|
اشوف الملعبه في المنتدى ياحضرة الشعار=بها نقص كثير ووضعها مهوب معجبني
اعضاء وزوار منتديات الدواسر السلام عليكم ورحمة الله وبركاته
. الوضع يريد نقاش والمجال مفتوح ومن يتقدم من الشعراء فاهلا وسهلا به . .
اشوف الملعبة في المنتدى ياحضرة الشعار = بها نقص كثير ووضعها مهوب معجبني لكن النقص توضيحه يبي له شاعر بيطار = يقابلني على وضح النقا يفهم ويفهمني |
ارحب ياعامر جاك عامر ا
الايامرحبا ياشاعرن وقف على المضمار=يقول الصدق واهل الطيب واهل الجود تسمعني الاياعامر هذي تراها علة المحتار=وانا بأسري معاك اليوم في مسراك جربني |
الله الله الله الله الشاعران عامر النتيفات و فارس الكلمة صح السنتكم عدد ومدد وتراني ماسك الصف وسرونا قبل مايروح الليل تقبلو مني كل التحية والتقدير |
اللة يعطيكم العافية جميعاً على هذه البدايه القوية ونشكركم على أحياء المحوره من جديد ونا بمسك الصفين لين يجون الجمهور |
ارحبوا يابني عمي انا معكم الثالث ان تكرمتوا وقبلتوني
الا يامرحبا بك عد ما دارت بنا الأفكار=اقوله والنوايا صافيه والطيب يسبقني نبا نمشي على درب النقا وان طول المشوار=مادام ان الهدف واضح علوم القرم تجذبني |
ارحبو يارجال
والله الله بالصفوف |
اخوي عامر كان والله ودي العب معك بس طولت علي يابيض الوجه
والسموحه انا والله وراي دوام اخوك/فارس الكلمه |
الأخ العزيز / فارس الكلمة
. مرحبا بك ويسعدني اللعب معك ولكن لتعلم اخي العزيز ان هذه المحاورة ليست مباشره وذلك لاختلاف الظروف والمجال مفتوح يعني حسب الظروف وفضاوة الشخص . وستلم لاهنت .
يدوم ابك البقا ياللي ترحب ياعسى الغفار = يوفقنا جميع وشد حيلك وستمع مني تثبت وكرب حزامك وانا بكشف الاسرار = لكن كل حسب ظرفه ولا تسهر وتسهرني |
الغالي ابو السلاطين
. ابو زابن . ياهلا ومرحبا فيكم تواجدكم اسعدنا . . وسام العصا هلا بك ويشرفنا اللعب امامك ولكن الازدواجيه قد تقلل الاثاره وباذن الله القادم كثير وسوف نلتقي مع بعض يالالي |
عاشوا الشّعار
والصفوف الصفوف نبيها ذا الليل مدهره |
مساك الله بالخير جميعاً لاهنتو ياشعارنا الغالين وانا ثاني الصفوف روحوا ونا معاكم واصلوا ونسونا عساكم بالوجود |
اخوي عامر مرحبا ومسهلا وعلى كيفك لاتسهر وتسهرني
واستلم
انا باسمع علومك يارفيقي والعلوم اكثار=وتطّرق للامور اللي تطربك وتطربني واشوف ان الحباري طايره ماصاده الصقار=وعلى مهلك وعطنى العلم لاتزعل وتزعلني |
مرحبا الف بالصفوف
ابو حاجونه والواضح وسر الليل ياعامر اخوكم/فارس الكلمه |
طيب طيب روحوا والله معاكم وين الصفوف اشوف الجو هادي نبيها ساخنه ذالليل صح الله السنتكم |
يالربع انا بطلع الحين عندي كم شغله
واتعذر منكم |
الواضح . . ابو حاجونة . سعداء بتواجدكم ولله لايهينكم |
الأخ فارس الكلمة
. استلم لاهنت . .
عسى شغلك خلص من شان ماتبدي لنا الاعذار = واذا انه باقي معذور نوم الليل متهني واذا جاهز لنا فارجوك جاوبني على استفسار = نبي لابتك يالطيب ونعرفكم وتعرفني |
الأخوان الكرام /عامر النتيفات وفارس الكلمه اسف على تطفلي وطلبي بالمشاركه تحياتي لكما وسام العصا
تمنيت المساري مار ثور في سماي غبار=عساها خيرة باشعب ذلولي قبل تشعبني اذا ما لملعبه مثل السحابه غيثها مدرار=ترى ما لي بها شف و لو قصري بها مبني |
الأخ العزيز / وسام العصا . التطفل عنك بعيد وتكرم عنه ولكن انت تعرف والجميع يعرف شروط المحاورة المتبعه في جميع المنتديات وشخصيا وضحت لك هذا وعتذرنا لك . وهناك مشرفين هم ادرا وابخص بهذه الامور عنا آمل منهم توضيح ذلك . لاننا وبكل صراحه هدفنا التسليه والمشاركه ونفيد ونستفيد واهم من ذلك المعرفه والود والتقدير واحترام الجميع وتقديرهم . ارجوا منك اخي وسام العصا ان تكون على بينه وان يقنعك ماقلنا ولك ودي وتقديري |
ابن العم الكريم عامر النتيفات
الله يعلم بانني اكن لك ولجميع من شارك في هذا المنتدى كل تقدير واحترام ولكن انا اعلنت انسحابي بعد ان اوضحت لي في المره السابقه ذلك بانها بينكما الأثنان فقط وهذين البيتين هما فقط للتوضيح لااكثر ولااقل ولك تقديري انت وفارس الكلمه والجميع اخوك وابن عمك/وسام العصا |
الأخ الكريم وسام العصا هذا هو الظن فيك وهذا اهم شي المودة والتقدير وشكرا لك |
الله لايهينكم ياشعارنا واصلو وانا ماسكين الصفوف عسى شغل شاعرنا خلص ترانا شفقين على المحاورة مبطي ماحضرت محاورة ونبي ليلنا سماري يالصفوف لكم التحية والتقدير |
ماجورين واستلم ياعامر
عسى وبل الحيى ياعامر من الخرج للهدار=هذاك اللي ترى يامسندي بالليل مشغلني وانا من لابتن وقت الشدايد ورعهم مغوار=جعيدي وافتخر في لابتي يامن نشد عني |
الأخ فارس الكلمة
. ونعم بك وبلابتك وستلم لاهنت .
نبي يافارس الكلمة هنيا نرفع الاسعار = ونبغى من حضر معنا يقدرك ويقدرني ولاتستعجل علومي تبا تاصلك بالاقمار = على الشاشه تناظرها تخبركم بما نعني |
الغالي ابو السلاطين . سعداء بتواجدك ولاهنت على تواجدك |
الشاعرين قهيدان وعامر النتيفات بيض الله وجيهكم ولاهنتوا على هالرديه الطيبه من شاعرين الملعبه وحياك الله اخوي عامر وفخورين بتواجد شاعر بمكانتك بينا في منتدى قبيلته وبين بني عمه |
المسعري . سعداء بتواجدك معنا لاهنت يالطيب |
ماعليك زود اخوي عامر
واستلم
ترى ياعامر(ن)حنا تمادينا على التجار=نبى نشري بضايع مابعد تجارها جّني نصيحه يارفيقي شبها لالاتموت النار=وخل النجر صوته يجذب الطرقي ليا دني |
مرحبا اخوي المسعري يشرفني تواجدك معنا
|
ستلم يافارس الكلمة
. .
نشوف الملعبه جو التنافس وسطها ماصار = وهذا نقص مااظنه يشجعك ويشجعني وكثرت وسطها الالغاز حتى ملو الحضار = ولابه ردة (ن) تطرب وتقنعكم وتقنعني |
استلم
الا يالربع مدري كيف عامر يرجع ل عمار=امانه يارفيقي لاتخيب هقوتي وظني ترى سطح السفينه فوقها طيارة الطيار=تطير الطايره بامري وانا سواقه الفني |
استلم يافارس الكلمة
. .
طرحنا الوضع قدام الجميع ونقبل الاشوار = هدفنا الفايده يالله عسى الاذنين يوحني وترا صيد الحباري مايكود الصقر والصقار = ومن طب البحر جاهل غرق والموج ماحني |
اخوي عامر لي الشرف مع العب مع شرواك
واستلم طال عمرك
اشوف الملعبه ياهل الملاعب قربت تنهار=واشوفها جدارها يصعب على الي باغين يابني تحيه يالنتيفي والتحيه بأخر المشوار=وعسى من لام عامر ياجماعه خاطفه جني |
ستلم ياقهيدان تونا بالبدايه
.
ترا المشوار توه بادي خلك رجل صبار = وواصل لين نلقى حل ياقهيدان وسمعني وترا مافيه شي صعب وانت ان كان صبرك طار=فقل صبري خلص وابشر واريحكم وريحني |
الشاعر الكبير عامر النتيفات و الشاعر الكبير فارس الكلمة واصلوا هذه المحاورة الممتعة وحنا ماسكين الصفوف الله يعطيكم العافية _________ |
الشاعر عامر النتيفات
اشوف الملعبة في المنتدى ياحضرة الشعار=بها نقص كثير ووضعها مهوب معجبنـي لكن النقص توضيحه يبي له شاعر بيطار=يقابلني على وضح النقا يفهـم ويفهمنـي الشاعر فارس الكلمة
الايامرحبا ياشاعرن وقف على المضمار=يقول الصدق واهل الطيب واهل الجود تسمعني الاياعامر هذي تراها علة المحتار=وانا بأسري معاك اليوم في مسراك جربني الشاعر عامر النتيفات
يدوم ابك البقا ياللي ترحب ياعسى الغفار=يوفقنا جميع وشد حيلك وستمـع منـي تثبت وكرب حزامك وانا بكشف الاسرار=لكن كل حسب ظرفه ولا تسهر وتسهرني الشاعر فارس الكلمة
انا باسمع علومك يارفيقي والعلوم اكثار=وتطّرق للامور اللي تطربك وتطربني واشوف ان الحباري طايره ماصاده الصقار=وعلى مهلك وعطنى العلم لاتزعل وتزعلني الشاعر عامر النتيفات
عسى شغلك خلص من شان ماتبدي لنا الاعذار=واذا انه باقـي معـذور نـوم الليـل متهنـي واذا جاهز لنا فارجوك جاوبني على استفسـار=نبـي لابتـك يالطيـب ونعرفكـم وتعرفـنـي الشاعر فارس الكلمة
عسى وبل الحيى ياعامر من الخرج للهدار=هذاك اللي ترى يامسندي بالليل مشغلني وانا من لابتن وقت الشدايد ورعهم مغوار=جعيدي وافتخر في لابتي يامن نشد عني الشاعر عامر النتيفات
نبي يافارس الكلمة هنيا نرفع الاسعار=ونبغى من حضر معنا يقدرك ويقدرني ولاتستعجل علومي تبا تاصلك بالاقمار=على الشاشه تناظرها تخبركم بما نعني الشاعر فارس الكلمة
ترى ياعامر(ن)حنا تمادينا على التجار=نبى نشري بضايع مابعد تجارها جّني نصيحه يارفيقي شبها لالاتموت النار=وخل النجر صوته يجذب الطرقي ليا دني الشاعر عامر النتيفات
نشوف الملعبه جو التنافس وسطها ماصار=وهذا نقص مااظنه يشجعـك ويشجعنـي وكثرت وسطها الالغاز حتى ملو الحضـار=ولابه ردة (ن) تطرب وتقنعكم وتقنعنـي الشاعر فارس الكلمة
الا يالربع مدري كيف عامر يرجع لـ عمار=امانه يارفيقي لاتخيب هقوتي وظني ترى سطح السفينه فوقها طيارة الطيار=تطير الطايره بامري وانا سواقه الفني الشاعر عامر النتيفات
طرحنا الوضع قدام الجميع ونقبل الاشوار=هدفنا الفايده يالله عسى الاذنيـن يوحنـي وترا صيد الحباري مايكود الصقر والصقار=ومن طب البحر جاهل غرق والموج ماحني الشاعر فارس الكلمة
اشوف الملعبه ياهل الملاعب قربت تنهار=واشوفها جدارها يصعب على الي باغين يابني تحيه يالنتيفي والتحيه بأخر المشوار=وعسى من لام عامر ياجماعه خاطفه جني الشاعر عامر النتيفات
ترا المشوار توه بـادي خلـك رجـل صبـار=وواصل لين نلقـى حـل ياقهيـدان وسمعنـي وترا مافيه شي صعب وانت ان كان صبرك طار=فقل صبري خلص وابشر واريحكـم وريحنـي ___________ |
اقتباس:
صح لسان الشاعرين// قهيدان وعامر النتيفات على هذه المحاوره الجزله والهادفه وذات مغزى طيب لاهنتوا على هذه المحاوره الرائعه ونتمنى من الشاعر/ عامر النتيفات الاستمرار معنا وليس هذه المحاوره فقط لكم خالص الود وفائق الاحترام |
الأخ العزيز نمر بن الاشيب . سعداء بتواجدك ومشكور على هذا العمل الذي جمعت فيه المحاوره كامله وتسهيل متابعتها |
المشرف العزيز بن وتيد
. لاهنت على تواجدك وحضورك ونعدكم انشاء الله بالمزيد ولكن هناك بعض الملاحظات آمل تقبلها برحابة صدر وقبل ان اذكرها اتقدم بالشكر للأخ فارس الكلمه الذي تشرفت حقيقه باللعب معه . وبالنسبه للقلطه اوالمحاوره نأمل ان تتنوع انواعها واساليبها بحيث تشتمل على النواحي المختلفه تسليه . معالجة قضيه . مناقشه بعض المواضيع وايجاد حلول لها . وآمل من الأخوة الشعراء وخصوصا عندما تطرح قضية ما ان يواصلوا لتتضح الصوره ومن ثم ايجاد حل لها لان المحاوره قد تؤثر على الغير وخاصة اذا توفر اسلوب الجذب والشد لدى الشاعرين . اما بالنسبه للمحاوره التي لاتطرح فيها قضيه فعادي انهائها في اية لحظه هذه وجهة نظر شخصيه امام الجميع ووفق الله الجميع لمايحب ويرضى |
اخوي عامر النتيفات العذر والسموحه يابيض الوجه
والله اني اتشرف باللعب مع شرواك وهذي اول ملعبه تعجبني من دون مجامله وان شالله ماهي الاخيره والصراحه مافضيت ادخل المنتدى ذا اليومين بسبب متطلبات العمل واشوف ملعبتنا وصلت معانيه وابيض وجه اخوك/فارس الكلمه |
الساعة الآن 08:16 PM
 |
Powered by vBulletin® Copyright ©2000 - 2025, Jelsoft Enterprises Ltd.
---