::: مـنتدى قبيلـة الـدواسـر الـرسمي :::

- :: قسم إبداعات شعراء المنتدى ومساجلاتهم :: (https://alduwaser.org/vb/forumdisplay.php?f=17)

- - يالايمي فالحميه (https://alduwaser.org/vb/showthread.php?t=635)

يالايمي فالحميه

يالايمي فالحميه خل عذلاني=حنا رجال الحمايا لاحتمى الحامي
ذيبٍ نصاني وخلا قاصي وداني=بدا مجيي على خاله والاعمامي
لبيك وابشر بعزك لاتعداني=لاتشتحن لين تملا قبري عظامي
وطيت معه الخطر فرحٍ وطرباني=في خوته دوم اسوق الروح قدامي
ياما مشينا معه مقدي وغلطاني=وياما مشى في هوانا سالف اعوامي
واليوم راح الفقيده والبشر فاني=ياليتني عنه انوب بقبر الاظلامي
عهدٍ علي انصره لو كان ماكاني=واللي غدر به اعده ميت العامي
انكان يسلم رصاصٍ جاه وداني=فيقفاه حكم الشريعه قص واعدامي
وانكان يسلم فانا ملزوم يلقاني=في ساعة الفعل ماينفع تكلامي
امشي على طبع ابوي وسلم جداني=عالي واحب العلا واعلا عن الهامي
افعل ولاهمني لو عند جحداني=والحر مايلتفت لنعيق الارخامي
آرد كما يرد ذيب البر سرحاني=والجزل كسبي واشرف ربعٍ حشامي
والخاتمه قولٍ ابلا فعل نقصاني=وانشد وتلقى الخبر مع وكد الاعلامي

كفو يالحر صح الله لسانك على ذي القصيده الجزله ولاتحرمنا من ابداعاتك يالغالي ويعطيك ألف عافيه,,,,,,

ارررررررحب يالحر

كفو يابعدي

شامخه بشموخك

لك عاطر التحايا

مغليك خالد

يعطيك العافيه يالحر

على القصيدة رائعة ولا تحرمنا ما تخفيه من قصائد اروع

اخوك في الله

محمد الغريري

الحر

هـــلا بــكـ

صــــح كـــــلك مليـــــــوون

ولاهنـــــــــت ,,

أختـــــكـ

كفو يالحر وصح السانك ولاهنت علي المشاركه الرائعه

صح لسانك اخوي الـحـر على هالقصيده ولاتحرمنا من ابداعاتك :)

تحياتي لك..اخوك الخييلي

الحر

صح لسااانك

وكفوووووو

وجعلك في زوووود

لاهنت

صح لسانك اخوي الحر ما شاء الله عليك اثرك شاعر ولا خبرتنا

تقبل تحياتي،،

صح لسانك يالحر وكفوو

الا اقول دام هالقصيدة مهب لك من قايلها ؟؟؟ !!!

تقبل تحياتي يالشيخ ،،،،

صح الله بدنك يالبراق

والقصيده لي وكنت امازح العماني يوم اقول من قال لك اني شاعر

واذا ودك تحاورني ولاتشوف من يحاورني فانا مستعد وانتظر ردك

ولاهنت على ردك يالسنافي

.....اخوك الحـــــر.....

كفو يالحر ولاهنت على القصيدة الجزله

اخوي الودعاني ماعليك زود

ولاهنت على الرد

.....اخوك الحـــــر.....

السلام عليكم ورحمة الله وبركاته

صح لسانك على هذه القصيده . وعساك على القوه

كفو كفو كفو

الحر صح الله لسانك ملاييييييييييين على ذي القصيده الجزله

ولاتحرمنا من ابداعاتك يالغالي ويعطيك ألف عافيه,,,,,,

تقبل الود والتقدير

أخووووك دغش البطي

كفوووو اخوي الحر

وصح لسانك وبيض الله وجهك

اخوي محمد

صح الله بدنك

لاهنت على الرد

.....اخوك الحـــــر.....

اخوي دغش

ماعليك زود

وصح الله بدنك

لاهنت على الرد

.....اخوك الحـــــر.....

اخوي عبد الرحمن

ماعليك زود

وصح الله بدنك

لاهنت على الرد

.....اخوك الحـــــر.....