للجرح في كبد المواقيف ملهود=وكلن تداوت علته كود قرواش’1’
وإن قيل ياقرواش إنطح هوا النود=بأنطح هبوب الله عسى تبرد الجاش
بأنصى رجال الطيب والطيب معدود=ولأحدن على الكسبات محاصيله إبلاش
شرواك يا {خالد} من الناس مفقود=ياولد شيخن للصعيبات هباش
لآد العميري/ زابن الوجه مآلود=في ريفهم يآمن/ وجالينه إغشاش
صبيهم يآرد من الطنخة إعدود=طرّ العزاوي منها الرووس تنشاش
من صلبهم رجلن على العز مشهود=وافي على بعد العسيرات غباش
إن جت على المداات ماعنه منشود=وإن جت على القالات للماقف إدهاش
وقت الوجيه البيض في شوفها سود=أقسم بربي وجهه ابيض من الشاش
البارحة/ حظي مع الناس مقرود=لاقام لي فزعه ولا فرّق إهواش
مقناص فيه الحر شفناه مصيود=يوم الحبارا تطرد سبوقه انحاش
ياآبو شبيب / ولا على الهم منقود=والهم هم اللّي ورث له ولاعاش
نبحر على ممشا ونمشي على طود=ونجوب في بحرن قضاته على ماش
أحدن على وجده/ وآحدن على كود=وأحدن على صبره/ والآخر بمنقاش
وحنا لنا الله لو فرّى سهودنا مهود=الرزق من عنده وكلن له إعراش
أحدن على رزقه به الجود ماجود=وأحدن له الخيبه و هو يملك الكاش
وأحدن على كسب الجماله كما الذود=وأحدن له جِمالن وكسبه على إخشاش
وأحدن كما ضلعن محادير جلمود=واحدن كما الطالة محاديره إهشاش
وكلن على السيّة ولاهوب معمود=إلا ضباع" في جيفها تنهاش
ولأحدن على الزلة مماشيه مقصود=إلى هل الحرمات والعالم إعواش
وانا على الضيقات ما جبتنا الفود=لكن ورب اليت ماهزت الطاش
ماقصرت فعلي ولا آقول بي زود=ولا نقصت قرمن ولا رفعت لآش
علمن رِدْاه إِردَاه وأَدْرَاه مردود=خَـشـيّتْه ومآخْشَى مٍن الخَـشّه إخياش
طبعيّ ومن عودن رِبْاني على الجود=مبدأ على العزة وفعلن ما يْنّـاش
ضيف/ وخوي/ وجار/ والراس للدود=إلهم جفون إلحاف وعيوني إفراش
فالله حباني للستيرات صاهود=ورجواي ربي يغفر الذنب بقراش
مالي على الدنيا معاريف وإجحود=ولالي على سوق المشاريه مطراش
مير الجروح أركَّـت على كبد ملهود=وغنى لأبن عمه عسا طاب قرواش

أحدن على رزقه به الجـود ماجـود
وأحدن له الخيبه و هو يملـك الكـاش

وأحدن على كسب الجماله كما الـذود
وأحدن له جِمالن وكسبه على إخشاش

وأحدن كما ضلعن محاديـر جلمـود
واحدن كما الطالة محاديـره إهشـاش

صح لسانك واعتلى شانك

قصيده جزله ويستاهل الممدوح ويستاهلون العمور ماقيل فيهم من المدح

وقصيده وافيه من وافي

دمت متالق

المشاركة الأصلية كتبت بواسطة فهد الغريري (المشاركة 588805) اخوي العزيز الشاعر مبارك الجوير ما شاء الله تبارك الله ما شاء الله تبارك ما شاء الله تبارك الله اخي مبارك سجلني في الصفحه الاولى من المعجبين فيك وفي قصيدك صح الله السانك وعتلا شانك وزادك الله من زوايد فضله على هذي القصيده الجزله وعوايدك الجزل جعل عمرك طويل على طاعته. تقبل تقديري واحترامي في شخصك النبيل اخوك / فهد الغريري,,

المشاركة الأصلية كتبت بواسطة سعوووود (المشاركة 594360) صح لسانك وابيض وجه ويستاهل ابوشبيب وفيه بيت للشاعر الكبير ابن جدلان في اهل الطيب يقول (ليتني ما انحر الطيب لحاجة انصرف ما لقاه والا يقضي لزومي --------------للعواجة مايذم الطيبين الا الرخومي تقبل مروري وارقا تحياتي

المشاركة الأصلية كتبت بواسطة نسناس الهوى (المشاركة 599556) لله دركــــــــــ.. بالفعل نعرف ان هذه القصيده لمبارك.. اسلوب نادر وساامي.. كفووو والله وتستااهلون الطيب .. جزل يامباارك... تحيااتي لك

المشاركة الأصلية كتبت بواسطة بدر سلطان التمامي (المشاركة 599918) صح السانك طال عمرك جزله من شاعر عرف بالابداع وكان عندك قصيده في الطبيعه ياليت تسدحها هنا كامله تحياتي وتقديري لك