يالله يا محيي الفياض العذية = يا خالقٍ للخلق رب البرايا
يا عالمٍ بالجهر هو والخفية = يا عالمٍ باللي ايخفا بالنوايا
يا مجزي المخلوق حسنة وسية = يا مكرمٍ عبده جزيل العطايا
ألطف بحالي من همومٍ قوية = أسهر وعيني غارقاتٍ بكايا
أبكي رفيقٍ مبتلى والبلية = لا اقدر اشوفه والبلاوي عنايا
والحال يعرف مايله من سويه = يالله طالبك وشنهي السوايا
يا وجد حالي منهو بالمهمهية = ضايع ولا عيّن حلول البلايا
ويا وجودي يوم ذقت البلية = وجود عمرٍ منتهاه المنايا
ياليت ما صاير عليهم عليه = ولا هو بيصبح حالهم بالردايا
سقت البشاير كلها له هديه = واثر المآسي كلها لي هدايا
ويا جرح عمري للمآسي بقية = مير احتفظها بين عوج الحنايا