|
من يحل اللغز!!!
اخواني الأعزاء ، ماشاء الله عليكم أشوف قسم المحاورة ( مدّهر ) بالألغاز الجزلة ، يسرني ان اضع بينكم هذا اللغز ونشوف من صاحب الرمعة الصائبة:
أنشدك عن رجلن مكلبش و مسجون0000 وربعه تواردهم سهوم المنية لا يطيع لا عاقل ولا يطيع مجنون 0000ولا يطلقونه لين يذبح خويه |
وين البواردية !!!! |
مشرفنا الغالي : أبو عبد المحسن المسعري
أليس المقصود باللغز هو : (( البارود )) جعله في راس العدو أتمنى لك التوفيق |
أبو مبارك
أررحب يامستشارنا الغالي وأول الغيث قطرة ، ورمعة طيبة ولكن مهوب الحل ياسنايدي ، حاول مرة أخرى وإن شاء الله تجيبه. |
صح لسانك اخوي المسعري
وخوك ( مطفي النور ) ويعرف الحل من قبل واترك المجال للأعضاء تحيااااتي |
هلا أخوي ابو ناصر 2
خلك قريّب ولا تبعد ، وأنا أتوقع إن يجيبون الحل لك الود والتقدير ،،، |
السلام عليكم ورحمة الله وبركاته
عندي رمعة وإن شاء الله تصيب وش رايك في ( الفخ ) |
وعليكم السلام ورحمة الله وبركاته
هلا اخوي الجنوبي رمعة طيبة واناخوووك ، لكن حاول مرة أخرى وإن شاء الله تجيبه ،،،، |
ابو عبدالمحسن المسعري مساك الله بالخير
اش رايك في (المشخاط) الشخط تحياتي لك ابو زابن |
السلام عليكم ورحمة الله وبركاته
وش رايك اخوي المسعري باللسان |
ارحبو يابني عمي
ابو زابن وBndr ما لوجيهكم لوا ، ماهوب الحل حاولو مرة أخرى وشكراً |
شكراً لك اخي الكريم على هذا اللغز
اجل يمكن يكون يد النجر تحيتي لك |
مالك لوا يابندر
حاول مرة اخرى وشكرا |
أنشدك عن رجلن مكلبش و مسجون= وربعه تواردهم سهوم المنية لا يطيع لا عاقل ولا يطيع مجنون=ولا يطلقونه لين يذبح خويه ارحب يا ابو عبدالمحسن مشاءالله عليك لغز جزل بمعنى الكلمه اللغز جامد احد قرب له من الشباب ولا حوله ونتظر رمعتى عساها تصيب ماتخيب |
ارررررررررحب يابومحسن عز الله انه لغز ثقيل
ياقربه من سالفه "عاقل ال مره" هههههههههه على كل حال لنا رجعه و الشباب ما يحتاج يعقدون الحبل و يحلونه اخوك فتى الجود |
تبقى يابن وتيد
والشباب مابعد قربو له وهو ماهوب بعيد منهم ولاهوب بعيد منك أنت بعد!!! أنتظر رمعتك يابن وتيد وإن شاء الله تجيبه |
هلا والله وغلا بك يافتى الجود
من طول الغيبات جاب الغنايم وعطنا رمعتك كونك تجيبه قبل الشباب تراه يحتاج شوية تركيز وأشوف الشباب قاموا يصوبون بدقة أربك تطرح الهدف قبلهم |
أبو عبد المحسن المسعري
مشرفنا العزيز عندي رمعه لكن لاتشرهون إن كانت بجنب القده هههههههه وش رايك في (( الأسبير ))الكفرات |
الواضح
كفو كفو كفو يابن العم من غير قصور في اخواني الباقين ماهيب جنب القدة ياسنايدي ، إلا في قلب المرمى ، وفي كبد النصع أحسنت ولا هنت وننتظر منك لغز جديد إن وجد عندك وإن لم يوجد فمسموح. أشكر الجميع على التفاعل . الحل هو ( الاسبير ) |
السلام عليكم ورحمة الله وبركاته
ابو عبدالمحسن هذي ثالث رمعة واذا صارت خطا ابرفع الراية البيضا تحياتي لك |
الواضح
كفو كفو كفو يابن العم وعزالله جبتها يالقرم لاهنت يا ابو عبدالمحسن على هذه الالغاز الجزله ونبغا وحيد مثله ولكم جزيل الشكر... |
السلام عليكم ورحمة الله وبركاته
ابو عبدالمحسن ابرمع ولا تقول خطا هالمرة اجل اظنه سبير السيارة |
ما شاء الله عليك يابندر تحسد على هذا الذكاء !!!!!
الإجـابة صحيحة 100% |
يابن العم
السلام عليكم ورحمة الله وبركاته انت والربع وش رايك بالنادوس او الناتوش في بعض اللهجات اللي يضرب الرصاصه ويطلقها من الظرف وتثور اخوك / وسام العصا |
وعليكم السلام ورحمة الله وبركاته
وسام العصا ارحب يابن العم ، الله لا يهينك على كل حال اللغز حله أخوي الواضح بس أنت والأخ بندر الظاهر انكم ماتابعتوا الردود صح اللغز حله اسبير السيارة والله يحفظكم جميعا |
الساعة الآن 05:56 PM
 |
Powered by vBulletin® Copyright ©2000 - 2025, Jelsoft Enterprises Ltd.
---