|
أشهد إن الرفقة
بسم الله الرحمن الرحيم أعضاء المنتدى الكرام السلام عليكم ورحمة الله وبركاته وبعد: أولاً: أعتذر عن الغياب الطويل عنكم لبعض المشاغل , ولكن القلب معكم حتى لوغبت عن الكتابة ثانياً: عندي مساجلة- ولو هي قديمة شوي - ودي أقدمها لكم . وهي جرت بيني وبين الزميل والشاعر مصلح بن محمد العصيمي العتيبي حيث سبق أن قدمت نقل عملي من الرياض إلى منطقة أخرى فكتب مصلح هذه الأبيات يقول مصلح
أشهد إن الرفقة اللي ماتبيد=رفقة اللي دايمٍ وجهه بشوش رفقة اللي عارفٍ قلبه نظيف=ماضحك لك سن والقلب مغشوش والله إنه لو نوى عنا يروح=نذكره بالخير من دونه نهوش نعرفه من يوم جانا بالرياض=كنها من عهد عاد أم النقوش الكبير اسمه وله شانٍ كبير = عند ربعه والجماعه والطروش أشهد إن الرفقة اللي ساس طيب= مثل ماقال الكويتيين خوش رفقة الطيب تراها راس مال= ماتقدر بالذهب ولاالقروش مثل أبو اسامه ويانعم الرفيق=ساس طيبٍ كل ماحرك يطوش طير حرٍ ماكره ماكر حرار=ماتحدر من رديات العشوش نايفٍ بالعرف والراي السديد= وبيمينه حايشن الطيب حوش افتخر في رفقة زحول الرجال=وابتعد عن رفقة اخطاة الدفوش كل خبلٍ مايعرف الموجبات=هيذري لسان ويكت الفروش وياالعصيمي لو تفرقنا الديار=رفقتك بالعين من تحت الرموش مانبيع الرفقة اللي ساس طيب =لو يبيع امريكه الملعون بوش وسلامتكم |
مسفر الكبيري ابدعت ثم ابدعت ثم ابدعت وأيما ابداااااااااااااع
ما نبيع الرفقة اللي ساس طيـب = لو يبيع امريكه الملعـون بـوش
ابداعات مرفقة بالجزالة الشعرية المطلقة وصح الله لسان الشاعر مصلح العصيمي
الكبير اسمه ولـه شـانٍ كبيـر = عند ربعه والجماعه والطـروش
تستاهل المدح يا بو رائد وانت من اهله .. تقبل تحياتي .. اخوك في الله محمد الغريري |
ونعم سبعين بك وبالعصيمي
وصح الله السنتكم يابيضان الوجيه |
صح ألسانك ياخ مسفر انت والعصيمي
قصايد جزله |
الشاعر مسفر الكبيري صح الله لسانك على هذه المساجلة الشعرية الأكثر من رائعة وصح الله لسان العصيمي اللي عرف يختار الرفيق تقبل كل الود والتقدير أخوك في الله العرابي |
افتخر في رفقة زحول الرجـال = وابتعد عن رفقة اخطاة الدفـوش كل خبلٍ مايعـرف الموجبـات = هيذري لسان ويكـت الفـروش وياالعصيمي لو تفرقنـا الديـار = رفقتك بالعين من تحت الرموش مانبيع الرفقة اللي ساس طيـب = لو يبيع امريكه الملعـون بـوش الأخ الشاعر : مسفر الكبيري صح الله ألسانك والسان العصيمي كلكم كفو وتستاهلون وتقبل تحيات أخوك : مسفر المصارير. |
مسفر الكبيري صح اللسانك وعلى الاخرى عانك تقبل مروري ولك مني خالص التقدير والاحترام اخوك/قـــــــــــــــهيدان |
اررررحب اررررحب يابو رائد ما أبطى من جاء إذا كان هذا اللي يجي عقب البطى وصح الله لسانك ولاهان الله منطوقك وصح لسان العصيمي وأنا اشهد انها مساجلة جزلة من شعار جزلين |
وعليكم السلام ورحمة الله وبركاته يامرحبا تراحيب السيل يامسفر ومن طول الغيبات جاب الغنايم وعزالله إنك جبتها ياذيبان مدتك سمينه وجيتك ثمينه وياسلام على الرفقه الطيبة اللي بين المطاليق يقول الشاعر مصلح بن محمد العصيمي العتيبي
أشهد إن الرفقـة اللـي ماتبيـد=رفقة اللي دايمٍ وجهـه بشـوش رفقة اللي عارفٍ قلبـه نظيـف=ماضحك لك سن والقلب مغشوش والله إنه لو نوى عنـا يـروح=نذكره بالخير من دونه نهـوش نعرفه من يوم جانا بالريـاض=كنها من عهد عـاد أم النقـوش الكبير اسمه ولـه شـانٍ كبيـر=عند ربعه والجماعه والطـروش ياسلام على العصيمي وتستاهل يامسفر ومن ثم يقول مسفر :
أشهد إن الرفقة اللي ساس طيب=مثل ماقـال الكويتييـن خـوش رفقة الطيب تراهـا راس مـال=ماتقـدر بالذهـب ولاالقـروش مثل أبو اسامه ويانعـم الرفيـق=ساس طيبٍ كل ماحرك يطـوش طير حرٍ ماكره ماكـر حـرار=ماتحدر من رديـات العشـوش نايفٍ بالعرف والـراي السديـد=وبيمينه حايشن الطيـب حـوش افتخر في رفقة زحول الرجـال=وابتعد عن رفقة اخطاة الدفـوش كل خبلٍ مايعـرف الموجبـات=هيذري لسان ويكـت الفـروش وياالعصيمي لو تفرقنـا الديـار=رفقتك بالعين من تحت الرموش مانبيع الرفقة اللي ساس طيـب=لو يبيع امريكه الملعـون بـوش ياسلام على الأبداع الجميل والرفقه الطيبة اللي لها ثمره والرفقة اللي مثل هذي تنشرى بالدراهم اللي قايمةٍ على التقدير والأحترام صح الله ألسنتكم جميعاً وبيض الله وجيهكم تقبل ودي وتقديري وشكري وعرفاني محبك ومحب الجميع : دغش البطي |
لا فـــض فــوك يابورائد
الشاعر العزيز الغالي ابو رائــــد " مسفر الكبيري " اررررحب ثم اررررحب ترحيبةٍ من واحدٍ يكنلك في فؤاده معزه وتقدير من طول الغيبات جاب الغنايم الله الله على هذي المساجله التي يقف امامها البيب اعجاب واحترام وعز الله ان الرفقه الطيبه تشترى بالاثمان والله يابورائد ان العصيمي مايلام بخوتك ياعشير المناعير وافي من عربٍ وافين جعلكم المعزه ابورائد صح الله السانك وعتلا شانك وزادك الله من فضله وجوده وصح الله السان العصيمي على هذي المساجله الرائعه ابورائد حبت خشم جعلك تحيى تقبل تقديري واحترامي واعتزازي في شخصك النبيل اخوك / فهد الغريري |
مسفر الكبيري
ارحب تراحيب المطر يابو رائـــــد صح الله السانك وبيض الله وجهك وجه العصيمي صح الله السانه الطيب خوته تنشرا بلرواح والغاب يفقده الي مثلك وشرواك والعصيمي وفي وقومه طيب راسك وساسك أعذرني على التقصير لاعدمتك في نتظار جديدك والك تحياتي وتقديري ابن هديهد |
اقتباس:
الأخ محمد الغريري صح الله بدنك وطول الله عمرك على طاعته وهذا من طيبك واصالة معدنك وسامحني على تأخر الرد |
اقتباس:
الأخ مدعث الدوسري ماعليك زود وصح الله لسانك ووجهك أبيض والسموحة على تأخر الرد |
اقتباس:
الشاعر وقيان الصخابرة صح بدنك وطالت ايامك ومرورك أسعدنا والسموحة على التأخر في الرد |
اقتباس:
الأخ العرابي: صح الله بدنك ولاعليكم زود وسعدت كثيراً بمرورك سامحنا على تأخر الرد |
اقتباس:
الأخ مسفر المصارير: صح الله بدنك ولاعليك زود واسعدنا مرورك والسموحة على التأخير ياسمي |
اقتباس:
صح الله بدنك وهذا من ذوقك الله يحييك ولا عليك زود والعذر على التأخير |
اقتباس:
الله يصح بدنك ويطول عمرك ومعذرة على التأخير |
اقتباس:
تبقى وصح الله بدنك ولايبطي عليك غالي ولاهنت وشهادة أعتز بها من شرواك |
اقتباس:
مرورك وقراءتك وتعليقك أوسمة فخر على صدري وصح الله بدنك وطول الله عمرك ولاعليك زود في العلوم الطيبة كلها والعذر والسموحة على التأخير في الرد |
اقتباس:
تبقى يا ابو مرحبا والله لايهينك على المرور والتعليق ولا عليك زود ووافي دائماً وهذا من حسن ذاتك وطيب معدنك والعذر والسموحة على التقصير والتأخير أخوك مسفر |
اقتباس:
الشاعر المبدع ابن هديهد : تبقى وتدوم ياراعي التراحيب وصح الله بدنك وطالت أيامك على طاعة ولاعليك زود وتقبل تحتاتي وتقديري والسموحة على التأخير |
ياالربع أحدً منكم عيّن راعي ذا القصيدة؟؟!!!:)
الشاعر الكبير مسفر الكبيري : لغيابك تأثير كبير خصوصاً علي فأنا أحد المتابعين والمعجبين بقصائدك بشدة... شعر جزل عذب سلس خالي من التكلف والتصنع أتمنى أن لاتحرمنا منه ...................... الكبير اسمه ولـه شـانٍ كبيـر ............عند ربعه والجماعه والطـروش صح الله لسان العصيمي وأنت بالفعل ذو شأن كبير عندنا...... ............... رفقة الطيب تراهـا راس مـال ............ماتقـدر بالذهـب ولاالقـروش مانبيع الرفقة اللي ساس طيـب ..........لو يبيع امريكه الملعـون بـوش ........................... صح لسانك ياأبورائد ومهما قلت فلن أوفيك حقك....... فقط أتمنى أن أراك هنا قريباً ............ أخوك برق الجنوب |
اقتباس:
الأخ والشاعر برق الجنوب: أولاً فأنا أعتذر عن هذا الغياب الطويل فعلاً لكن والله أن سببه المشاغل فقط وإلا مشاركتكم ماتمل ثانياً صح بدنك وطول الله عمرك على طاعة وكل ماقلته دليل واضح على حسن ذاتك وطيب معدنك ولساني عاجز عما يكنه صدري من تقدير لك وأنا والله مادخلت المنتدى الليلة إلا بعد ما اتصل في أحد الشباب وعلمني إنك تنشد عني فحبيت أرد عليك فقط لكن أبشر بعودتي قريباً وابشر باللي يرضيك إن شاء الله وتقبل تحيات أخوك /مســــــــــــــــــفر |
الــشــاعر الكبير/مسفر الكبيري
لاهنت وصح لسانك مليار على القصيدة وصح لسان الاخ مصلح |
الشاعر/ مسفر
صح لسانك على المساجله الرائعه وبيض الله وجهك ولاهنت على الابداع الرائع ننتظر جديدك اخوك وســــــــــــام |
الساعة الآن 12:47 PM
 |
Powered by vBulletin® Copyright ©2000 - 2025, Jelsoft Enterprises Ltd.
---