رثــــــــــــــــــــــاء

عبدالرحمن بن أحمد السديري رحمة الله عليه

سقاك يا قبرٍ بعالي هضابه=بالرجم شرقي الخشوم المشاهير
سقاك من ديم السماك وسحابه=وبالصيف تسقيك المزون المخاسير
حيث انك انت اللي تواري ترابه=على الأمير اللي على وصفه أمير
مرحوم يا رمز السخا والرحابه=ما تاه من سمَّى عشير المسايير
مرحوم يا محفي مواطي ركابه=دايم بمسعى الخير وردٍ مصادير
مرحوم ياللي في هرمه وشبابه=عرضه نزيه عن دروب المحاذير
مرحوم ياللي ما يتبدل حسابه=تجزيه بالنكران ويجزيك بالخير
مرحوم ياللي في وقاره مهابه=وفي سيرته لطف وتواضع وتقدير
في مكتبه ما خلقته صك بابه=وفي مجلسه ما حط دونه نواطير
يا تيه من عضه من الوقت نابه=وتاتيه شيخان الرجال المظافير
وتاتي له الاجواد من كل لابه=ما به مواعيد ولا به طوابير
انا فؤادي ما يداوي صوابه=ولا ظنتي تبري العيون المساهير
ابكي ويبكي من عرفه ودرى به=وتبكيه خلج بالخوافي مجاهير
ويبيكه مضيوم عوته الذيابه=ماله مداخيل ولا له معابير
وتبكيه غيدٍ ما تحمل غيابه=الا يبيها حد قبره مساطير
ويبكيه نجر فاخته من ضرى به=ودلال وصحونٍ نعتها الخطاطير
وتبكي له الدكة شكت من حجابه=ما عاد تدهلها الوجيه المسافير
عسى عزانا بابوفيصل مآبه=وعسى الجموع اللي دعت لك بواشير
رحلت للي ما يشح بثوابه=ولا تستوي عنده اوزان ومخاسير
عساك في طوبى النعيم تهنا به=وتدوم فيها يا عشير المسايير

مواطن

عساك في طوبى النعيم تهنا به=وتدوم فيها يا عشير المسايير

يا مرحبا ترحيبةٍ من صداقة=عد المزون وعد ما بارقٍ لاح

الاخ ابو فيصل شكرا على التحية

اخوك / ممدوح