|
يابدر ابن نايف عليك السلامي
السلام عليكم ورحمة الله وبركاته
مساكم الله بالخير ودنا نلعب طرق جديد مع الشاعر/بدر ابن نايف
يابدر ابن نايف عليك السلامي= يالشاعر الي من خيار الشعاعير يالشاعر الي يفرض الاحترامي= ودي نناقش معك بعض التفاسير |
أرحب يابو سعد
صح لسانك وفي إنتظار الشاعر بدر ابن نايف ، مع أطيب التمنيات بمحاورة جميلة شيقة نحن في انتظارها بالتأكيد بين شاعرين لهما وزنهما في المنتدى ، ولكما الود والتقدير ،،، |
السلام عليكم ورحمة الله وبركاته
ارحب الله الله الله الله يامرحبابك يارفيع المقامى من عقبها نمشي بحسب المقــــــــــــــــــــــادير وين الهدف حتى نعرف المرامى وراد ولا فالمواقف مصــــــــــــــــــــــــــــــــــادير |
الله الله الله
الله الله الله والبقا يالمرحب ارحب يا ابو عبدالمحسن وجودك معنا يزيد الحماس استلم لا عدمتك:
ياويش رايك في بنات الحرامي=الراسيه ويا نجاح المشاهير الي شكى منهن رشيد الزلامي=ياويش رايك فالبني الغنادير |
اقتباس:
صح الله لسانك وفي انتظار الشاعر بدر بن نايف ولاهنتوا يا القروم وشفني في الصف طال عمرك |
سعد المقابله
ارحب تراحيب المطر مسكتك لصف شرف لنا جعل عمرك طويل لاهنت يالقرم |
السلام عليكم ورحمة الله وبركاته
ارحب الله الله الله الله ان كانها فالشعر ولا الاسامى مايكسب الجزلات ياكود المناعير النور يارجال غير الضلامى اقولها من بعد قول المشاهير |
الله الله الله
الله الله الله والبقا يالمرحب استلم يالقرم:
ياويش رايك فالرجال الحشامي=الي سعو يبغون بعض التصاوير مع لابسات الجنز ولا اللثامي=ماضر ابن جدلان قل الجماهير |
السلام عليكم ورحمة الله وبركاته
ارحب الله الله الله الله يابن وتيد السالفه والنظامى دون المخاسير وعلوم المخاسير الدق يارجال فك اللحامى اللوحه اللوحه وخط الطباشير |
الله الله الله
الله الله الله استلم يالقرم:
يا ماحلى يابدر نفض الحزامي=يابدر مانحسب حساب المحاذير يابدر لا تنشب بوسط الزحامي=والراس مايقدح بليا صعاطير |
السلام عليكم ورحمة الله وبركاته
الله الله ذاخرك حيثك من ربعون حشامى ولا ترانى سقم ضد الطــــــــــــــــــــــــــوابير حرب الفكر ماهى حروب الحسامى اقر وتثقف من علوم الاســــــــــــــــــــــاطير |
الله الله الله
الله الله الله استلم يالقرم:
العايبه من شافها ما ينامي=بينتها للي عيونه معاوير الفكر ساوى الحر ويا الحمامي=مدري حوار الفكر ولا المغاتير |
السلام عليكم ورحمة الله وبركاته
الله الله ياسلام ياسلام يالشاعر اللى فوق كور السنامى احذر تحولبك هبوب المعــــــــــــــــــــــاصير القاضي القاضي يعرف المحامى ياللى تعلوى فوق روس المنـــــــــــــــــــابير |
الله
الله ياسلام عليكم |
اقتباس:
ارحب اسعدنى تواجدك تقبل تحياتى |
الله الله الله
على هذه الأبيات الجزله اللي هي من شعار وعمالقه .. صح اللسان يا بدر بن نايف ويا ابن وتيد وننتظر جديدكم الجزل |
اقتباس:
ارحب ياهلا والله اسعدنى تواجدك ومتابعتك لاخلا ولا عدم اشكرك على الاطراء تقبل تحياتى |
يا الشعار
وينكم احيونا شوي |
السلام عليكم ورحمة الله وبركاته
ارحب ياسعد لاهنت على تواجدك تقبل تحياتى |
ارحبووووووو يالنشاماااااااااا
استلم لا عدمتك:
الكور مملوكن ولا هو يسامي=بعض الهقاوي ماتجيب التسافير شعيل لايسرح بدون الخطامي=الدرب مايصرى من الي مسابير |
صح الله لسانك
وفي انتظار ابن نايف |
ارحب يا سعد تراحيب المطر
بيض الله وجهك يالقرم على المتابعه المستمره لاهنت يالقرم وعسا عمرك طويل |
اقتباس:
ارحب الله الله ماودنا توصل حدود الخصامى حتى على الغابه تعيش العصافير اللى من تهامه يسما تهامى يالشاعر اللى ماقريت التقارير |
ارررررررررحب
الله الله الله الله الله الله استلم لاعدمتك:
ماخاصمك يابدر لو هي جرامي=الحكم حكم الله ولاهو تعازير يابدر ماشفنا بوسط الغمامي=والذاهبه ما عينوها المداوير |
اقتباس:
السلام عليكم ورحمة الله وبركاته الله اكبر الله اكبر الدق يارجال فك اللحامى ياللى تعطا فالابر والعقاقير:) الطايره تقلع بشرقن وشامى شفتك تصلح فالخشب والمسامير:) |
الشعـــار
ابن وتيد & بدر بن نايف مـــــا شاء الله مـــــا شاء الله واصلوا واصلو وانا متابعين عن كثب حامي حامي تقبلو تحيات أخوكم / راشد النتيفات |
اقتباس:
هههههههههه الله الله استلم لاعدمتك:
ان جيت ببني جيت تبغا الهدامي=حسبي على من وردوا ذا السكاكير ياماحلا يابدر بني الخيامي=وما نشرب الا من حليب المصاغير |
اقتباس:
الله الله يابن وتيد السالفه بالتمامى مدرعه تمشي بسير الجنازير تمت يابن عمى ومسك الختامى صح الله السانك بكل المشاوير اخوى وابن عمى الكبير ابن وتيد صح الله السانك ولاهنت يالغالى وتشرفت بالوقوف امامك اشكرك من القلب كما لايفوتنى شكر كل من تابع لك وللجميع اطيب معاى الموده والاحترام |
الشررررررررررررررررف لنا طال عمرك
بالصراحه الشاعر الكبير/بدر ابن نايف مكسب لمنتدى قبيله الدواسر الرسمي ونتشرف باللعب والاحتكاك معه وكسب المهارات الشعريه واشكرك كل الشكر على المحاوره الجزله والقويه واشكر المتابعين والمشجعين |
الساعة الآن 02:50 AM
 |
Powered by vBulletin® Copyright ©2000 - 2025, Jelsoft Enterprises Ltd.
---