ترتدي ثوب ( الشرف ) و ( العز ) من فوقه وسام=كيف ما يصبح وسامك ! وانت ( عزّه ) مرتـدي
بنت شيخ ٍ ما ( توانى ) .. ما يفك إلاّ ( الزحام )=فزعة اللي ينتخـي ويصيـح تكفـى يـا سنـدي
و ( الحظيظ ) اللي قرب حظه من حظوظ الكـرام=ما خشى شر الزمان .. ولا خشى الحظ الـردي!
اترك الواقـع واعيشـك فـي خيالـي بنسجـام=واربـط الواقـع بأحـلام الخيـال السـرمـدي
ما بغيتـك فالظـلام .. ولا بغيتـك بالحـرام !=ما بغيتك غيـر ( بالعـز الشريـف المقتـدي )
ما بغيتـك بالتلاعـب .. مـا بغيتـك بالكـلام=ما بغيت إلاّ ( اخـوك يصيـر خـال ٍ لولـدي )
لك جنوني .. لك ظنوني .. يا حبيبـي والسـلام=وانت غالي .. ثم غالي .. ثم عالي .. يا سعـدي

البارحه مـا لجلـج النـوم فالعيـن=من علم شفته فـي قنـاة الجزيـره
صرخة هدى هزت عروق وشراييـن=ولافيه شخص من العرب ثار غيـره
تنخى عمر تنخـاه بـاول وهالحيـن=يوم العرب عييـت تقـود المسيـره
وتنخى صلاح وتحتري يـوم حطيـن=يـوم الركايـب والخيـول المغيـره
تبكي قهر تبكي اسف وينكـم ويـن=يوم اليهـودي قـام يجلـب حميـره
راحو اهلها ضمـن نـاس ٍ كثيريـن=راحـو ضحايـا وا لضحايـا كثيـره
هدم البيوت وجرف خضر البساتيـن=والعالـم الغربـي عيونـه ضريـره
قصـف المدافـع والقنابـل وتأميـن=احـدث سـلاح وجاهـز ٍ بالذخيـره
والشعب الاعزل عاش مابين نارييـن=نار الحصار ونـار جـور الكسيـره
من شان (جلّعاد) اليهود الملاعييـن=شنو هجـوم ٍ مـن خفيـر لخفيـره

يوم مرت من يهمه .. كذبتـه عيّـى يـروق=لا هو اللي ثار فيه .. ولا هو اللـي استـراح
والكريم اللي يـدور حاجتـه عنـد الهطـوق=عزتي له يوم صارت حاجته عنـد الشحـاح
والوفا لولا الوفا ما كان صدري بـه يتـوق=والفشل لولا الفشل ما صـار فالدنيـا نجـاح
والعنا لولا العنا ما كان في جوفـي حـروق=والبطا لولا البطا ما كان فـي قلبـي رمـاح
والغلا لو زاد عندي لـه مشاريـه وحقـوق=والسهر والنوح والمسرى على درب الكفـاح
والعرب لو كان منها ما رضت منهو سـروق=وانت سارق بالغلا قلبـي وزدتـه باجتيـاح
ما سرقت إلاّ حلالك .. ما طعنت إلا ّ خفـوق=ما رضيت إلا ّ رضاك وما زعلت إلا ّ سماح
نعنبو جد القصايد مـا تغنّـى لـك طـروق=وانت سيد الحسن كله جـد مـا فيـه مـزاح
كل حرف ٍ من حروفي لو تغنّى فيـك شـوق=ما وصف غاية مرام القلب لو غنّى وصـاح