::: مـنتدى قبيلـة الـدواسـر الـرسمي ::: - غزوة الدويش وعساف ابو اثنين مع الغييثات وموقف الأمير وقيّان البطولي

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

رد: غزوة الدويش وعساف ابو اثنين مع الغييثات وموقف الأمير وقيّان البطولي

هايف العماني

كتبت فأبدعت .. سطرت فأبهرت

قصة وحادثة واقعية تدل على الشجاعة والفروسية وليست بمستغربة على الفارس والامير اخو فرجه " الأمير وقيّان بن نصّار " ..

((وقيان)) له بالعز والطيـب ميقـاف = وفعلـه يعـمـي عـيـون المغـلّـي
اللي نطـح بساعتـه سبعـة الارداف = ومن سربـة (الدوشـان) عيـا يذلّـي

و كفو كفو بالاد غياث اهل الفعايل

سلمت يمناك يابو مبارك ..

تقبل تحياتي ..

اخوك في الله

محمد الغريري

رد: مشاركة: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة ابو زيد الغييثي

ابو مبارك
بيض الله وجهك
على ايراد هذا الموقف الشهير
والله ولو بس هذا الموقف افتخرت به الغييثات
لكفاهم الفخر
رحم الله هذا الامير الذي قاد الغييثات
من انتصار الى انتصار
تقبل تحياتي
ابو زيد الغييثي

ووجهك ابيض يابوزيد

والله لايهينك على ردك الطيب والله يرحم اخو فرجه ويسكنه فسيح جناته

رد: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة ابوشجاع

ونعم ونعم بالاد غياث
حموا حلالهم ولاهي غريبه عليهم
ونعم بالامير وقيان على فعله وتنجاده للطفل واسترداده لامه سالم وهذا ان دل فيدل على صلابة راسه وثبات موقفه وضرب بذلك مثل تفخر به العرب فما بالك بالدواسر
ونعم بالفارس حسين ابن دجران اللي امدحه الامير يوم شاف فعله
الله لايهينك يابومبارك على جهدك

والنعم بحالك يابوشجاع وماعليكم زود

والله لايهينك على الرد الطيبه ياذيبان

تقبل تحياتي،،

رد: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة تركي الودعاني

بيض الله وجهك يابومبارك علي السالفه الطيبه اللي ترفع راس كل دوسري وكلمة كفووووووووووووووووو للغييثات ماتوفيهم حقهم بني عمنا وافين جعلهم المعزه

ووجهك ابيض يابوهادي وفخرنا واحد ولا عليكم زود يالسنافي

تقبل تحياتي،،

مشاركة: رد: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة بدر العجالين

أبــــــــــــــــــومــــــــــــــــــــــــبـــ ــــارك
بــيـــض الله وجـــهـــــــــك ولاهـــــــــــنــــــــت مــــــلــــــــيـــــــون
عـــــلـــــى ذكـــــــر الـــــــمــــــواقــــــــف الـــــــبــــــطـــــولـــــــيــــــه
لـــــــــــــرجــــــــــــال الـــــــغـــــــيـــــــيــــــــثـــــــــات.... ...
وكــــــــــــــــــــــفـــــــــــــوا والله...........
ومشكور يابومبارك وتقبل خالص تحياتي..........

ووجهك ابيض ياذيبان وماعليكم زود ولاهنت طال عمرك على مرورك الكريم

تقبل تحياتي،،

مشاركة: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة هايف العماني

غزى عساف ابو ثنين بالجمالين مع الي معهم من سبيع وتقابل مع واحدٍ من الدوشان غازياً بن معه من مطير ، فقال بعضهم لبعض ماورانا طمع ولاوراكم طمع لكن خلونا ويا الغييثات لأنهم مقفين من الربيع وخلونا ناخذ تاليهم .
وفعلاً لحقوا الغييثات وغاروا عليهم وكان مع الغييثات اهل بيت من السهول جيرانٍ لهم ومعهم ورع رضيع في ميزب معلقٍ على جنب بعير ، والميزب أداة يوضع فيه الأطفال حديثو الولادة ويعلّق على الراحله .
وغزى القوم على الغييثات ، ويوم هجة المظاهير من الخيل سقط الميزب وفيه الطفل السهلي وتركته امه ففي هذاك الموقف كل اراد النجاه بنفسه .
المهم رجع الأمير وقيان بن نصّار أمير قبيلة الغييثات بفرسه وشل الطفل السهلي وتنجده ، وطارد القوم ومعه الغييثات ، وظل الأمير وقيان متنجد الطفل السهلي حتى انتهت المعركة بانتصار الغييثات وحمايتهم لحلالهم واموالهم وردهم للغزاه ضاربين بذلك اكبر دلائل الشجاعه والاقدام ، وضرب الأمير وقيان أروع مواقف وأمثلة البطوله والشهامه .
ويقال أن الأمير وقيان بن نصّار لم يمدح شخصا ً في حياته او انثى على احد ، الا أنه في هذاك اليوم وبعد حماية الغييثات لحلالهم وانفسهم قال الأمير هذه الكلمة باللهجة الدوسرية : (لالا حسين لا لا حسين )
أي لولا حسين لولا حسين
.
وحسين هو الفارس حسين بن دجران المناديع الغييثي وقد ابلى بلاء حسنا ً في ذلك اليوم .
وبعد المعركة ورجوع الطفل لأمه قالت الأم السهلية هذه الأبيات تصف انتصار الغييثات وانهم بفضل رأي الأمير وقيان رعوا ابلهم بكل امان لايهابون احد ، كما وصفت موقف الأمير البطولي مع طفلها :

حنا في ذرى الله وفي ذراه من خاف= ومن راي ((اخو فرجه)) دبشنا يفلّي
جانا الدويش وزفلته قوم عسّاف = حتى الرضيع اللي على الديد خلّي
لين اثنى ((شيخ ٍ )) مع الضيق ينشاف= ودنق وشلّه والهوايا تهلّي
فرح عيون أم من الدمع ذرّاف= عسى يمين ٍ شلته ما تشلّي
تنجده (( شيخ )) الجهامه والاسلاف = وطارد وفك الحايره والمتلّي
((وقيان)) له بالعز والطيب ميقاف= وفعله يعمي عيون المغلّي
اللي نطح بساعته سبعة الارداف=ومن سربة (الدوشان) عيا يذلّي

أخو فرجه : عزوة الأمير وقيّان بن نصّار أمير قبيلة الغييثات .
رحم الله الأمير وقيان واسكنه فسيح جناته .
كتبه هايف العماني

كفووووو ...كفووووو والله انهم يحرون بها آلاد الغييثى وكلمة ونعم والله انها شوى فى حقهم ... ياهايف العمانى جعل يمناك مايجيها العطب هذى السوالف اللى لها روح وتنومس اللى يقراها ,, فعلا ضرب اروع الامثله فى البطوله والشجاعه الله يرحم الامير/ وقيان بن نصار ويرحم جميع المسلمين

مشاركة: غزوة الدويش وعساف ابو اثنين مع الغييثات وموقف الأمير وقيّان البطولي

كفو كفو يالاد الغييثى اى بالله يحرون بها والله لايهينك يابو مبارك على ذالسالفه

مشاركة: رد: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة سعد المقابله

كفوكفوكفو
والله بصبيان الغياثات
والله لايهينك لاهنت لاهنت
والله يعطيك الف عافيه
على السالفه والقصيده

ماعليكم زود يابوعبدالله ولابه قصور في الدواسر جميع الله يعزهم

وشكرا على مرورك الكريم

تقبل تحياتي،،

مشاركة: غزوة الدويش وعساف ابو اثنين مع الغييثات وموقف الأمير وقيّان البطولي

لاهنت أخوي هايف

وبيض الله وجهك على السالفة اللي تنومس وترفع الراس

وكفو والله بالاد غياث قده وزود

والله يرحم الأمير وقيّان بن نصّار ويتجاوز عنه

رد: غزوة الدويش وعساف ابو اثنين مع الغييثات وموقف الأمير وقيّان البطولي

اقتباس:

المشاركة الأصلية كتبت بواسطة هايف العماني

بيض الله وجهك يابو مبارك وكفو وسبعين كفو ماتوفيكم يالغييثات

والامير بن وقيان موقفه بطولي وتاريخي جعلكم ذخر

مشاركة: غزوة الدويش وعساف ابو اثنين مع الغييثات وموقف الأمير وقيّان البطولي

كفوووووووووووووو ياالغيثات

والله مهب غريبه عليهم ولا يهونون باقي الفخايذ

الغالي أبومبارك لاهنت على الموضوع الذي يفتخر فيه كل غيثي

وبيض الله وجهك ياالقرم

تقبل تحياتي

أخوك

الصقر الحر

رد: غزوة الدويش وعساف ابو اثنين مع الغييثات وموقف الأمير وقيّان البطولي

ونعم والله بالغييثات عيال جدي صهيب
ونعم بالامير وقيان على فعله وتنجاده للطفل واسترداده لامه سالم
وهذا ان دل فيدل على صلابة راسه وثبات موقفه
وضرب بذلك مثل تفخر به العرب فما بالك بالدواسر
الله لايهينك يابومبارك على جهدك

لك جزيل الشكر
اخوووك
ابو زابن

رد: غزوة الدويش وعساف ابو اثنين مع الغييثات وموقف الأمير وقيّان البطولي

لين اثنى ((شيخ ٍ )) مع الضيق ينشاف=ودنـق وشـلّـه والهـوايـا تهـلّـي

لا استطيع ان اظيف شي على ماقيل قبلي
لاكن هذا مجدا خلده الغيثات وسجل مشرف
يتنومس به كل دوسري والرجال مواقف
ولهم اي الغياثات من المواقف المشرفه مالايعد
ولايحصى
قبيله
عظيمه بعظم رجالها
مهيوبه
من هيبة الشجعان اللي تنومس فعولهم مع مرور الاجيال المتعاقبه
سجلة مجدها بالدم في اكثر من بقعه امام الاعدا
وسجلة مجدها بالكرم الذي لاحدود له لكل من جاورهم وضافهم

وبالنهايه هذه هي التيجه سمعة يتشرف بها كل الدواسر

لم تأتي من فراغ
بل حصيلة التضحيات المقدمه من ابطالهم في الماضي والحاضر
وبيض الله وجهك ياهايف على ذكر هذه القصه
التي هي جزء من الماضي المشرف ال بني عمنا الغياثات

تقبل مرور اخوك

سلطان بن دخيل الله ابن محمد الشكره

رد: غزوة الدويش وعساف ابو اثنين مع الغييثات وموقف الأمير وقيّان البطولي

ابو مبارك
بيض الله وجهك
على ايراد هذا الموقف الشهير
والله ولو بس هذا الموقف افتخرت به الغييثات
لكفاهم الفخر
رحم الله هذا الامير الذي قاد الغييثات
من انتصار الى انتصار
تقبل تحياتي

رد: غزوة الدويش وعساف ابو اثنين مع الغييثات وموقف الأمير وقيّان البطولي