::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم المــحــاورة والألــغـاز:: (http://alduwaser.org/vb/forumdisplay.php?f=18)
-   -   وينكم ياشعار (http://alduwaser.org/vb/showthread.php?t=5005)

راشد المسعري 01-10-2005 03:56 PM

ما شاء الله اليوم قسم المحاورة منّـور ومشتعل بعد بوجود ابو زايد والمسعري .

شدوا حيلكم ولا تنسونا ترانا ماسكين الصف ولا نسمح لكم تبطون علينا .

بالتوفيق يالذيابة،،،،

الحر 02-10-2005 03:29 AM



شعارنا المبدعين

المسعري وابو زايد

لاهنتوا لاهنتوا لاهنتوا

ابياتكم جزله ورديتكم طيبه وودنا تواصلون

والصفوف عزالله انكم ماقصرتوا ويعداكم اللوم

انا توني جاي ذا الحين والصفوف على وقفتهم الى ذالحزه

واصلوا لاهنتوا جميع

ابن وتيد السباعي 02-10-2005 10:07 AM

وين المسعري وابو زايد التغلبي


لازلنا متمسكين بامل عوده الشعراء لاستمرار هذه المحاوره

أبو زايد التغلبي 02-10-2005 10:13 AM

من لقى المسعري يا رياجيل
 
صباح الخيرات لكل الغالين:

يا جماعة أخونا الغالي المسعري اختفى من لقى عنه خبر يدق علي بيجر وإلين نلقاه ودي أحرك الساحة ببيتين إلحاقيين:

وين راح المسعري يا هل الحمية=من لقى عنه الخبر يزهم عليه
يلحق المشهاب دام النار حيه=والله الله يا اللحون السامري




ياهل الملعبة يا هل الوجيه الفليحة=وش تقولون في دارن قنب ذيبها
ويش أسوي بجوال بليا شريحــــة=وكانها غصب هذي البنت مالي بها

دغش البطي 02-10-2005 12:44 PM

شعارنا المبدعين

المسعري وابو زايد

لاهنتو لاهنتو لاهنتو

ابياتكم جزله ورديتكم طيبه

ونحن في إنتظار المسعري للرد على أبو زايد التغلبي

والصفوف إزهلوها

عاطر التحايا القلبية

محبكم دغش بن بطي

أبو زايد التغلبي 02-10-2005 01:11 PM

شكراً يا محبوب الجميع
 
الغالي دغش البطي شكرا شكرا شكرا على الاهتمام والمتابعة وهذا شيء يفرحنا ويزيدنا شرف ....... لا هنت يا ابيض الوجه


/////// شكر خاص لك يابو بطي على التنسيق والله لايهينك

فتى الجود 02-10-2005 02:58 PM

ارحب يا بو زايد واسمح لي اواصل معك لين يجي اخوي المسعري

اخوي المسعري موصيني اسد محله لا غاب وهذي فرصه نستفيد منك طال عمرك

استلم:

المسعري لا غاب سدنا محله **** ولد عمي وافتخر لا شلت حمله
يالسنافي توه مقهويك دله **** الله الله يالحون السامريه

بالنيابه عن اللي يكسبون المديحه *** جيت راكب جوادي في مواجيبها
ولد عمي ترا غيبته يذبح ذبيحه *** لين يزهب عشاك علومكم جيبها

أبو زايد التغلبي 03-10-2005 09:21 AM

هلا بالذيب وكيل المسعري
 
مرحبا و مسهلا يا الغالي فتى الجود ... واستلم نافدى خشمك:

سل سيفك يا عريب الجد سله ///////////// وابن عمك غاب بس يمكن لعله

صاحبك دكتور يفهم كل عله ///////////// الله الله يا اللحون السامرية



يا فتى الجود خذ من عندنا لك نصيحة........غبة البحر ما كلن ينوّي بها

مات إمام الجماعة جعل ربي يبيحه..........والجماعة تدور من يصلي بها

فتى الجود 03-10-2005 10:27 AM

تبقى يالمرحب ولا خلا ولا عدم

تستلم نفداك:

السيف ابو حدين خله لا تحده **** كيف تفتح باب ماتقدر تسده
ولد عمي مانت يالمنعور قده **** الله الله يالحون السامريه

كان تبغى العلوم اللي تسمى صريحه *** مامعك عملتن يافلان تشريبها
يالسنافي ترانا ما نزكي النطيحه *** افهم العلم قبل تروح تفتيبها

ابن وتيد السباعي 03-10-2005 10:38 AM

يالسنافي ترانا ما نزكي النطيحه *** افهم العلم قبل تروح تفتيبها


صح لسانك مليووووووووووووووووووووووووووووون
فتى الجود ابغاك اتسري ابو زايد مسرى يبطي مانساه

أبو زايد التغلبي 03-10-2005 11:13 AM

مرحبا بكم جميع والليل طويل
 
أرحبوا جميعاً وحياك الله يا صعوط المجانين واستلم يالذيب:

ربعنا في موترن مشري بقطة /////////////// بس يبغاله يعبا في محطة

يمكن يوقف إلى من طال خطه ///////////// الله الله ياللحون السامرية



أزرق العود يعرف كل ما ثار ريحه .......... والحقيقة مع الركبان تمشي بها

لا تحسب المسافة يا عميلي مريحه......... شد حيلك وفزعات العرب سيبها

فتى الجود 03-10-2005 01:07 PM

ارحب ياصعوط المجانين وامرك ينفذ واستلم يالذيب:

صاحبي وصاني احفظ الرعيه *** والرعيه جرب مافيها شليه
والعرام يحط في خشم المطيه *** الله اكبر يالحون السالميه

يالنشامى ترا عيت تدر المنيحه *** اعذروني ترا بشذب عراقيبها
الفزايع ترا سلم الوجيه السميحه *** يوم بعض العرب تغدر بصاحيبها

ابن وتيد السباعي 03-10-2005 01:15 PM

فتى الجود لا عدمتك خلك وياه على شان يدق بريك مايخلي الموتر يسركل


ابو زايد سر اللييييييييييييييييييييييييييييييييييييييييييييل
الصفوف حضرت قاصي وداني



محاوره شعريه قويه من عيار ثقيل

أبو زايد التغلبي 03-10-2005 02:22 PM

خلوووووووووووووووووووووووووووووووووووووووووووووووو ووها
 
استلم لاهنت :

يا عميلي لد عينك فالعليا ////////// فيه برج الفيصلية في الثريا

لو تبي ترقاه تتعب ما تهيا //////////// الله الله يللحون السامرية


جيت ضامي ولكن الموارد شحيحة ........ آه ياديــــرة(ن) تكــــرم معازيبها

الجبل ثابت(ن) يا صاحبي من يزيحه....... جوّد الخيمة اللي النود تومي بها

ابن وتيد السباعي 03-10-2005 02:43 PM

شاعر يا ابو زايد ماعليك خوف



بس انتبه يمكن الفيصليه يجيها صاروخ ارض جو


وين الصفوووووووووووووووووووف


الساعة الآن 07:55 AM

Powered by vBulletin® Copyright ©2000 - 2025, Jelsoft Enterprises Ltd.
---