على مبدأ الجماله يا جماله=و شك المنطق وفرض إحتماله
تعبنا ؟ وش لقينا من تعبنا=سوا كبوة جوادٍ بإرتجاله
ورثنا الطيب من جينات أهلنا=و لاطلناه من جيز السهاله
وراثة عز من صلب ونسابه=وعز الرجل من عمه وخاله
تناصفت العمر ما اعرسِت سبةّْ=أدور بنت أبوها بالشكاله
حكيم إليا تحدته المواقف=فطين ليا تداهى بالمقاله
شجيع إليَّا قبسها فالملاقا=فزوع لمن نخى طوّح عقاله
كريمن لا صفت ذَّكى ركابه=كبيرن في تواضعه وسجاله
حكيمن لا أستوت بقعاء بصكه=صبورن ما حسرها بالعجاله
شكورن في نعيم وفي مصابي=حريصن في صلاته وإتكاله
عزيزن شَابه لشمَّ النوايف=قدرها لا زَرَّت صمّ الجباله
لا راسه هاب ولا نفسه تردَّت=ولا يخشى سوى رب الجلاله
مُؤمْنن مانجسه طبع النفاقي=حسيبه غير ربه ما أشتكاله
حاشمن لحيته عَمِّن لآ حشمها=مكرمها عن نفوس النذاله
وفِيَّ الوْعد ما يبغى منبه=رحيم لكلّ عِرفن له وصاله
صدوقن لا حكى صكن موثق=ومقطع حق في حكم العداله
سهومن للمنايا عند هيَّه=يصبَّ الموت عّذبن من زِلاله
طنوخ و سعد عين للمعتزي به=زبون الليّْ جَلاَّ محد إحتماله
قرّ عين الليّْ خَطب مِنّه وتْمَّمّْ=ثم عّرق من سلالته بسلاله
مابي بنت الردي لو هي جميله=ولو إن الهوى غيّ بجماله
فـإذا إنّْ الغَنج للعين يْملك=يموت ولا النظر عبدن غداله
فمن يرضى بحبن مع مذله=ألا ياعزتي له ولا عزاله
وبنت اللاش وش يْرجَى وراها=وباكر زينها لاحق زواله
مادام إنّه أبوها ما يسرك=ولا همه سوى جمعت رياله
بخيل إليَّا نصيته عند حاجه=شحيحن في تراحيبه جفاله
يضيق بشوفت الضيفان صدره=عَقود حجاج فاضحه إنمياله
عبوس الوجه ترحيبه مهونه=ياعلّ عيونه ترجخها المحاله
ضعيف النفس لاينفع ويشفع=ماغير إثم الظنون أطيب عَمْاله
لا وجهه طلق ولا ضوه مْشبَّه=وهيله راثي ٍ هَجرت دِلاله
ترى بنت الردي مَربَّى رِديّه=إذا ما شافها تبنى قباله
بيشوفه في عياله و يتحسرّ=تمنى عُقم ولا ذولا عياله
فكم من طيبن ساسه وجاله=ندم ليت اللي جاله مالجاله
دخيل الله من ذلّ المشيبي=عقب ماتنطوى فيها حباله
يجونه حِمل بنت اللاش غَبنّه=وهو في قدر أطيبهم نعاله
تجاره.. قِد بداها أبُوه قَبله=و عرّب مْنسبه من راس ماله
و تاجر في بضاعه دون مكسب=بلا مضون ولا ختم الوكاله
نِتاجه يأ حسَـافات النتايج=وّأدّْ في صلب جده عند حاله
عياله !! وشّ عِياله ؟؟ يآخلاّيف=وطيب اللاش ماعدى ضلاله
عقوق/ بْلا حقوق/ بسوق دِّنيا=و ذِلَّت صافي الربح إستواله
و أنـا / مَابي أخيّب فَال جدّي=عسى الفردوس فال أبويّ و فاله

المشاركة الأصلية كتبت بواسطة نادرالوجود (المشاركة 612129) الله الله صح لسانك وبيض الله وجهك قصيدة جزله من جزل الله يعطيك العافية

المشاركة الأصلية كتبت بواسطة شافي النتيفات (المشاركة 612144) صح لسانك يامبارك قصيدة تكتب بماء الذهب وكفو لك النسيب بهذه الصفات لان الطيب مايبحث الا عن طيب وقول الله يوفقك وتحصله واشهد بالله انك شاعر مافيك حيلة

المشاركة الأصلية كتبت بواسطة محمد بن سالم الخضراني (المشاركة 612152) المدرسه الشعريه والموهبه القادمه بقوه / مبارك بن الجوير صح الله لسانك ومد ام الشحم عزالله انك شاعر ولا فيك حيله وانا سبق وان راهنت على قصيدك وموهبتك والحمد لله ان الظن فيك طيب ولا خاب عقوق/ بْلا حقوق/ بسوق دِّنياو ذِلَّت صافي الربح إستواله

المشاركة الأصلية كتبت بواسطة نسناس الهوى (المشاركة 612159) مباآرك الجوير.. صح الله لسأنك وجعل ربي يحقق مطلوبك ومرادك في ذا الساعه المباركه.. ولاهيب غريبه عليك جزالتك الشعريه وتحري بها.. نص مختلف بكل المعاني له علـه غير خفيه وسبب .. استمتعت كثيرآآ بكل حرف هنا.. وشرع الطيب مايبي الا الطيب .. وننتظر نص يبشر بالخير.. تحياتي لك

المشاركة الأصلية كتبت بواسطة غلا مطير (المشاركة 612192) مباركـً سلمت يداكـً قصيده رائعه وانتقاء الكلمات اروع يعطيكـً العافيـًه وديـً

المشاركة الأصلية كتبت بواسطة محمد بن حمد الشكرة (المشاركة 612199) صح الله لسانك واعتلا شانك صح الله لسانك مدد بليا عدد مبارك ابن الجوير شاعر جزل والجزالة منك وفيك قصيدة اقل مااسميها شيخة القصايد لاتحرمنا من ابداعك ياالجزل وعساك على القوة تقديري,,,,

المشاركة الأصلية كتبت بواسطة خميس الغييثي (المشاركة 612273) مبارك الجوير تحياتي لك وتقديري واعجابي رائع بما تعنيه الكلمه ويحق لموقع الدواسر الرسمي ان يفتخر بك ايها الكوكبه , بالفعل وبدون مجامله انت والاخوان الشعراء اللي في الموقع تحيرون النقاد فيكم ابداع في ابداع ,,عيني عليكم بارده لك ازكى تحيه وتقدير على هذا الابداع

المشاركة الأصلية كتبت بواسطة نايف الجال (المشاركة 612491) صح الله لسانك مبارك الجوير كفو كفو والله تالي قل اللي يعرب منسبه ويقول الشاعر من لا يعرب منسبه قبل منشبه .... اتروح عليه الموجبات بلاش والله انك كفو ولد كفو والله يرزقك بنت الكفو صح الله لسانك الجزل وتقبل تعليقي

المشاركة الأصلية كتبت بواسطة بدر سلطان التمامي (المشاركة 612559) صح السانك اخوي مبارك بصراحه ماادري وش اقول لكن انت عارف اللي في خاطري ماشاء الله تبارك الله .. ننتظر جديدك ياشاعرنا ..

المشاركة الأصلية كتبت بواسطة خيالية (المشاركة 612693) لا تحرمنا جديدك بالشعر صح لسانك

المشاركة الأصلية كتبت بواسطة خالد المشاويه (المشاركة 612702) الشاعر المبدع / مبارك الجوير صح السانك مدد بليا عدد مبدع بكل ماتعنيه كلمة مبدع الله يعطيك العافيه ويوفقك ومثل ماتفضل الاخوان مايبحث عن الطيّب إلا الطيّب شرواك جزيل الشكر والتقدير

المشاركة الأصلية كتبت بواسطة فارس الدبالين (المشاركة 612939) الشاعر الجزل والمبدع مبارك بن الجوير صح السانك صح السانك الى ماله مدا .. شاعر وبحر ماشاء الله وجزالتك من تقدم لآخر ياذيبان وعزالله انك كفوو اللي تدور على الطيّب الله يوفقك ان شاء الله ويحقق مبتغاك يالذيب تشرفت بمروري هنا تقبله يالقرم تـقـديـري واحـتـرامــــــــي .

المشاركة الأصلية كتبت بواسطة هجاد الزايدي (المشاركة 613002) قصيده تستحق القراءه بالفعل وتمعن كلماتها بعمق,,صح الله لسانك

المشاركة الأصلية كتبت بواسطة عايض بن فهاد (المشاركة 613102) صح لسانك و بيض الله وجهك قصيدة جزله من جزل الله يعطيك العافية

المشاركة الأصلية كتبت بواسطة عبدالرحمن النتيفات (المشاركة 614113) صح لسانك ملاااااابم

المشاركة الأصلية كتبت بواسطة راشد سفر النتيفات (المشاركة 616015) مبارك صح لسانك ولافيك حيله وبنات القروم واجد وانت تستاهل شد حيلك بس تقبل مروري وسجل اعجابي

المشاركة الأصلية كتبت بواسطة ابوضيدان (المشاركة 616055) صح لسانك وجعلك تعرس وتفرح بعيالك وتزوجهم واتمنى لك التوفيق