::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم المــحــاورة والألــغـاز:: (http://alduwaser.org/vb/forumdisplay.php?f=18)
-   -   لغز يبيله حل عندكم يالمطاليق (http://alduwaser.org/vb/showthread.php?t=3479)

دغش البطي 27-07-2005 10:53 PM

لغز يبيله حل عندكم يالمطاليق
 
أنشدك عن رجلين والثالثه بنت=ماتوْ وسيرتهم مع البنت حيَه
يضرب بهم مثل إذا إنك تمعَنت=طيب وردى ويجوز عن حسن نيَه


وفي إنتظار رمعاتكم على اللغز

عاطر التحايا

دغش البطي

دغش البطي 28-07-2005 10:52 AM

معقول

عدد المرور 13

ولم يكتب أحد ولو رمعه

في إنتظاركم

عاطر التحايا

دغش

ابوشجاع 28-07-2005 02:14 PM

لاهنت يادغش على ذاللغز وصراحه لغز صعب
وانا عشان اشجع الاعضاء على المحاولات ورغبتك بمشاركاتهم

انا اقول وبالله التوفيق(التاريخ او السيره)وسلامتك يالذيب


تحياتي لك--

دغش البطي 28-07-2005 09:14 PM

أبو شجاع

مرحباً تراحيب السيل

مرورك وتعقيبك وتشجيعك يعتبر حلاً كاملاً

لكن أقول لك مالك لوى جعل عمرك طويل

حلك ليس صحيح ولكن طالع في اللغز زين ( رجلين والثالثه بنت )

وتراه متداول بين الناس كمثل تراني وضحته

وأنت رمعتك طيبه ياطيب

بارك الله فيك وجعل والدينك في الجنه

عاطر التحايا

دغش البطي

راشد المسعري 28-07-2005 10:12 PM

أبو بطي
 
الغالي والأخ العزيز / دغش بن بطي ، لاهنت على طرح اللغز الجميل وبنرمعه مع الشباب لين الله ييسر الحل .

وش رأيك في السيفين و النخلة ، ودمت سالم وغانم.

دغش البطي 28-07-2005 10:43 PM

أبو عبدالمحسن المسعري


مرحباً تراحيب السيل


مرورك يغني ويكفي


ورمعتك طيبه وأنت أطيب لاعدمتك


ولكن الحل للأسف لم يكن صحيح


حاول مرةٍ ثانيه ربما تحله


عاطر التحايا


محب الجميع : دغش بن بطي

سالم الغريري 31-07-2005 02:04 PM

ابو محمد

اللي فهمته من الرجلين اللي هي الاقدام


يعني يكون الحل الرجل الكبير في السن يموت وتبقى عصاه اللي يتعنز بها ؟

دغش البطي 31-07-2005 03:30 PM

سالم الغريري


يامرحباً تراحيب السيل


مرورك تكفي لاعدمتك


والحل للأسف لم يكن هو الصحيح


حاول مرةٍ ثانيه


عاطر التحايا


محب الجميع : دغش البطي

سالم الغريري 31-07-2005 07:12 PM

والله مانتب سهل يا ابو محمد

عقدنا ذا اللغز



طيب ابو محمد ممكن سؤال


وش المقصد من كلمة ( الرجلين ) ؟

هل هي جمع قدم ( رجل )
او

رجالين = رجال ؟


انتظر توضيحك




تحياتي

دغش البطي 31-07-2005 08:00 PM

سالم الغريري

يامرحباً تراحيب السيل

رجلين جمع رجل أي الاثنين مذكر

عاطر التحايا

محبك دغش البطي

الركن "أبوعبدالله" 12-08-2005 05:14 PM

الاخ دغش البطي
السلام عليكم ورحمة الله وبركاته وبعد
بعد السلام والتحيه اليك هذه الرمعة وارجو انها تكون الحل

هذا طال عمرك البنت (الدنيا) والرجلين (الرجال وعمله)اوالعمل الصالح والعمل السيء


ولاهنت على هذا اللغز اللي ميه وتسعة قروه ماحلوه والعاشر الله العالم

تقبل فائق الاحترام والتقدير

دغش البطي 12-08-2005 10:26 PM

الركن أبو عبدالله

يامرحباً تراحيب السيل

رمعتك ياطير شلوى

رمعةٍ طيبه من رجل أطيب

ولكن للأسف لم تكن بالحل الصحيح

حاول نفداك مرة ثانيه

تقبل الود والتقدير

محب الجميع دغش البطي

تاليا 13-08-2005 12:48 AM

يمكن تكرن عقارب الساعة؟؟

مع اني ماني بمتأكدة

ماجد 13-08-2005 03:52 AM

خيمة ام عمودين
يمكن

دغش البطي 13-08-2005 08:24 AM

اقتباس:

المشاركة الأصلية كتبت بواسطة تاليا
يمكن تكرن عقارب الساعة؟؟

مع اني ماني بمتأكدة


تاليا

للأسف لم تكن عقارب الساعه

حاولي مرة ثانيه

عاطر التحايا

دغش البطي 13-08-2005 08:25 AM

اقتباس:

المشاركة الأصلية كتبت بواسطة دوسري الهوية
خيمة ام عمودين
يمكن


دوسري الهويه

حلوه خيمه أم عمودين

الأجابه لم تكن صحيحه

حاول مرة ثانيه

عاطر التحايا

فهد الغريري 15-08-2005 07:51 PM

بسم الله الرحمن الرحيم


الغالي ابومحمد

الحل عندى ان كان مخانتني فطنتي

الجواب (( ثر الرجال ))


تحياتي وتقديري

اخوك / فـــهــــد

دغش البطي 15-08-2005 07:55 PM

الغالي فهد

يامرحباً تراحيب السيل

تعليقك ياابو راشد يغني عن الحل

أما رمعتك يالقرم

فلاهيب صحيحه حاول نفداك مرة ثانيه

تقبل الود والتقدير

محبك الدائم دغش

ابو زيد الغييثي 22-08-2005 12:03 AM

يابو بطي اعجزت المنتدى


شعار وعضاء


سهل وانا بن عمك شوي


تقبل تحياتي

دغش البطي 22-08-2005 08:11 AM

أبو زيد الغييثي

مرحبا تراحيب السيل

اللغز ماهو بعسر إلى هذه الدرجه

ولكن اللغز تراه مثل الشاره إليا رموه التفافيق ولاصادوه تصلف

أقرأؤوه جيداً وسوف تعرفونه

وتراه صار يضر به مثل عند أكثر الناس

تحياتي القلبية لك

دغش البطي

ابن فادر 28-08-2005 09:24 AM

الاخ العزيز

ابن بطي

السلام عليكم

اولا اشكرك على طرحك اللغز

ثانيا اود ان ادلي بدلوي من ظمن من حاول

اما ما اردت ان ارمع به فاعتقد انه

طير ابن برمان

حيث ان الرجلين هما الطير وصاحبه اما البنت فهي

الحيه اللي جابها الطير

والله اعلم

ولك خالص تحياتي

اخوك ابن فادر الغييثي

دغش البطي 28-08-2005 11:45 AM

أبن فادر الغييثي

مرحباً ياصلب جدي تراحيب السيل

وأنت وافي ومن ربعٍ وافين

وحلك للغز أقول

صح صح صح

وبيض الله وجهك يالقرم على الحل

عاطر التحايا القلبية لك

محبك ومغليك : دغش بن بطي الغياثات


الساعة الآن 10:04 AM

Powered by vBulletin® Copyright ©2000 - 2025, Jelsoft Enterprises Ltd.
---