ارحب يالحر ....
 

ارحبوووووووووووا يا شعارنا


والله ان فاقدين ذا الرديات لنا حل


و ينكم جعلنا ما نخلى منكم



و ترانا ماسكين الصفوف معكم .

أررررحب يامترك ....
 

ارحب واسهل يا بو محسن واستلم نفداك:

الحب يلعب بالقلوب الشقيه *** لعبة كره قفابها حمزه ادريس
ويش نوع (همك) كانها فالعطيه *** نوفيك يالمنعور كيس عاى كيس

لعبة كره قفابها حمزه ادريس

صح لسانك يافتى الجود
الليييييييييييييييييييييييييييييييييييييييييل يالصفوف
ننتظر ابداع ابو محسن

ارحب يا بو محماس (الحر) و معذور لكن لا تطول ترا ما للمنتدى منك و من شرواك غناه

اخوك فتى الجود

مشرفنا الغالي: مترك المسعري

ارحب مليووووووووووووووووون X مليوووووووووووووووون

ومرورك يشرفنا و ابشر باللي يرضيك اليوم و دوم

اخوك فتى الجود

اخوي صعوط المجانين:

ارحب و اسهههههههههههههههههههل

شكلك اتحادي هههه

اخوك فتى الجود

المشرف والشاعر: ابو محسن المسعري

المحاوره معك لها طعم خاص و تجبر الشاعر عاى التعمق و الفتل و النقض

وشهادتك تراني طبعتها و علقتها في المجلس!!!!!!11

اخوك فتى الجود

أرحب يابن العم ، بصراحة اني استفدت ومازلت استفيد من اللعب مع امثالك ياطويل العمر ، فعساك على القوة ، واستلم نافدا خشمك:-

عساك ذخرن فالليال العصية ........... ويفداك راعين الحكا والبرابيس
يغيضني ياخوك دارن قصيـة............. أقفابها ربعن رخومن مناجيــس

استلم طال عمرك عاى طاعته:

الدار جاها نكبة عالميه *** من عقبها الاعلام صارت مناكيس
يا كم و كم راحت نفوس بريه *** لكن هناك اللي يشب الفوانيس

ارحب ياصعوووط المجانين ، نبي راعي الحفلة يعطينا الأوامر ويبشر بالسعد ، واستلم يافتى الجود طال عمرك على طاعة:-

العلـم يابن العم نارن لظيــــة ............... تشوي فوادي والفكر والأحـاسيـــس
يامسـندي يالعزوة المسعرية................ الصـبر غلـّـق والجماعة نواعيـــــــس

سروا الليييييييييل صعوط المجانين قده بيقطع الحفلة والخط والديرة كلها......

ارحب ياصعوووووووووووووط المجانين.....
 

تكفى يابو محسن راعى الحفله توه معرس ولا هوب معطينا اذن ذا الحين!!!!!!! وده يصيح صعوط المجانين ولا يصبر!!!!!!

تشكي وانا اشكي و الضماير مليه *** هذا زمان اهل الوجيه المفاليس
ياصاحبي ان كان طاريك نيه **** علمني اودع حسين الملابيس

تشكي وانا اشكي و الضماير مليه *** هذا زمان اهل الوجيه المفاليس



مفاليس عسى مانيب منهم
ههههههههههههههههههههههههههههههههه

أرحب يافتى الجود وياصعوط المجانين ، ومثل ماقال المثل الصبر زين وكل مطرود ملحوق ، والله يوفقنا وياكم للعلم الطيب والدرب الصحيح. واستلم يابن العم جعلني والله ماعدمك:-

منّاب من يبعج وصــايا نبيــّـه .............. والصبر زين وكل شيّن بتقييــــس
لاشفت للأبطال راعي رعيّـــــة............... فاطلق عنان الجود ثم العن ابليس

منّاب من يبعج وصــايا نبيــّـه


صبرنا وعسى الله يزينها

الله لا يهينك ياخوي ابو محسن استفدنا منك الكثير وعزالله ان خوتك ماتمل و ان شاء الله ماتكون يتيمه

تقبل تحيات اخوك فتى الجود

ارحب يابن عمي،،،
 

الأخ الشاعر: فتى الجود ، لاهنت على كل حال ولا هان اخواني المشاركين معنا في التشجيع واللي حمسونا ، وعز الله إني أنا اللي استفدت وكسبت خبرة بعد مجاراتي لشاعر بحجمك ووالله إني قليل اللعب ولكن انت فتحت المجال بهذا الطرق الجميل والقافية الرنانة التي سهلت لنا اللعب وحمستنا .
انا جيت اليوم الجهاز على إنني اعتذر عن تكملة المحاورة معك ، فالجو ذليومين متغير والزكمة والحالة مايعلمها بها الا الله والمزاج بعد لك عليه.
اخيراً وليس آخر تشرفت باللعب معك طال عمرك وإن شاء الله ماتكون اليتيمة ولك من اخوك ابو عبدالمحسن كل الود والتقدير ،،،،