طاق=كنّه كبير السنّ لا راح جيله
ما غير يذكر رفقةٍ له ويشتاق=وما له بعد جيله شبيهٍ مثيله
أمسى وعقله للهواجيس طرّاق=وأصبح وماله للوصل أي حيله
لا بارك الله فيك يا حزن الفراق=صارت ثواني الضيق عن ألف ليلة
لا ناح طير الشوق ع الغصن ورّاق=ناحت بقلبي حسرةٍ لي عليلة
عقلي غدا من شدّة الهم منعاق=من حرقة الأحزان انهدّ حيله
يا ويل قلبٍ للغرابيل ذوّاق=السعْد في عمره ثوانٍ قليلة
ذاق العذاب ألوان والفرح ما ذاق=الفرح في عمره مضيّع دليله
كنّه سجينٍ ينتظر أمر الإطلاق=ماله على وصل الحبايب وسيلة
وإلا كسير الحرب في أرض العراق=يخفي دموعٍ في المحاجر ذليلة
يستقبل الصدمات بونّات وشهاق=وجيش الحزن سلّ السيوف السليلة
إن كان بعد الجسم للشوف عوّاق=وبعد المسافة والدروب الطويلة
فأنتم وسط روحي على عرش الأعماق=لا ما نسيت الذكريات الجميلة

المشاركة الأصلية كتبت بواسطة المحبوب الدوسري (المشاركة 139253) لا بارك الله فيك يـا حـزن الفـراق صارت ثواني الضيق عن ألف ليلـة لا ناح طير الشوق ع الغصـن ورّاق ناحـت بقلبـي حسـرةٍ لـي عليلـة ثامر البدراني صح الله لسانك وعلى شانك قصيــده ماعليــها كلام ياخوي يلا شد حيلك نبي نقرأ لك قصائد ثانيه تحيتي

المشاركة الأصلية كتبت بواسطة خالد الخييلي (المشاركة 139267) إن كان بعد الجسـم للشـوف عـوّاق وبعـد المسافـة والـدروب الطويلـة فأنتم وسط روحي على عرش الأعماق لا مـا نسيـت الذكريـات الجميلـة الله عليك .. الله عليك يا سلام على هاكذا ذكريات صح الله لسانك يا ثامر ابداع حتى الاشباع تحياتي لك ...

المشاركة الأصلية كتبت بواسطة هايف العماني (المشاركة 139274) الشاعر القدير ثامر البدراني من طول الغيبات جاب الغناايم مرحبا بك من جديد ومنور المنتدى وصح الله لسانك على هذه الابيات الرائعه ونرجوا الا تقاطعنا مره اخرى وتحرمنا من ابداعاتك تقبل تحياتي،،

الله الله

وإنا مانسينا كتاباتك الجميلة يا ثامر :)


الشاعر المبدع / ثامر البدراني


ارررحـــب


ومن طول الغيبات جاب الغنايم

وصح الله لسانك ولا فض فوك على ما سجلت من أحاسيس صادقة

ولاتحرمنا من جديدك الجزل


وبالنسبة للمنتدى يشتغل فالسعودية على هذا الرابط : /www.alduwasser.com/vb

والحين مالك عذر لا عاد تقطعنا يالقرم :)

وتقبل فائق التحية والتقدير


أخوك / عبدالرحمن الشرافي