بذلت لاجل اللقاء والوصل جهد جهيـد=لكن حقـوق المحبـه مـات طلابهـا
أحيـا بلقيـاء وداد لـه مـداد وبيـد=وأموت في غربة النسيـان بأسبابهـا
لو عزة النفس رأس المال شيئ أكيـد=ماتغلب الرجل نشوة عشـق يحيابهـا

مجبور واللي جبرني يابحور القصيد=مشاعر تاقف العبره على بابها
أخفي جروح الضماير واتحرى البعيد=لعل فرحه عيوني عند غيابها
في ليلة الوصل ذاب الشمع ذوب الجليد=أحباب روحي تمد الحب لاحبابها
واللي جرى في شرايين الهوى والوريد=ارساله سرها في قلب كاتبها
لو شالها بالمعرفه كف ساعي البريد=ماشم عطر سكنها وأغرق اهدابها
يافتنة الشعر عودي وأطلقي كل قيد=لاتقتلي ذكريات تحيي أصحابها
أطلال وصلك تناديني وهل من مزيد=أي والله أني شفوق وأحسب حسابها
شف فرحتي بالمواصل كنها يوم عيد=في قلب طفل حروف العيد غنابها
بذلت لاجل اللقاء والوصل جهد جهيد=لكن حقوق المحبه مات طلابها
أحيا بلقياء وداد له مداد وبيد=وأموت في غربة النسيان بأسبابها
لو عزة النفس رأس المال شيئ أكيد=ماتغلب الرجل نشوة عشق يحيابها
مادام هذي بقايا الحب ماأبغا الزهيد=أعرف حظوظ يفر الوقت دولابها