الليله الملعبه بشقر لها شقراء =شاعر وهي مهرتاً تلعب معي شقراء
واهل ضرما يرجعوون لمحكمه شقراء =والبيت مايثبت الا فوق سيسانه

الليل يالشعار زان المسرا=والملعبه نيرانها وقاادي
والحرب فيها نكبتين ونصرا=والنصر للي للعداء وراادي

المسعري قام يبدع شقر من قده=يضرب بها القوول وتعود لهي قده
مايدري ان العرب خااااااطوه وان قده=والبيت مايثبت الا فوووق سيسااااانه
الليل جرح المنجرح ما يبرا=يبطي وهو سرداد يامردادي
سر الركايب والتحف بالغدرا= السيف سيفي والشداد شدادي

اي والله اشقر وسيفي جاهزن حده=والبيه وان طاع شوري يلتزم حده
والا ترا للدروب العوج ابآآ حده =والبيت مايثبت الا فوق سيسانه

الليل ياشعار عندي بشرا=المصري المنكوب جا ببلادي
سرجت خيلي وانت سرج بقرا=منتب رعا وقفات راعي ناادي

اجيب ممتاز ونت تجيب لي عادي=واليوم يالمسعري بالملعبه عادي
محسب حساب العوج لن جا ولن عادي= والبيت ما يثبت الا فوق سيسانه
البيه يحشرك بالملاعب حشرا=بالسيف يالي تنقل الردادي
والله ان تصلي يالغليّم حدرا=وتعرف طريقك عقب ذالمهجادي

الله يخليك لاتهرج بسلطااني=حتى ولو جاء ولي العهد سلطاااني
والناس كلاً يقول النوم سلطااني= والبيت مايثبت الا فوق سيسانه

اليا التفتنا لك بعيناً حمرا=تسجد لنا غصباً عليك عناادي
تسجد ونكتب صفحتك ماتقرا=واللي يصيد الصيد جاء منصاادي