|
الشكر ي الله يمسك بالخير وبيض الله وجهك ولو اني في خاطري عليك بعض الشي لكن نقول ماعليش المسعري اخو وغالي ولا عاد تتعودها لاهنت وبيض الله وجهك سبّاق في العلوم الغانمه دائم تشكرات |
عينت لي بين العوارف عواريف=وعينت بين اهل الصلايف صلايف والضاهر اني بتبع اللي ورى السيف=خلا الوطن خلفه وعين ولايف |
اقتباس:
الاخ العزيز / ابو حاجونه مساك الله بالرضا والله يبيض وجهك دنيا واخره وابشر باللي يرضيك والمره الجايه وعد اكون بصفك ولا يصير بخاطرك علينا ياخوك تراك غالي من ناس ٍ غالين وما قصرت وشهادتك لي فخر لي والسموحه طال عمرك |
اقتباس:
صح الله لسانك يا المسعري وننتظر رد اخونا العزيز / ابو حاجونه ( الله يستر ) <<< يبي السلامه |
لايغرك ذا العود يابوعبدالله ترا ماله صحيب حتى ابوعبدالمحسن المسعري تبراء منه |
اخشى تكسّر باليدين المجاديف = والزرع يابس بعد ماكان زايف ونكان تقدر دف بعض المظاريف = ارسل رسولك بين الاجواد طايف |
يالله لاتخلينا يالله احتدوني في زاويه ابو عبدالمحسن وينك ابلشتني وسريت طيب طيب الليل توه ماسرى |
ماتنكسر يمنى تخطف المخاطيف=والزرع لك بهديه مابي خلايف ينعاف وكراً صار بومه مشاريف=واسلم وسلم لي على كل عايف |
اخوي الشكري بما اني انا والعياذ بالله من كلمة انا وخوي المسعري منتوفةٍ منّا جميع الصلاحيات من المحرومين يعني من الحذف والتعديل ولا عليك امر فيه مشاركه لي في قسمنا هذا ابو حاجوووونه يمسيكم بالخير ابغاك تنتف والديها يطول لي عمرك |
هههههههههههههههههههههههههههههه الله ينتف بليسك يابو حاجووونه وش ذا الحكي على كل حال انا اعتذر لك ولاخونا ابو عبدالله اخوك عنده مغباش الفجر للبر ولا قصرت تكفى يابوحاجووونه لي طلب عندك لا تقاطع المنتدى تراك شمعته بدون قصور في الاخوان الشعراء |
اقتباس:
تامر امر وتم نقلها ولو تبي الصلاحيات مني تراها فداك واني والله صادق بارك الله فيك |
اقتباس:
ما قصرتو يا الربع بارك الله فيكم جميع ولا هنتو وانا معك يا المسعري اطلب بو بو حاجونه بعدم المقاطعه ولا قصور في باقي ربعنا ( طلبوك ربعك يا بو حاجونه ) |
هذا الجواب اللي تضم السراجيف = وانا على ذكره من اول امهايف حكم الليالي والقدر والصواديف = الحال منها يارفيقي امسايف |
اقتباس:
ما اقول الا بيض الله وجهك يافضيله العود على ذا الرديه الطيبه واللذي اعتبرها رائعه جداً بوجود ابو حاجوونه العود المخرف تقبل تحيات اخوك,, المسعري |
ابشروا بالسعد لكن والله ان المقاطعة من الظروف والا غالين يشهد الله ماقصرتوا وبيض الله وجيهك على هالليله امتعتونا لا انت يالشاعر الكبير الذي اعتبره من فحول الشعراء الا وهو (المسعري ) كفيت ووفيت والله انك ماقصرت وبيض وجه انت الشاعر الوحيد الذي متواصل دائم الدوم عسى عمرك طويل ولا الاخ الشكري بتواصله وتشجيعه لنا وهذا ماهو غريب عليه متعودين على الشي هذا منه وهو يحري بالعلوم الطيبه كلها اما اخوي ابو عبدالمحسن المسعري فحسابه معي بكره وهقني ورفعني وماج من دربي طيب طيب ههههههههههههه تقبلوا اصدق المحبة والتقدير من اخوك الصغير ابوحاجوووونه |
الساعة الآن 01:21 AM
 |
Powered by vBulletin® Copyright ©2000 - 2025, Jelsoft Enterprises Ltd.
---