أسمع بالأسهم واسمع علوم وأخبار = كلا يقول اشري وابيع بحلالي
كلا غدا هامور في السوق يختار = بين المصافي والمكيرش يلالي
وفي خلال يومين المؤشر غدا نار = لون حمر والبال ما هو بسالي
والسوق بعد الطفرة اليوم ينهار = وكلا يقول اليوم ياشين فالي
والناس راحت بين صاحي ومنهار = سكر وضغط ولا بهم من يبالي
إللي جلس واللي بعد دخل اشهار = واللي توفى ذاق مرا وحالي
السوق هذا صار شلفاء وجزار = والحمد الله يوم ما لي مجالي
وأصبحتنا من مرة السوق محتار = وأصبح ما بين الناس زرع الجدالي
قلنا العوض بكرة تجي شركة إعمار = والكل من بعد التداول مثالي
وكلا فتح مشروع وعلومه كبار = وخاب الأمل بعد التداول وزالي
وسبكيم جتب العيد والعيد قد صار = صارت مكاسبها تحت راس مالي
رحنا ضحية كل لوقي وسمسار = السوق هذا صار من دون والي
أشره على اللي يكتتب لو بدينار = هذاك وقت راح صعب المنالي