ياناصرً جيش النبي والصحابه= ومهزم أعداك اللى على الشرك عاصين
تجلى بياض أصبي عيني ومابه =واشوف شوف مطلعات الشياهين
عقب العمى تنظر منازل احبابه=واخصهم بالشوف لو هم بعيدين
يامحسن الدنيا لفتني اركابه =وقرب رحيلي من فريقً مقيمين
والقبر قلبي خايفً من عذابه= في ساعهً عنها الحوافير مقفين
ويروعون القلب مثل الذيــابه =اللى يقيسون العمل بالميازين
وانا ضعيف الحال مافيه جابه = وتنجد ًمن غير ربك ماهو شين
يامحسن الحسنى علينا مثابه =خلك لوغداني رحومن وبك لين
احرص بهم لاما يجون القرابه= مثل افروخ العش برصً مساكين
وداعتك نوره عذيً شبابه= لاتطلقه ترها خياله سلاطين
اللى كما نظم اللوالو عذابه = مع الطبايع خالطً عقلها زين
والله يأمن روعتي من عذابه=وياسمعينً طلبتي قولوا آمين

المشاركة الأصلية كتبت بواسطة ابو زابن المسعري (المشاركة 230288) سبحان من امره بين الكاف والنون (كن فيكون) الاخ العزيز نايف الخييلات بيض الله وجهك وطول الله عمرك على هذه القصه والقصيده

جل سبحانه خالق الكون ويديره والله لايهينك يانايف على المشاركه الجميله

والله يأمـن روعتـي مـن عـذابـه وياسمعيـنً طلبتـي قولـوا آمـيـن أميييين ولاهنت يا نايف وماقصرت ,,,

المشاركة الأصلية كتبت بواسطة دوسري مطنوخ (المشاركة 230923) سبحان الله العظيم الله لايهينك يانايف على اتحافنا القصه والقصيده (أنه قادرُ على كل شيئ ) أخوك/مطنوخ

المشاركة الأصلية كتبت بواسطة صالح الجعيدي (المشاركة 231628) بيض الله وجهك وطول الله عمرك يا أبو فهاد على القصه والقصيده تقبل مروري ،، مع خالص التحية و الاحترام .

المشاركة الأصلية كتبت بواسطة ابو المثنى التركي (المشاركة 233090) اخي الحبيب نايف اشكرك على هذه الرئعة بيض الله وجهك

المشاركة الأصلية كتبت بواسطة ((هوااوي)) (المشاركة 233781) اللـى كمـا نظـم اللوالـو عـذابـه .. مـع الطبايـع خالـطً عقلهـا زيـن العنبر والعود ونبت الخزاماء مايجي منه الاالريحه الطيبه وانت يانايف مثلهاء امتزج طيبك وحلو مواضيعك واصلك الطيب لاهنت يانايف الخيلي طرح اكثر من رايع ولك التحيه

المشاركة الأصلية كتبت بواسطة أبو عبد السلام (المشاركة 309591) بيض الله وجهك وطول الله عمرك يا أبو فهاد على القصه والقصيده

المشاركة الأصلية كتبت بواسطة رائــــــــــد (المشاركة 309670) نايف الخييلي بيض الله وجهك يالقرم على هذا النقل المميز لقصيدة الوضيحي ودمت بالف خير