إي والله أعرفه وهو بالمدح عرف=يومن عيال اللاش محدن عرفها
لامن ردي الجد (م) المرجلة صرف=(بادي) عشقها عشقة(ن) واحترفها
دكتور طيب(ن) قبل مايكتب الحرف=ماشرفته الدكترة... هو شرفها
لاجا نهارن فيه للطايلة صرف=وكلن على بنت الاصيل التغفها
جاتك (بابو سلمان) ماردها جرف=بنت الحصان و (بادي) اللي عسفها
من لابة(ن) تغرف من الطايلة غرف=مقيدين جمالها من صلفها
يآل الصباح اخوان مريم هل العرف=شيوخ البلاد اللي كساها ترفها
عطوني الجنسية أيام لي ظرف=بأرد لبنوك المراجل سلفها
باصوّت لرجل(ن) عن الهينة صرف=والكايدة لو هي عسيرة ولفها
ومادام عرفي له يساوي مية عرف=حشو العرب مهوب شرط اعرفها