|
ابي شاعرن مبهم وياقف قبالي
الرباعيه مستمره
وهذي زود خير استلموا...... اشوف لي شوفتن ياناس تنشافي000 اشوفها بالظلام ودون كشافي اشوفها وارفع اليدين يالشافي 000 والبيت مايثبت الا فوق سيسانه الا يالرجال اللي تفك العقادي \\\\\\\\\\\\\\\\ \\وتفهم معاني الشعر والسعر غالي وما تحتسب للوقت حر وبرادي \\\\\\\\\\\\\\\\\\ ابي شاعرن مبهم وياقف قبالي |
ما شاء الله عليك يا صعوط ,, شغّال على اكثر من جبهه الله يحفظك ,,, خلووووووووووها ,,, و استلم الله يحييك .. اهلاً هلا و التحيه عندنا سنّه 000 يا شاعرٍ شاف له شوفه و لكنّه اسمه يحيّر ما بين العقل و الجنِّه 000 و البيت ما يثبت الا فوق سيسانه
الا يا سميلٍ صاح بالصوت ينادي = نلبي نداك و يوم جانا مجالي يلبي النداء حرٍ بوقت الهدادي = يكب الدقاق و ما يبي الا الجزالي |
اقتباس:
اقتباس:
الاخ العزيز / الشاعر صعوط المجانين والاخ العزيز / الشاعر فراج بن مشنان صح الله لسانكم يا شعارنا العزيزين وبارك الله فيكم والله لايهينكم وشي يشرفني اني امسك الصف معكم وقواكم الله اخوكم ابو عبد الله الشكري |
الشاعرين الكبيرين صعوط المجانين وفراج بن مشنان يقول صعوط المجانين
اشوف لي شوفتن ياناس تنشافي=اشوفها بالظلام ودون كشافي اشوفها وارفع اليدين يالشافي=والبيت مايثبت الا فوق سيسانه الا يالرجال اللي تفك العقادي=وتفهم معاني الشعر والسعر غالي وما تحتسب للوقت حر وبرادي=ابي شاعرن مبهم وياقف قبالي وهنا يقول فراج بن مشنان
اهلاً هلا و التحيه عندنا سنّه=يا شاعرٍ شاف له شوفه و لكنّه اسمه يحيّر ما بين العقل و الجنِّه=و البيت ما يثبت الا فوق سيسانه الا يا سميلٍ صاح بالصوت ينادي=نلبي نداك و يوم جانـا مجالـي يلبي النداء حرٍ بوقـت الهـدادي=يكب الدقاق و ما يبي الا الجزالي ياسلام عليكم واصلو وأمتعونا وحنا متابعين لاعدمناكم وإزهلو الصفوف ،،،، تحياتي لكما دغش البطي |
الشكري ,, صح الله بدنك ,, و الله يقوي عزمك .. يسعدنا و يشرفنا تواجدك معنا ,, الغالي دغش ,, يا مرحبا ترحيبة المطر ,, و بيض الله وجهك على التواجد معنا .. و يا طيب و الله ذا الصفوف اللي فيها اثنين من المراقبين الغالين .. شاكرين و مقدرين لكم تواجدكم معنا يا اخواني ... |
استلم ياذيب لا عدمتك
فراج جانا وهذا الشرف بحظوره=شاعر وذكر الشعر في اخر سطوره ياوين هذا العلاج وين دكتوره=والبيت مايثبت الا فوق سيسانه
ويا صاحبي دونك علومن جدادي=اباسوقها وياك لا لا تبالي وويش البعير اللي غدا بالقيادي=وزادت بني عمه وحكر المجالي |
ويا صاحبي دونك علومن جدادي=اباسوقها وياك لا لا تبالي وويش البعير اللي غدا بالقيادي=وزادت بني عمه وحكر المجالي ياسلالالالالالالالالالالالالالالام عليك صعوط المجانين وينك ياأبو فراج الليل الليل الليل |
الشكري ودغش
ارحبوا تراحيب المطر وجودكم شرف |
دغش بيض الله وجهك على التنسيق |
فراج مشنان وينك لا عدمتك
|
ياربعنا شوفو الموضوع متاحد كتبتنا اللغز ماحله ولا واحد ياكود واحد ولكنه ترا جاحد والبيت مايثبت الا فوق سيسانه والا يالبعير اللي بلاه الشدادي ...............................ما ودك بمفرودن لعسر الليالي وماراح راح وجعل يفهم مرادي ............................. وبرجي عسا تمطر بعرض الخيالي |
ارحب با صعوووووط ,,
يا صاحبي لا تواخذني و لا تشره وقتي حداني و وقتي زايدٍ عسره لكن ما ابطى بسيلٍ كود يا كبره و البيت ما يثبت الا فوق سيسانه
الا يا عميلي طفت انا بالبلادي = ادوّر بعير مقيدٍ بالحبالي و ردّت ركابي دون علمٍ وكادي = ابا انشدك عن وسمه و وصف الجلالي |
اخوي صعوط المجانين ,, و اخواني الحاضرين معنا .. اعتذر لكم بشدّه عن التأخير و التقصير .. و لكن الظروف لها احكام ,, و حنا ان شاء الله مستمرين ,, على خير و سلامه .. |
تراى الجمل يالسنافي اصله عماني****** يذكر على حدنا مع دوله عماني
ماهوب فالشام ولاهو وسط عماني******و البيت ما يثبت الا فوق سيسانه ويا مرحبا يافلان والوضع عادي****وحبل الرشا مشدود فوق المحالي ودك الفكر يافلان دك الرقادي****وحله بسيط ولاهو صعب المنالي |
عشتوا يا شعارنا ولا خلا ولا عدم
وتراني ماسك معكم الصفوف ............. |
الفكر روّح بعيدٍ في تفاكيره و اثره بعيرٍ قريب البيت و الجيره ما اضنه الا عماني الحصن و مديره و البيت ما يثبت الا فوق سيسانه
انا اشهد ترى المقصود راعي السيادي = عزيزٍ بوسط الحصن يا ابن الحلالي الا و ان تبيّن حلّي اليوم و فادي = نبي لغز ثاني يا كريم السبالي |
خيّال العبيه ارحب ترحيبة المطر .. وجودك شرفّنا ,, و تواصلك اسعدنا .. بيّض الله وجهك,, و لا خلا و لا عدم ... |
عاشوا الشعار
ترانا معكم على الدوم ومن صفوفكم لا عدمناكم |
يا مرحبا يابن غرير ,, يسعدنا و يشرفنا تواصلك معنا ... جعلك على القوه ,, و بيض الله وجهك ... |
انشهد انك تعقد الحبل وتحله****تستاهل اللي عليها قذله فله هذا عقيد يضل ربوعه بضله****والبيت مايثبت الا فوق سيسانه وهذا عقيد القوم بالطيب جادي*****وتنشر له البيضا بروس الجبالي وحنا رجال العز نرقا سنادي*****وفراج ذيب وعنده اللغز حالي |
خيال العبيه و ابن غرير
مرحبا ملايين ووجود النشاما شرواكم يحمس ويشجع جعلك ذخر |
تستاهل الخير يا صعوووط المجانيني يالله عسى الطيب فالك و انت ما تشيني دوك اللغز و انت فارس بالمياديني و البيت ما يثبت الا فوق سيسانه
انا انشدك عن حرٍ هواه البعادي = تعلّى مراقيبه في روس العوالي يحب العرب و يبين منه الودادي = و اليا من ورد ما يشرب الا الزلالي |
شعراء الالغاز: صعوط المجانين & فراج ابن مشنان
ويلي عليكم ويلاه هذا اللي يسمى فتل و يقض واصلوا تراني في صفكم و خلوكم عجلين لا تعبون الصفوف!!!! اخوك فتى الجود |
فتى الجود ,, اررررحب يابن الاجواد ,, يشرفنا و الله و يسعدنا انضمامك معنا جعلك تحيا ... و الصفوف الله يعطيهم العافيه ,, عز الله ما قصروا و حنا على ما قلوا ,, على الفرصه .. و بنحاول ان شاء الله ان نكون حاضرين ,, يعني اول باول .. و تحياتي لك يالاجودي ,, |
اقتباس:
يا سعد منهو انتو في منتداه ما شا الله عليكم الشعار صعوط المجانين وفراج بن مشنان الله لا يهينكم وبيض الله وجيهكم هنا محاوره والغاز وفلة حجاج عندكم ولو اني تاخرت والسموحه لكن استمتعت بالمحاوره جعلنا ما نخلا منكم وعساكم على القوه دايم الدوم وبارك الله فيكم |
اللغز جانا وبين الناس ينصانا****يالله بالحل لا يذكر تردانا واللغز هذا على الاصرار يحدانا***و البيت ما يثبت الا فوق سيسانه وحرك ترى ماشيف منه المبادي*****وراحت معه لفكار اول وتالي ووصفه يجر الصوت داخل فوادي*****وحاجه كبيره ضاع فيها السؤالي |
فتى الجود و الشكري
حياكم الله ومسكتكم الصفوف تزيد من الحماس ونا وخوي فراج عسى نجي على حسن ظن الجميع |
الحل حاضر معانا بأول اللعبي و يقول للملعبه يا ملعبه شبي شاعر يحب الجميع و دوم منحبي والبيت ما يثبت الا فوق سيسانه
مراقب لنا باللعب من حيث بادي = و يلعب على الطاورق بين العيالي و انا خابرك يا صعوط عزم الشدادي = تجيب البعيده لو يطول المطالي |
اخوي الغالي الشكري ,, و انا اقول يا سعد و الله منتدى انت مراقب فيه .. تواصلك معنا اول و تالي ,, بيض الله وجهك ,, و لا خلا و لا عدم .. تحياتي لك .. |
صعوط المجانين وفراج بن مشنان لله دركم من شاعرين كبيرين تجيدان الفتل والنقض وإبهام الألغاز ولو أن اللغز الأخير بينته واجد ياأبو مشنان واصلو وإزهلو الصفوف نفداكم وصح الله ألسنتكم جميعاً ودمتم لنا ولمنتدانا الشامخ والحقيقه ماعليه خلاف منتدى أنتو من شعاره تحياتي القلبية لمقامكم العالي محب الجـ دغش البطي ـميع |
اللغز هذا ترا وصلتنا لحله****او رمعتي ياولد ماهيب مختله
والحر هذا ترا بزيد انا اخوله***والبيت مايثت الا فوق سيسانه مراقب ورمزه حط حرن هدادي****ووقع بصوره حر سيد الرجالي وحرن يحط الرمز ذودن مدادي****ووقع بصوره ذود جاك المقالي |
صعوط يا صعوط يا راعي التفاكيري عرفتها و انت حرن منت بوكيري دغش دغشنا على العزه و عالخيري و البيت ما يثبت الا فوق سيسانه
تبين الحقايق لو تطول المدادي = و تحري بها يا صعوط يا شيخ و والي و عطنا من الالغاز حضر و بوادي = نريد التسلي يوم معك التسالي |
اخوي فراج الله لا يهينك استاذنك بطلع من النت
ونكمل بكره انشاءالله والله اني مبسط بمشاركتك طال عمرك وتمسي على خير اخوك\ صعوط المجانين |
صباح الخير جميعا
وستلم نافدا خشمك ياويش حاجه على الاشغال مندله****تشيل حملن وباقي الخلق مامله مشروبها لا شرب ماهيب بتشله****والبيت مايثبت الا فوق سيسانه ولا تشرب المويه ولا القاز زادي****ومشروبها مايظهر الا تشالي عكازن طلع من وسط قصر السوادي****ولغزن قديم وما سبق له مثالي |
الله يصبحك بالخيرات ,, استلم و اسف على التاخير الله يحييك,, يا الله و انا طالبك بالحل يا ربي و ابا اسلك يا صعوط ان كانها تصبي شيٍ بوسط المواتر فل و تعبي و البيت ما يثبت الا فوق سيسانه
و انا اضنها يا صعوط صنع الحدادي = تشيل الوقود و منها يطلع و سالي و نحتاجها لا من رقينا سنادي = و الى شلت بالموتر ثقيل الحمالي |
استلم لا هنت
ياذيب جبت السؤال وجبت ذا الحلي****هذي الابره تعبي موترك فلي وتزوده حسب ماتبغا على الملي****والبيت مايثبت الا فوق سيسانه وهاذي تراها وسط سودن عبادي****وتشرى بنص ريال ياهملالي وفراج حل اللغز حلن وكادي****وعطنا من الاللغاز لغزن كمالي |
حاجه تصيح و تسنّدها على اكتافك و تنبهك يالسنافي ضيفنا خلافك و التضيف توحيه لا شفته و لا شافك و البيت ما يثبت الا فوق سيسانه
تضّغط جنوبه مثل ضغط الزنادي = و تاصل بها عمن و تاصل لخالي لها خطام و لا تاكل شعير و زبادي = و يا كثر ما غنت يا لالي يا لالي |
استلم لا عدمتك
او حاجتك ياولد ضني لقيناها****اوفي يديها عموم الناس تقناها وخطوطها عندنا ياما شغلناها****والبيت مايثبت الا فوق سيسانه وهذا ترا الجوال مانيب غادي**** ونوعن رهيب ونوعن اسمه هبالي وياليت رقمك عندنا يالمهادي****ابا كلمك لوك في غانا ومالي |
اررررررررحب يا صعوط ,, استلم الله يحييك ... اكيد قلته و جبته و انت متأكد جواب عاقل و متمكن و متركد يالله عساك السعاده منت متنكد و البيت ما يثبت الا فوق سيسانه
صحيح و كفاك الله شر الحسادي = و نشري لقاك و لو غلى بالريالي و صوتي ورى الجوال نغمة عبادي = الى من زهمني طيبين الرجالي |
اخوي الغالي صعوط المجانين ,, انا استأذنك لاني بطلع من النت .. و ان كان ودك نكمل بكره فهذي و الله ابرك الساعات .. و ان كان غيره فانا ما عتدي خلاف ,, انت ابوها و سمّها .. بيض الله و جهك على كل حال ,, و عز الله اني استمتعت انا باللعب معك .. و ان شاء الله بكره نشوف ردّك يالذيب .. تحياتي لك .. اخوك/ فراج |
الساعة الآن 01:41 PM
 |
Powered by vBulletin® Copyright ©2000 - 2025, Jelsoft Enterprises Ltd.
---