|
ياهل الذيدان في وسط مرعانا جهام
السلام عليكم ورحمه الله و بركاته ماجورين ياجماعه وعساكم طيبين القريب يستلم:
اخوكم فتى الجود |
اررررحب يافتى الجود والله الساعه المباركه
يامرحبا ياطويل العمر يالشاعر=ترحيبتاً تسبق اللي غايب وحاضر لك مده ماطلعت النت يالنادر=والنار ماتحرق الا رجل واطيها بينه متعينه ماتبي منا كلام=مير شرهتها على اللي يشوفون العطب ناقةً ماهونةً جابها مرض الهيام=هانها جر السواني وحمال القرب |
الليــــــــــــــــــــــــــــــــــــــــــــــ ـــــــــــــــــــــــــل
يافتى الجود وقتي لين العصر يالذيب نبيها حاميه |
ارررررررررررررحب يالقرم
خلوووووووووووووووها:
يامرحبا و مسهلا ياطير حوراني ** ترحيبة القلب و يغني بها الساني لو غبتنا انشد وعرف اخبار صحباني ** والنار ما تحرق الا رجل واطيها الخطا ياصاحبي مايجيب الا الملام ** ياعميل الخير مافيه شي بلا سبب وش نسوي دام مانقدر انشد الخطام ** يازمان فيه شفنا العجايب و العجب |
الضن فيكم ترا ياصاحبي عالي =وانتوا على الحروه اللي داخل بالي حدر بها للجنوب وعود شمالي =والنار ماتحرق الا رجل واطيها الردي ياصاحبي لاترد له السلام=لو قريب الناس خله على دربك مطب مايضر الحر ياشيخ بعبعة النعام=مير راس الحر فالوقت ماعود ذنب |
الأخوه : الشعار ( فتى الجود و المسعري ) الله لا يهينكم واصلوا تراني ماسك الصف الليييييييييييييل أخوكم : مسفر المصارير |
خلوووووووووووووها
لامن لقيت الخوي دينه على ديني ** حطيته يميني و جينا له يميني ولا كل رجل لقيته مالين عيني ** والنار ما تحرق الارجل واطيها مانبي نور القمر يختفي خلف الغمام ** شينها لا من طلع ثم عود وانحجب العبيد اليوم تجلس على شداد العمام ** والهلامه قامت اليوم تسبق فالركب |
ارررررررررررررررحب يالحبيبي و مررررررررررررررررررروك شرف وتراك اكيد في صف نسيبك لا تحسبنا نسانا
تقبل تحيات اخوك فتى الجود |
ما يعتاز يا ذيبان أنا في صفك من غير قصور في المسعري على شان اللي أنت خابر |
العام واليوم اشوف علوم مختلفه =ياليتني مانظرت البيت وش خلفه ناسً بها الدود ينخر رؤوسها التلفه=والنار ماتحرق الا رجل واطيها طالت المده والايام سبعه بالتمام=وكل شيخ معتلي منبره يعطي خطب العرين به الاسود الضواري ياغلام=والرطينه يابن عمي لحمال القصب |
اقتباس:
وعليكم السلام ورحمة الله وبركاته: ارحب يافتى الجود تراحيب المطر ، بيض الله وجهك على الحضور الطيب والبداية الموفقة وعز الله جيت في وقتك يالذيب ، المنتدى له كم يوم راكد . وبالنسبة للي فيها جرب يمدحون الجرة وإن مانفعت فالقصاب قريب مهوب يقصر . أرحب يالمسعري ومتعودين منك على الحضور المميز ، مبدع انت وفتى الجود وياسلام على القصيد الطيب والعلوم الغانمة........ بالنسبة لي تراني في صفكم جميع شوي مع فتى الجود وشوي بانقز مع المسعري كلكم رأسين في عين والله الله الليييييييييييييييييييييييييل . |
مشاء الله هذه العاصفه التي تتبع الركود اشوف اللغام وقنابل واشوف جرب ومقصب
الله يكفينا شركم ويكفينا شر الالغام عنوني انقز مع ابو عبدالمحسن بين الصفوف لاحد يذبحنا شدو حيلكم لعبكم راكد وزين |
اللي تشوفه قبالك شفته قبالي *** ياجعل لاهوب لا فالك ولا فالي
والوعد لاصتفق جالن مع جالي *** والنار ما تحرق الا رجل واطيها دام قاضي المحكمه يالشلي يبيح الحرام ** يحتمل لنار لاطاح في وسط اللهب الصحيح يبين لو كان من دونه لثام ** العرب ماهم عجم تفهم سلوم العرب |
اررررررررررررررررررررحب يابومحسن والله انك غالي وغالي جدا بعد فلا تحرمنا من مداخلتك نفدا خشمك
وهذي ابرك الساعات اللي جابتك |
ارررررررررررررررررررحب يابن وتيد و مررررررررررررررررررروك شرف
والله ان ذا القاف المبارك اللي جاب ذا الحوات |
دام قاضي المحكمه يالشلي يبيح الحرام = يحتمل لنار لاطاح في وسط اللهب
الموت يامدير الشرطه |
الليييييييييييييييييل يابن عمي ترا ابو منيره و ابو محسن و ابن وتيد اجعتهم رجليهم اسرفنا فيهم اليوم الهمام ياذيبان الهمام
|
قبستوها ليت بعض الناس يدري ؟؟؟؟؟؟؟؟؟؟؟ لله دركم !!!!!!!!!! جعل عيونكم مايجيها العمى ياشعارنا الكبار فتى الجود والمسعري والله ان العارفه يشوف ولكن يصد بيضان اوجيه وفاتتنا هذه المحاوره التي من اجمل ماطرح في هذا المنتدى والحقيقه تنقال والله انها من الرديات النادره وفيتوا وكفيتو عسى عماركم طوال تقبلوا اصدق المحبه والتقدير من اخوكم ابو حاجوووونه |
اررررررررررررررحب يابو حاجونه والله ودنا انك ياعودنا حضرت بدري كونك تنصحنا و لا تشور علينا شور الكبار فيه بركه
تقبل تحيات اخوك فتى الجود وشهادتك ترا علقناها في المجلس |
لاهنتوا ياشعار فتى الجود=المسعري
والله يعطيكم العافيه وتراني من المتابعين شدوا حيلكم تحياتي للجميع-- |
ملعبه حاميه والله لايهينكم يالشعار والله يستر والله يستر والله يستر |
الساعة الآن 10:36 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
