ياهل المجاهيم جاكم ذود دبلاني=ذودن يدك المزاين دق وجلالي
ذود أصوك الراس والمطنوخ زوماني=شعيّب اللي له العادات مدهالي
شعيب اللي نهار الغزو قد باني=له موقفن لو يزول طويق مازالي
له محزمن فالقسا والضيق مالاني=عياله اللي قروم وصيتهم عالي
اللي لهم كسبة النوماس نيشاني=كنهم حرارن تعلت روس الاقذالي
ياهل المواقيف والميقاف قد حاني=دكو بذودن يشوّش يوم الاهوالي
سودن زيانن لابن فارس كحيلاني=اللي عن شفوفها ماهوب ميالي
جرد الرقاب الطويله حدب الآذاني=فنس الخشوم وزهاها طول الاسبالي
سنامها منفهق يشبه لصيواني=تقبل وكنْها تسبح ربها الوالي
سند الغوارب طويلة جنب ومتاني=تزها الجنايب جليلة عظم وطوالي
اليا مشت كنّها تلطم بالايماني=وان درهمت مثل جولن صابه جفالي
ذودن تجيب الفخر والزين ربّاني=كنها تقول الغنايم والسعد فالي
ورثن لنا من شيوخن تمّن الجاني=ورث من جدودنا تفخر به اجيالي
وقت مضى والقبايل جوع واكواني=يوم السطر والحرايب واشهب اللآلي
عند المضاهير نكسر كل قوماني=كم شيخ قومن فنا من عقب ماعالي
حنا هل الابل على مرّات الازماني=في شفّها نحتزم لدروبن طوالي
ترعا الخطر في جنبنا والعمر فاني=جنبن متينن يرجح كل مكيالي
دواسرن ساسنا والجد خضراني=اهل الفخر والكرم شيبان وعيالي
دواسرن نكرم الضيفان والعاني=عاداتنا مانحسّب كثر الاموالي
خطلان الايدي سواة السيف شاماني=ناسم عصا الجار ونعدّيه لميالي
وفي جايزة من على الطالات عجلاني=صباح الاحمد امير كويتنا الغالي
ياهل المواقيف والميقاف قد حاني=دكو بذودن يروم المركز العالي

حنا هل الابل على مرّات الازماني=في شفّها نحتزم لدروبن طوالي
ترعا الخطر في جنبنا والعمر فاني=جنبن متينن يرجح كل مكيالي
دواسرن ساسنا والجد خضراني=اهل الفخر والكرم شيبان وعيالي
دواسرن نكرم الضيفان والعاني=عاداتنا مانحسّب كثر الاموالي
خطلان الايدي سواة السيف شاماني=ناسم عصا الجار ونعدّيه لميالي

المشاركة الأصلية كتبت بواسطة ابو زيد الغييثي (المشاركة 660150) حنا هل الابل على مرّات الازماني=في شفّها نحتزم لدروبن طوالي ترعا الخطر في جنبنا والعمر فاني=جنبن متينن يرجح كل مكيالي دواسرن ساسنا والجد خضراني=اهل الفخر والكرم شيبان وعيالي دواسرن نكرم الضيفان والعاني=عاداتنا مانحسّب كثر الاموالي خطلان الايدي سواة السيف شاماني=ناسم عصا الجار ونعدّيه لميالي كفو كفو كفو في ذمتي شاش رااسي يالدبالين و فالكم النااموس اهل الملح و البارود و البل من اول و تالي صح اللساااانك ملايييييييييييييييييين و لايووفون يا فارس الشعر وبيض الله وجه اليامي على هذا الاداء العذب أخووك / ابو زيد

ارحب يابو زابن

صح الله بدنك يالطيب

وماعليك زود يالقرم

تحياتي وتقديري.

البقى يابومحسن

صح الله بدنك يالذيب

وتستاهل الخير والطيب

وآمييين الله يسمع منك

لاهنت يالقرم وشاكر لك مرورك

تقديري واحترامي.

حيالله عقاب

البقى البقى طال عمرك

وصح الله بدنك مليار

وتستاهل الطيب ولاعليك زود يالذيب

والله يسمع منك ان شاء الله

لاهنت على مرورك المميز يالغالي

تقبل التقدير والاحترام.

ارحب ياشافي

صح الله بدنك ووجهك ابيض

وماعليك زود الله يطول عمرك

ولاهنت على المرور المشرف..

ارحب ارحب يابومطر

انت وابوزيد كفوو ومجملين وبيض الله وجيهكم وماعليكم زوود

ورايك يابومطر واشادتك تشرفني وكنها وسام على صدري

لاهنت على مرورك يالقرم..

ارحب يابومطلق

وصح الله بدنك ووجهك ابيض

ماعليك زود يالغالي وشاكر لك مرورك..

ارحب يافهد

صح الله بدنك وماعليك زود طال عمرك

اشكرك على المرور يالذيب

ارحب يادغش

صح الله بدنك ولاعليك زود يالذيب

تستاهل الطيب ولاهنت على مرورك..

حياك الله يابوشبيب

وصح الله بدنك ولاهنت على مرورك الكريم

تحياتي وتقديري.