|
ما عاد به فالسوق بيعه و شريه *** ومن اول حطم جميع المقاييس
السلام عليكم و مساكم الله بالخير
هذا محراف ودي العب مع اللي عاى النت الان و لمده ساعه خلوووووووووووووووووها: ما عاد به فالسوق بيعه و شريه *** ومن اول حطم جميع المقاييس ما عاد لتجار روحه و جيه *** ويش السبب يا مبعدين المراميس |
فتى الجود ارررحب الله يحييك والحقيقة إني شفت العدد الكبير اللي مروا على المشاركة ولاحد جاراك فقلت استعين بالله ونجاريك لين الله يسهلها ، ماهوب انت اللي يخلى بلحاله. استلم نافداك:=
يامرحبا مليون والفٍ تحيــــــة ........... واعداد من يسكن بلندن وباريس والسوق يركد يوم ويزين مية............. هذا السبب ياكاسبين النواميس |
الله لا يهينكم سروا القاف الصفوف حضرت
|
ارحب ياصعوط المجانين دايم حاضر في العلوم الغانمة وانا اخوك ، عساك سالم والله الله في الصفوف ، فتى الجود في الطريق جايكم يمشي الفين ...
|
ارحب يا ولد العم والله ان ذا اليوم المبارك و المحاوره المباركه اللي جابتك
خلووووووووووووووووووها: وبك البقا مليار و الف هديه **** مادام ربي جابكم face to face والسوق مغلينه رجال الحميه *** ولاناب راضين,, يجيبه عواكيس |
ارحب يا صعوط المجانين ماشاء الله عليك دايم عاى الخط وتسد اللزوم
مرررررررررررررررررررورك شرررررررررررررررررررررررف |
والبقا يالذيابه معكم على الخط ياعمالقه الشعر في منتدانا
والله اني ودي ان ذا القسم يتطور ويكثر زواره واعضاءه ويعانق السحاب ولكن يد وحده متصفق ولكم وعد اني ابذل جهود لتطوير وتحريك هذا المنتدى بالذات لانه مهم لكل شاعر |
هلا وغلا بك يافتى الجود وأنا داري إن الوقت مايسمح لتواجدنا سوى ، لكن اليوم آخر الدوام ولعل انتواجد اكثر ، وهذي الساعة المباركة ، واستلم طال عمرك مادام الدعوى (قلينزي):-
أحييت في قلبي أمورن خفية ........... من يوم جبتو طاري ال(no)وال(yes) ودي بشعارن على طول حية........... أفرح بهم فرحة هل القدس بال(peace) على قولة اخوي صعوط المجانين ياليت الشعار ينشطون القسم هذا لأهميته ولكثرة مرتاديه وإن شاء الله إنه للأفضل. |
لا هنتوا يا مساعرة
عشتوا جميعاً وبيض الله وجهيكم واسمحوا لي بدخلة تشجيعية فقط : يا لاد مسعر ردوا العلم ليه //////// وشبوا لنيران الملاعب فوانيس تشجيعكم واجب وحقن عليه/////// وقفاتكم يا مبعدين المراميس |
أرحبوا يابني عمي والله
و تراني ماسك الصف معكم و لا هنتوا يالذيابة و ننتظر المزيد ,,,,,,, |
المبدع: الحاضر الغائب ابو زايد التغلبي
صح لسانك على هالبيتين ونحن في انتظارك دائما للمشاركة في المحاورة وسجلني من المعجبين بشعرك وذوقك الرائع. واشكرك على التشجيع والحماس ، ولك الود و التقدير |
المشرف وابن العم " مترك المسعري "
يامرحبا والله ومسهلا تراحيب المطر ياسنايدي ، دايما تشجع وترفع من مستوى حماس الشعراء ، فدمت ذخرا للمنتدى واهله وجميع ابناء العمومة ، ولك الود و التقدير ن،،، |
اسر ياساري يلبا قلوبكم يابني عمي على هالمحاوره المنتازه والعنقليزيه ازهلو صفوفكم يارجال
|
ارحب يابن مشخص ترحيبة المطر ، ماشاء الله على ذالحماس ، شد حيلك وازبط الصفوف ياسنايدي ،
|
ارحبووووووووووووووووووووووا مليون كل منكم باسم:
ابو زايد التغلبي مترك المسعري بن مشخص المسعري و الله العظيم ان ذا الساعه المبارك الي جابتكم كلم وابشرو باللي يرضيكم |
اشهد انا تورطنا مع مدرس انقليزي
استلم نفدا خشمك خلوووووووووووووها: يا (Welcome)(Freind) عندنا شاذليه **** قدام ما ناقف عاى (line) ال (race) ابشر بشعار تحل القضيه *** لكن لا بد ان تعاون عاى ال (base) |
أرحب يافتى الجود:
ههههههه ( مدرس انقليزي) ماخبرتلي وظيفة لكان في البندق واحب خشمك ، المهم لانطلع من الموضوع قل ماشاء الله تراه ماعاد طرالي ولاكلمة (قلينزي) شكلك بواردي يابن العم، استلم:- بازوركم بال(car ) ولا المطية ........ وانصا النشاما متعبيــن ا لمحاميــــس وانا معك سعد الخوي لخويــه.......... نســـوقها لأيــة محل وأيـــة (place ) إن بغيت نغير من الإنقليزي ونقلبها فرنسي ترى مهيب شينة. ( تشاااااااو) ياجمهورنا ويالصفوف إن معجبكم الوضع ترى نغير ونقلبها عربي ×عربي لحد يشره علينا يابني عمنا. |
يابن عمي ماعندي الا خمس كلمات اذكرها من ايام الثانويه و سبقتني عاى بعضها
استلم نفداك: ان زرتني عيدت عيد الضحيه *** الطير يفرح بالطيور القرانيس ابشر خويك يرد حوض المنيه *** يفدي خويه يوم قبس المقابيس |
ابو عبدالمحسن وفتى الجود واصلوا على (يه)و (يس)الله لايهينكم[b]
|
ارحب يا عراب مليوووووووووووووووون و مرورك شرف
|
ارحب يافتى الجود:- كفو يابن العم ، ارحب ياعراب وابشر عودنا على (يه+يس)
كنسلت هرج اهل الفعول الردية............ أمثال مستر بن مع جـــورج ولويــس وجيتك وانا شاعر عزومــي قويـة...............مأسسن قولي على الفعل تأسيس غيّر المعنى يامال الشحم هنا ولا هناك ، اللييييييييييييل |
ارحب واللي تبيه يصير :
كنسل عليهم يازبون الونيه *** وارفع عيونك لنجوم المراويس وفزع بسيف وخنجرن حضرميه *** ليلى عليها يبكي صحيبها قيس |
تسلم يافتى الجود وعز الله إنك تحط على الجرح ويبرى، ولا يهونون بني عمنا الباقين، واستلم طال عمرك على طاعة:-
أبشر بعزك عقب هاذيك ذيـــة.......... وعدن عليّه لاترك الهيس للهيس أنا بسيف وخنجر وبندقيـــــــة.......... وانته معي بالدرب لو به تغــاريس |
وين انتو يابني عمي وين الصفوف ، هذا واليوم اجازة ، لوه دوام وش بتسووون ، الهمام يارجاااااال
الليييييييييييييييييييييييييييييل |
ارحبوا ياعصايب راسي
الشاعرين فتى الجود و ابو عبدالمحسن المسعري
اشهد انكم شعار من العيار الثقيل في هذا القسم ماشا الله عليكم سجلوني من بين صفينكم لاعدمتكم يالذيابه |
أرحي يالمسعري يابن العم :
ماعليك زود ، وترانا فاقدينك لك مدة ، كلنا متابعين لقصائدة واشعارك في النظم والمحاورة ، وتسلم على التشجيع وشرف لنا مرورك وتشجيعك... |
فتى الجود وابو عبدالمحسن بيض الله وجيهكم ولاهنتو على الرديه الجزله والمنتدى مايحيى ويتطور الا بالرجال اللي مثلكم وشرواكم وانا بصفتي دوسري اشكركم على جهودكم في منتدى القبيله وبصفتي شاعر امسك طرف الصف ونحتريكم ياشعارنا المبدعين بالانقلش(we are waiting) |
( الحر ) :
يامرحبا تراحيب المطر يابن العم ، الله يحييك ولنا مدة فاقدينك ، لكن من طول الغيبات جاب الغنايم والمنتدى وقسم المحاورة ماعليه إن شاء الله خوف بوجود أمثالك. تقبل الود والتقدير ،،، |
ابو عبد المحسن المسعري وفتى الجود
كسب للمنتدى واهل المنتدى ازهلوا الصفوف وخلوها عربي كبوا العنجليزي ترا بعض الرطن مانفهمه الييييييييييييييييييل ياصفوف |
اخوي المسعري:
ارحب ثم ارحب وين ذا الغيبه ياقاطع!!!!!!!!!!!!!!!!!!!!!!!!!!! مرورك اعتز فيه ياولد عمي وابشر باللي يرضيك ان شاء الله اخوك فتى الجود |
ارحب يا بو محماس (الحر) ترحيبه المطر و مثل ما قال اخوي ابو محسن ترانا فاقدينك
مروررررررررررررررررررررك يشرفنا اخوك فتى الجود |
ارحب يابومحسن والعذر عاى التاخير ترا رفيقك يحب طلعات البر
واستلم نفداك عز الله العزيز انك حركت جروح ساكنه: ياصاحبي صاحبك صاحب صبيه *** صحبة صفى ما صورتها الجواسيس عيوا عليها عيال عم البنيه *** عجل عميلك عذبته الهواجيس |
اخوي صعوط المجانين ارحب وابشر بالعامي
مروررررررررررررررررررررك شرف |
أرحبوا ملايين يابني عمي شعار و صفوف ومتابعين ، والمعذرة على التأخير ، والله يعين الصفوف اللي كل مازان اللعب تركناهم ورحنا لكن كله بظروف والله ، اللي كاشت واللي عنده دوام واللي مهوب حول النت وانتو ان شاء الله تعذرون.
|
معذور ياابو محسن ما تاخر من جا
سرو الليييييييييييييييييييييييييييل والصفوف معكم |
أرحب ياصعوط المجانين والله إنك ماقصرت ، دائما على ماقالوا ( في قلب الحدث) ، واستلم يافتى الجود يا(عاشق) العلوم الغانمة:-
ياصاحبي صبرك عليـــها شويـــة .............. لكان في وجهك جيوش وحراريس وان كان شفت الدرب ماهو سوية ............. (فالحظ عجة والحبايب قراطيـس) |
فالحظ عجة والحبايب قراطيـس
لله درك ياابو محسن ابداع في ابداع |
استلم لا عدمتك
لاخاب ظني في عقيد السريه*****مالي مشاريهن على اهل البعابيس برجي فرجها عند رب البريه*****ولابد ما بكره تهب النسانيس |
استلم يافتى الجود لاهنت:
أرجي لك التوفيق صبح وعشية........ويزول عن دربك جميع المتاريس لكن (همي) يابن عمي عليــــه.......كن الجبال الصم فوقي مجاليـس |
تبقى يا ابوعبدالمحسن وتبقى يا ابو نواف واسمحولنا على الغياب اللي بظروفه وعزالله انكم امتعتونا واحييتونا بذا الرديه الطيبه وتأكدوا انا نتابعكم ومستمتعين وماسكين الصف وواصلو لاهنتوا ياشعار ولاهنتو ياصفوف وسروا الليل |
الساعة الآن 10:49 PM
 |
Powered by vBulletin® Copyright ©2000 - 2025, Jelsoft Enterprises Ltd.
---