|
من ضاق صدره ركب وإفتر في بنده( هوايه خاصه )
السلام عليكم ورحمة الله وبركاته وبعد أعزائي منسوبي منتديات قبيلة الدواسر إدارة ومراقبين ومشرفين وأعضاء وزوار أسعد الله مسائكم بكل خير وسرور هذه قصيدة قلتها في فصل الربيع ولاقت أصداء كثيره ولقد جاراني أخي وحبيب قلبي أبو سعد ( أبو حاجوووونه) ولقد رديت على أبو حاجووونه وسوف أقسمها على ثلاث صفحات الصفحة الأولى قصيدتي والثانيه مجاراة أبو حاجونه والثالثه ردي على أبو حاجونه. قصيدتي الأولى هي
من ضاق صدره ركب وأفتر في بنده=اللي حداه الطفش واللي له أشغالي والناس باأفكارها كل على قده=ولولا أختلاف النظر ماجابها أشكالي والناس كل يبي يمشي على ودَه=كلٍ يدور لشفه قدر ماأحتالي وأنا هوايه وشف البال باآعدَه=ممـشاً بوسط النبات ودمث الاسهالـي خص أليا زاف عشبه وأرتفع فنده=متخالط زاهره من كل الاشكالي بأركب على موتر مادور الكدَه=مايوم وقف على الركاب يشتالي شد الخواجه جديدٍ مانقل عدَه=فيكسار فتحه ومكره وارد التالي راعيه لاجاء لزوم البر ماردَه=يبغيه يطوي بعيد الخط لو طالي فيازين ممشى البريمي لالحق حدَه=مع سهلةٍ خاليه ماطبها أزوالي يبغي ديار كساه النبت من مُده=فيها فراقين نجع البدو نزالي نجعٍ مقيم ونجعٍ في طرف شده=ونجعٍ على السير ينزل طيب الفالي واللي سرح في الدبش من القفر مارده=متشوبشٍ في هوى السرفات الاجهالي لاجيتهم يمضي الاسبوع ماأعده=أعيش معهم وقلبي داله سالي أسج معهم وعند الله ماعنده=مادمتنا حي بمشي في هوى بالي والعمر محدود حده لاأنتهى حده=لابد من حفرةٍ بالرمل تنهالي هذا هوايه وشف البال مع وده=البر وأهله ربيع القلب والحالي والناس بأفكارها كل على قده=ولولا أختلاف النظر ماجابها أشكالي |
وآقلبِ ياللي شكى شكواه مـن جـدَهْ=مما يكنه شكى همـه علـى الغالـي هاضت إشجوني مع اللي واصلٍ حدَهْ=وأنا إمن أوَل إبخيـر ودالـهٍ سالـي حضَر إهجوسي وأنا ماأقدر على ردَهْ=من ماضي الوقت جددْ جرحي التالي ياجايـب العلـم هـذا خطـنـا ودَه=لبو بطـي ود علمـي يابعـد حالـي وصلْ له أخبـار قلـبٍ بايـحٍ سـدَهْ=إنكانِ جاله من الصدمـات ماجالـي يالدوسري مابقى من العمـر بآعـدَهْ=لوكان ماضيه منهـم قطَـع إحبالـي هذا زمـانٍ قضبنـا وأحكـم الشـدَهْ=عزيلِ قلبك مِـن الماضـي وعزَالـي ذكرى الطرب مانسينـا بـأول المـدَهْ=أمسٍ صفالي وعيَـا اليـوم يصفالـي ذكرني اللي يدق الوشـم فـي خـدَهْ=يازين دقتـه حـدرى حبـة الخالـي إليا كستها إرمـوش العيـن مسـودَهْ=سودٍ يلا أغضا بها ضيعت الأقوالـي والموت لاقال وينك ويـش ذالصـدَهْ=طوَلت عنَـا ومنـك العلـم ماجالـي مايدري إنـا نحسـب اليـوم ونعـدَهْ=عقبه مع الناس كني عايـشِ لحالـي حبل الرجاء نوب أشد ونوبـن أهـدَهْ=يابوبطـي مالفانـي منـه مرسالـي وأبواب وصلي عليـه اليـوم منلْـدَهْ=حظ الردى بيـن مطـلاعٍ ومنزالـي ودي بشوفـه وهـو ياصاحبـي ودَهْ=مازال يملك خفايـا القلـب مازالـي لو لا تضايقت إتوسع خاطـري بنْـدهْ=ماكان عنها طلعنـا بالخـلا الخالـي |
قال اللذي لابغى بـدع المثِـلْ عـدَهْ=مِنْ فضلِ ربٍ على كل البشرْ عالـي لامن حظرْ هاجسِه ينقى علـى قـدَهْ=ويصوَرِ اللي طراله وسْط الأمثالـي يامرحبا بالشجاع اللي كِشـفْ سـدَهْ=يامرحبـا ياهـلا بالطيـب الغالـي الليٍ بنى في طويـلات النبـا مجـدِهْ=أبو سعد يا عريـب الجـد والخالـي الشاعر اللي جزيل القاف مِـنْ عنـدِهْ=يعدَهـا لانطقهـا جنـيـه وريـالـي يشكي زمانٍ مضالـه والدهـر حـدَهْ=ويشكي الهوى والمحبة طيب الفالـي يشكـي علينـا وحالـي كنـه القِـدَهْ=من جور وقتٍ سبب همي وغربالـي والوقت لاجار ماأحـد ٍ يقـدرْ يـردَهْ=الناس ماأحدٍ ذكر لي دالـه سالـي وجدي ووجدكْ على اللي فاتِ مِنْ مدَهْ=أيـام مـرتْ علينـا يابـري حالـي يوم الهوى يرفع العشَاق فـي زنـدِهْ=مبني على الصدقِ والإخلاصِ للغالي واليـوم حِـبَ الخلايـقْ هاتـه وٌودَهْ=سواةِ فيـتْ عصـر والفـيَ ينزالـي وأثني على اللي حفظ حبه على عهده=من ماضي الوقت حتى وقتنا التالـي فليت الزمن ماغدابـه يرجـع يـردَهْ=ويرجع لنا وقتنا اللي يشـرح البالـي ياأبو سعد حاضـرٍ مادونكـم صـدَه=من يعتزيبي إفِـداه الحـال والمالـي أنـا رفيقـك بوقـت الليـن والشـدَه=وأنا خويَك بوقـت المـر والحالـي صامـل وماتطلبـه ياصاحبـي بـدَه=ماني بمن ينفهـق لاجـات الافعالـي ماقلـت هـذا الكـلام إلاَ وأنـا قـدَه=مادمت حيٍ وأنـا للطيـب أبحتالـي والعمر محدود حـده لاأنتهـى حـدَه=لابـد مـن حفـرةٍ بالرمـل تنهالـي وختامهـا جـاك تقديـري مـع ردَه=الله يعين اللي شكى ياطيـب الفالـي |
المشر ف الغالي دغش البطي والشاعر المبدع ابوحاجونه صح الله السنتكم وبيض الله وجيهكم علي المجاراه الرائعه
|
الشاعر الكبير / دغش البطي
الشاعر الكبير / ابو سعد عزالله إنكم ماقصرتوا يا النشامى شعر ومعنى وعلوم تسر |
الاخ دغش البطي
كل ماكان الكلام من صاحب معرفه صار جزل مثل ماهو يصدر منك دائما طول الله حياتك على عز وطاعه والحقيقه انك اتحفتنا بهذه القصائد بينك وبين الشاعر الرائع ابو سعد , تقبل تحيات اخوك محمد
|
صح الله لسان شعرانا الكبار دغش البطي وابوحاجوونه الذين نفتخر بهم دائما
|
|
اقتباس:
المراقب القدير تركي الودعاني أررررررررررررحب يالسنافي الصفحه وصاحبها يفتخران بتواجدك هنا يالقرم لاعدمتك وجعل من أرثك في الجنه تواجدك المستمر وقودٍ لي ويدفعني للمزيد عاطر التحايا القلبية لك محبك ومغليك : دغش بن بطي الغياثات |
صح الله لسانك يا الفطحل ،
أنا اشهد انك سنافي قول وفعل ، وبيض الله وجه الشاعر أبو سعد اللي حرك المشاعر وألهب الأحاسيس ، لا هنتوا وجعل من أرثكم في الجنه . وتقبلوا أصدق تحياتي |
استاذ الشعر ابو بطي صح لسانك انت وبو سعد والله يطول عماركم على طاعه. لكم تحياتي
|
اقتباس:
أخي العزيز الواضح مرحبا مدد ماتنحصي بالعدد مرورك ومتابعتك وتشجيعك يسعدني ويشرفني لاهنت وبيض الله وجهك يالغالي تحياتي القلبية لك محبك ومغليك : دغش البطي |
الاخ الشاعر دغش البطي والاخ الشاعر ابو سعد.................
لاهنتوا يالقروم على هذه القصائد الرائعة والمعاني الجزلة والله يعطيكم العافية... |
اقتباس:
الشاعر الكبير محمد بن حشفل أررررررررررررحب يالسنافي الصفحه وصاحبها يفتخران بتواجدك هنا يالقرم لاعدمتك وجعل من أرثك في الجنه تواجدك المستمر وقودٍ لي ويدفعني للمزيد عاطر التحايا القلبية لك محبك ومغليك : دغش بن بطي الغياثات |
اقتباس:
الأستاذ القدير الفاضل : العماني أرررررررررحب ياأبو مبارك الصفحه وصاحبها يفتخران بتواجدك هنا يالقرم لاعدمتك وجعل من أرثك في الجنه تواجدك المستمر وقودٍ لي ويدفعني للمزيد عاطر التحايا القلبية لك محبك ومغليك : دغش بن بطي الغياثات |
اقتباس:
|
صح لسانك اخوي دغش وصح لسان الشاعر ابو حاجووونه
ومجاراة بين عمالقة لا يعلا عليهاااااااااااااا |
دغش البطي السلام عليكم ورحمة الله وبركاته صح الله السانك وسلمة ايمينك يالقرم على القصيده الي عزالله العزيز أنها وافيه جمل الله حالك وكلك ذوق يا بو محمد ولى ننسى الشاعر الكبير اخوناء ابو حاجووونه على هل مجاراه الطيبه بينه وبين شاعرنا دغش البطي الله يدرك يابو سعد ويصح السانك والكم من محبكم واخوكم اجمل تحيه وحترام ابــــن هـــــد يـــــهـــد |
اقتباس:
أخي العزيز راس يابس مرحبا مدد ماتنحصي بالعدد مرورك ومتابعتك وتشجيعك يسعدني ويشرفني لاهنت وبيض الله وجهك يالغالي تحياتي القلبية لك محبك ومغليك : دغش البطي |
دغش البطي
صح السانك والسان الشاعر ابو حاجووونه قصيده أكثر من رايعه ومجارات ابوحجووونه وردك جعل تسلم يمناك ويكثرون أمثالك |
الشاعر الكبير ابومحمد " دغش البطي" بالله لفظك هذا سال من عسل =أم هل صببت على افوهنا العسل صح الله السانك وعتلا شانك الحقيقه ان مهما كتبو الاخوان في الثناء على شخصك النبيل فلاً يوفونك حقك سوا في قصيدك او في نقل القصيد او في الاشراف فأنت شعله من النشاط في هذى الصرح الكبير عسى الله يبارك فيك ابومحمد يشهد الله اني اقف حاير امام مواضيعك ماذا اقول فمواضيعك تفرض نفسهاء على القارء بقوه من حيث الجزاله والترتيب. اكرر شكري وتقديري لشخصك النبيل على مقدمت . والشكر موصول لشاعر الكبير ابوسعد(ابو جاجوووونه) عسى عمره طويل. تحيات اخوكم / فـــهـــــد الـــغــــريـــــري,,,,, |
اقتباس:
الأخ العزيز الغالي أبن غيث مرحبا مدد ماتنحصي بالعدد مرورك ومتابعتك وتشجيعك يالقرم يسعدني ويشرفني لاهنت وبيض الله وجهك يالغالي تحياتي القلبية لك محبك ومغليك : دغش البطي |
اقتباس:
الأخ العزيز الغالي الركن أبو عبدالله أرررررررررحب يالسنافي الصفحه وصاحبها يفتخران بتواجدك هنا يالقرم لاعدمتك وجعل من أرثك في الجنه تواجدك المستمر وقودٍ لي ويدفعني للمزيد عاطر التحايا القلبية لك محبك ومغليك : دغش بن بطي |
اقتباس:
عز الله انا نفخر فيكم يا دغش البطي ويا ابو حاجوونه الله لايهينكم وجعلكم والله تسلمون اخوكم ابو عبد الله الشكري |
اقتباس:
الودعاني يامرحباً تراحيب المطر أسعدني تواجدك في متصفحي المتواضع الله لايحرمني منك ولامن المطاليق شرواك تعقيبك وثنائك وسام ٍ على صدري عاطر التحايا دغش البطي |
اقتباس:
الأخ العزيز الغالي أبن هديهد مرحباً مليار×مليار بالرجال الأخيار مرورك ومتابعتك المستمره تشرفني وتسعدني تعقيبك وثنائك وسامٍ على صدري وشهادةٍ في يميني مهما كتبت وسوف أكتب لن يوفيك حقك ياابو ناصر جعل من ارثك في الجنه وجعل حياتك طويله والله يردك من شروره سالم غانم وتفرح مع من تحب في الديره الغاليه عاطر التحايا وإسلم وسلم لي على أخوياك محبك ومغليك : أبــو مـــــــحـــــــمـــــــد |
الأخوة دغش البطي وأبو حاجونه الله لا يهينكم على القصايد الجزلة عز الله عناق عمالقة لا تبخلون علينا بأمثالها جعلكم تسلمون لكم خالص التحايا |
اقتباس:
الأخ العزيز الغالي : مهجد يامرحباً تراحيب السيل روعة القصائد في مرورك وتعليقك وتعقيبك عليها لاعدمتك يالسنافي والحقيقه أنك شرفتني بمتابعتك وتعليقك الجميل جعل من أرثك في الجنه عاطر التحايا محب الجميع : دغـــــــــش الـــــــبـــــــطـــــــــــي |
دغش البطي و ابو حاجوووونه صح الله لسان كل منكم على القصائد والرديات الاكثر من رائعة ولم نعهدكم الا بالجزلة و بالعلوم الغانمة .. وجعلكم ذخر لنا و للمنتدى فالمنتدى قافلة وانتم قادتها اخوكم في الله محمد الغريري |
اقتباس:
الأخ العزيز الغالي فهد الغريري أررررررررررحب تراحيب السيل ياابو هادي مرحباً ترحيبةٍ تخضر بيابس الورق مرحباً من باب نجران إلى باب الشام مرحباً من اليوم إلى يوم القيامه والله العظيم إني أحبك يافهد لأنك شخصٍ بإختصار فرضت نفسك على الجميع وذلك من خلال أطروحاتك الجميله وردودك المقنعه والمرتبه وإنتقائك للكلمات المؤثره الحقيقه وجدت نفسي عاجزاً عن الأيفاء بالكلام اللذي يليق بمكانتك وأدعو الله العظيم أن يمهل لك في حياتك ويبارك لك في ذريتك ولايحرمنا منك ولامن تواجدك بيننا ومن هم شرواك ردودك دائماً تشرفني بها وثنائك أعتبره وساماً على الصدر أتزين به وتعبيرك الجميل الراقي أعتبره شهادةٍ في يميني دمت لنا ولمنتدانا بهذا التوهج والتفرد الجميل وسلمت أناملك اللتي تخط وتنتقي العبارات الجميله وسلم فكرك الراقي اللذي يصوغ ويبحر ويبدع في كافة المجالات صح الله أبدانك وإعتلا شأنك دنيا وآخره وجعل من أرثك في الفردوس الأعلى عاطر التحايا القلبية لمقامك العالر اللذي لن توفيه عبارات أوكلمات أو صفحات محبك ومغليك : أبو محمد |
اقتباس:
الشاعر والزميل ماجد المهنا وعليكم السلام ورحمة الله وبركاته يامرحباً تراحيب المطر أسعدني تواجدك في متصفحي المتواضع الله لايحرمني منك ولامن المطاليق شرواك تعقيبك وثنائك وسام ٍ على صدري عاطر التحايا دغش البطي |
اقتباس:
|
اقتباس:
الأخ العزيز الغالي راشد النتيفات مرحبا مليار × مليار بالرجال الأخيار راشد ومن يقول مايهون جعل عمرك طويل مرورك وتعقيبك وثنائك شرفٍ لي كبير ووسام على الصدر وأبشر بما طلبت إن شاء الله عاطر التحايا القلبية لمقامك العالي أخوك ومحب الجميع : دغش البطي |
الله يكثر هواياتك الخاصة يادغش حتى نستمتع بمثل هذه القصائد العذبة:)
قريت القصايد قبل تسجيلي بمدة وقلت لازم اعلق عليها لاشاركت سجل إعجابي المتزايد - |
اقتباس:
الأخ العزيز الغالي محمد الغريري يامرحبا ياابو صهيب متابعتك لي شرف كبير وثنائك وسام أعتز به الله لايهينك ويبيض وجهك يالقرم والله لايخلينا منك ولامن المطاليق شرواك عاطر التحايا محب الجميع : دغش البطي |
اقتباس:
مناحي الرجباني لاهنت يالقرم على هذا الرد الطيب إعجابك يشرفني لاهنت وبيض الله وجهك عاطر التحايا محب الجميع : دغش البطي |
دغش البطي .... صح الله الساااااانك و السااان ابو سعد ... جميل جميل بطرحك .... متميز بأسلوووووبك .... لله درك ...
قال اللذي لابغى بـدع المثِـلْ عـدَهْ مِنْ فضلِ ربٍ على كل البشرْ عالـي لامن حظرْ هاجسِه ينقى علـى قـدَهْ ويصوَرِ اللي طراله وسْط الأمثالـي يامرحبا بالشجاع اللي كِشـفْ سـدَهْ يامرحبـا ياهـلا بالطيـب الغـالـي الليٍ بنى في طويـلات النبـا مجـدِهْ أبو سعد يا عريـب الجـد والخالـي الشاعر اللي جزيل القاف مِنْ عنـدِهْ يعدَهـا لانطقهـا جنيـه وريـالـي يشكي زمانٍ مضالـه والدهـر حـدَهْ ويشكي الهوى والمحبة طيب الفالـي يشكـي علينـا وحالـي كنـه القِـدَهْ من جور وقتٍ سبب همي وغربالـي والوقت لاجار ماأحـد ٍ يقـدرْ يـردَهْ الناس ماأحدٍ ذكر لـي دالـه سالـي وجدي ووجدكْ على اللي فاتِ مِنْ مدَهْ أيـام مـرتْ علينـا يابـري حالـي يوم الهوى يرفع العشَاق فـي زنـدِهْ مبني على الصدقِ والإخلاصِ للغالي واليوم حِـبَ الخلايـقْ هاتـه وٌودَهْ سواةِ فيتْ عصـر والفـيَ ينزالـي وأثني على اللي حفظ حبه على عهده من ماضي الوقت حتى وقتنا التالـي فليت الزمن ماغدابـه يرجـع يـردَهْ ويرجع لنا وقتنا اللي يشـرح البالـي ياأبو سعد حاضـرٍ مادونكـم صـدَه من يعتزيبي إفِـداه الحـال والمالـي أنـا رفيقـك بوقـت الليـن والشـدَه وأنا خويَك بوقـت المـر والحالـي صامـل وماتطلبـه ياصاحبـي بـدَه ماني بمن ينفهـق لاجـات الافعالـي ماقلت هـذا الكـلام إلاَ وأنـا قـدَه مادمت حيٍ وأنـا للطيـب أبحتالـي والعمر محدود حـده لاأنتهـى حـدَه لابـد مـن حفـرةٍ بالرمـل تنهالـي وختامهـا جـاك تقديـري مـع ردَه الله يعين اللي شكى ياطيـب الفالـي الله الله عليك .... كبير يااادغش .......... تحياااتي لك ..... أخوك / مــاجـــــد |
الشاعر المبدع ماجد بن عجاج يامرحباً تراحيب المطر أسعدني تواجدك في متصفحي المتواضع الله لايحرمني منك ولامن المطاليق شرواك والحقيقه تعقيبك وثنائك وسام ٍ على صدري والروعه الحقيقيه يكمن في متابعتك وتعقيبك عاطر التحايا دغش البطي |
رد: من ضاق صدره ركب وإفتر في بنده( هوايه خاصه )
((رحمك الله يا ابا محمد)) حكمت القيفان فابدعت ،، شاعر كبير ولقد صدق ابن وقيان عنما سماك شاعر الغييثات وصح اللسان ابو حاجونه وسوف انتظر الدهر كله بانتظار رك اللهم اغفر لدغش وارحمه محبك ومغليك ابنك ابو زيد |
رد: من ضاق صدره ركب وإفتر في بنده( هوايه خاصه )
الله يغفر له ويرحمه ويسكنه الجنه
|
الساعة الآن 06:51 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
