ألآ يالمسلم الغافل تغانـم عمـرك المحـدود=ترى الدنيا كفى الله شرها ماهيـب مأمونـه
تغانم مابقالك في حياتـك وأبـذل المجهـود=عليك بطاعة الله في عمود الديـن وركونـه
عليك مراجعة نفسك مادامك يافتى موجـود=مادامك حـي ومعافـا فعهـد الربِ لاتخونـه
قبل تنحط في قبر رعايـاه الفنـا والـدوود=وقبل يوم الحساب اللي به الاعمال موزونـه
نهار يبعث الله كل من تحت التـراب رقـود=نهار تشخص الابصار من هوله ومن لونـه
نهار فيه كل أعضاك يأبن آدم عليـك شهـود=تكلم بأمـر واليهـا تقـول اللـي تسوونـه
نهـار لـو تعـذر أو تنـدم مايجيبـه فـود=عملكم قـدم عينـك مايفيـد اللـي تقولونـه
لكن أحذر تضيعك الهقاوي والليـال السـود=ترى دنيا الفنا لو أضحكت ماهيب مظمونـه
ترى كنز الفتى له في حياته طاعة المعبـود=هذا الكنز الحقيقي والرصيد اللـي يعدونـه
ماهو كنز التفاخر والتكاثر والطغى والـزود=خسارة من كنز ذا الكنز وأصبح غاية عيونه
وتقبل نصح أخوك المسلم اللي مايبي المردود=يكون الاجر من عند الله اللي محصي كونـه