عزتي لي يوم مالي على الدنيا ونيس=مبحرفي غبة الموج والمركب ردي
تايه في وحشة اليل ليل خندريس=ليلة ماشفت فيها الثريا والجدي
بين صلفات الهبايب غدا عمري حبيس=وبين المواج العتيه ادور مقعدي
اضرب الاخماس فسداس وامتر واقيس=لعبة الايام طالة وليلي سرمدي
من عذاب الحال يشفق على حالي ابليس=يوم بعض الناس عن حالتي ماينشدي
خيرمالي في زماني كتاب الله جليس=اتمعن فيه وادعي واكبر واسجدي
واحتمي به من هوى النفس وابليس الخسيس=لاتحين فرصة الضعف ثم جاك ايعدي
فزعتك ياحي قيوم لاحمي الوطيس=ساعة ماعادفيهاشقيقي واولدي
مخرجن ذا النون من باطن الحوت الفريس=ردني ردجميل وعبدك يهتدي
وصلة احدود المتاهات والوضع التعيس=واتتفى بالمعاني واترجم مقصدي
اتنفس باالشعرواتخذ رمزي لميس=والعب المعنى على الدرسعي والابجدي
لجل مايدري حسودعلي يضرس ضريس=لوتجنبته يجيني بشره يحتدي
ماتت الضحكه على مظهرالوجه البئيس=واتصنع باالسعاده واخفي واجحدي
المظاهرخيروالقلب من همه كليس=والمخيله فوق راسي تحن وترعدي
اتمعن في الوجيه الكثيره فيس فيس=غيروجه الموت ماشفت لي وجه اجودي
وين مايممت وجهي ظهرقدمي اغليس=وين ماوجهت وجهي لقيته بنصدي
غيرحملي شايل حملة المدعوجريس=واحترق باالناروجريس ناره تبردي
كم عطيت وكم بذلنامن الغال النفيس=والله اللي باالمواقف لفعلي يشهدي
كل قلب مااتعض باالتجارب فنطليس=مايميزقلب ابيض وقلب اسودي
مدني باالصبريارب بالوضع الحويس=في رجاصبح سعيدجديد يبتدي