|
اقرب دونك يالرمح
السلام عليكم ورحمة الله وبركاته
سلام الله سلام الله على اللي يلعب الطاروق=تحيه للرجال اللي على القلطات خابرها الا يالرمح هات العلم لو العلم بالصندوق=ولن شفت المهبل والمجنن لاتشاورها واسمحلنا على التاخير |
وعليكم السلام ورحمة الله وبركاته
خلووووووووووووووها
هلا يامرحبا ياصاحبي بالفعل والمنطوق = بيوتٍ شاعر القلطه على الصفحه يحررها يجيك العلم والمعنى عن الي مايعرفه فوق = لاكن ياصاحبي سوق الركايب لاتحيرها {ما ابطا من جاْ} الرمـــــح |
يامرحبا
استلم
الا من يدخل المضمار ياسابق ويامسبوق=ولاتصبح كما اللي في حفايرها جفايرها ركايبنا على المعنى نهد جهودها بالسوق=تصبحكم تمسيكم بعد ساعه تناظرها |
خلووووووووووووووووووها
الامنك خذيت المنعطف يا بورجب برفوق = على شان القرنبع ماتعلاها توايرها دفعني للمعاني ياصحيب الخير دافع شوق = نسولف للرجال ونعرف الي في ظمايرها الرمـــح |
خلوووها
ترى ماعذّب العشاق كود الشوق للمعشوق=ومن ذاق الفراق العين هلت من عبايرها الا من طب وسط اللعب يافالق ويامفلوق=وليا منّا كسرنا العظم ماتجبر جبايرها |
الله الله :)
صح لسانكم واصلوا تراني متابع و ماسك صف |
خلوووووووووووووووووووووووووها
مدامك ياعميل الخير تعرف سلة المفتوق = نصيحه لاتقربها توهق في خسايرها عطاك الله اذانٍ صاغيه واعطاك جوز ارموق = الى منك سلمت بمره احذر لاتكررها |
ارحب والله يابومبارك
انت معي ولا معه بيّن موقفك ماعاد الا لزم الحناجر ههههه تحياتي-ابورجب |
الا ياشاعر الحله الا يالشاعر المرموق=عليك الدايرات تدور وانته في دوايرها نبيع ونشتري وانسوم لامن جيت وسط السوق=ومسلم في ديار المسلمين اعرف شعايرها |
الامعي يابو رجب
لاصرت قوي والجمهور معك مشكله خلووووووووووها
تراك بكلمتك ياصاحبي يابورجب محقوق = لكن اسحب كلامك لاتزعلني وافجرها الى جيت الربيع اقطف من النوار والزملوق = تغانم فرصتك دام الله الخلاق ساترها الرمح |
الله لايهينك اخوي العماني على مسكة الصف
|
بيض الله وجيهكم ياشعار استمتعنا معكم محاوره في قمة الروعه
|
بيض الله وجيهكم
والله لا يهينكم والله يعطيكم العافيه والف شكر لكم جعلنا ما نخلا منكم وعلمكم والله طيب يا ربعنا وجعلكم تسلمون |
الله لايهينك اخوي تركي
اربك في صفي |
الشكري
وجهك ما يلام الطيب لا تستغربه من هل الطيب,,,الي لهم في منهج الطيب خبره |
الرمح وابو رجب بيض الله وجيهكم امتعتونا عزالله لاهنتوا جميعا ,,
تقبلوا تحياتي ,,, |
السلام عليكم ورحمة الله وبركاته
بيض الله وجهكم جميع . على هذه المحاوره الرائعه . وعساكم على القوة |
تركي الودعاني ارحب ياذيبان
الشكري جعلك انت تسلم نايف ياهلا بالغالي محمد ال زمام حياك الله وبقاك الله يعينكم على الصفوف طيب طيب خلووووهاااااا
حذاري لاتفجرها عسا ما خلاف يامخلوق=تجيك السالفه مابين واردها وصادرها تحرص من هل الغيبه كبار العلبا وساع شدوق=على النيشان ضربتها وبندقها تعايرها |
تسلم يا بو رجب
ويسلم الرمح والله كلكم عزيزين وغالين والله يبارك فيكم يا شعارنا جعلنا ما نخلا منكم ونحتري ابداعاتكم وانتوا ما يحتاج ذخر لا عدمناكم وبيض الله وجيهكم |
يامرحبا يالشكري
كلامك طيب والطيب لهل الوفا عنوان والله يعينا وياكم بما فيه الخير والبركه تحياتي-ابورجب |
الله لايهينكم ياشباب جميعاً
بدون ذكر اسما والقدر في الصدر تأخرنا على ابورجب
عسى ماشر ياراع الغنم مدري يراع النوق = مدام ان خصمك مقدر شنب لحيتك قدرها مدامك شايفاً وقفتك بين الناس في صعفوق = تنبه للهبايب لاتجي الرمله تطيرها |
الله لايهينك يالرمح واللعب معك اكثر من رائع والله يعطيك العافيه وجميع
من شاركنا ومسك الصف والجايات واجد والله كريم تحياتي-ابورجب |
لهنت اخوي ابورجب
ولاهانوا الصفوف والأخوان جميعاً |
بيض الله وجيهكم ياشعار والله استمتعنا مع المحاوره اللي في قمة الروعه وخاصه اذا فيه شعراء امثال بو رجب والرمح
والرمح انشالله المحاوره الجايه انا في صفك بس لايزعل علينا بورجب تراه عزيز وغالي |
حياك الله ياتركي الودعاني وشهاده نعتز فيها يالذيب
هذي خيانه تمسك الصف ضدي ههههه لاهنت على المرور |
الساعة الآن 01:22 AM
 |
Powered by vBulletin® Copyright ©2000 - 2025, Jelsoft Enterprises Ltd.
---