أعزائي المرور

اقبلوها كما هي

و أعتذر لو لم تروي الذائقة

وايلا متى وإنّا على ذا الطّريقه = يا صاحبٍ حصّلت منه المضرّه
آخالف الزّفرات و الدّمع أريقه = وزرار حلق الثوب ما عاد أزرّه
و الرّاس جا به من سببكم شقيقه = عذّبتنا البسّام من كثر صرّه
لوّك لفتّ الطّرف ذيك الدّقيقه = عقب الفراق اللي تجرّعت مرّه
ما شفت عقبك غير همٍ و ضيقه = خطرٍ على جيب الحيا لا تطرّه
والاّ إن لك في داخل الجوف ويقه = حصّلت لك بين المعاليق جرّه
حتّت غصونٍ بالمواصل وريقه = هشيم .. من لدّ النّظر ما تسرّه
من يوم قفّوا ناقضين الوثيقه = جفّ المسيل اللي من أوّل يمرّه
يا كثر شيٍ صرت ما عاد أطيقه = لولا صدودي صوب حروة مقرّه
أحبّ مشراف الجبال المويقه = لو كان ما لي بالتّبين مبرّه
و الرّوح من كثر الهواجس غريقه = فكرٍ تلاطم به نجوم المجرّه
ما عاد لي غير القوافي طريقه = تشرح لها حالي بخيره و شرّه

أحبّ مشراف الجبـال المويقـه=لو كان ما لـي بالتّبيـن مبـرّه
و الرّوح من كثر الهواجس غريقه=فكرٍ تلاطم بـه نجـوم المجـرّه
ما عاد لي غير القوافي طريقـه=تشرح لها حالي بخيره و شـرّه

المشاركة الأصلية كتبت بواسطة ابوبدر المصارير (المشاركة 434695) أحبّ مشراف الجبـال المويقـه=لو كان ما لـي بالتّبيـن مبـرّه و الرّوح من كثر الهواجس غريقه=فكرٍ تلاطم بـه نجـوم المجـرّه ما عاد لي غير القوافي طريقـه=تشرح لها حالي بخيره و شـرّه صح الله السانك يابن محيا الله يعطيك العافيه على طرح القصيده الجميله والله يعينك على الحب وطريقه تحيااااااااااااااااااتي