عفا الله ياعين من النوم جزاعه =وقلب من الفرقا ملول وجزاعي
ويالوف قلبي لوف بستان زراعه = الى زان هبته اللواهيب والتاعي
ولا القلب من حد الرهيفات قطاعه =من البعد والهجران واخطا التوقاعي
وانا وين بدله عن هوى البر واسناعه= ومبدا يهبه من هوى العصر ذعذاعي
وانا ياحمد عيني من النوم منصاعه=هوى كل نجم في مغيبه وانا واعي
اعد الشهر باليوم واليوم بالساعه = ولالي من الونات والناس هجاعي
عنا القلب بذتني طواريه واسناعه = ولا واهني اللي له القلب مطواعي
الى من عذل قلبه حزين ولاطاعه= عوى بالغلايل عوية الذيب لاجاعي
على اللي خذت قلبي وسيق وطماعه =وحالي سبايبها مريض ومنلاعي
بازوره على اللي زاد بالني مرباعه =ودون المشاهي مابعد حده الراعي
ولاسامه الشراي من عند بياعه =ولاقد مشى يوم مع حملة الساعي
زها فردة كنها من النجم لماّعه =وصوت المغني يوم يوحيه يرتاعي
الى شاقه صوت المغني كن تمهلاعه =طموح لها الملعب تهزع تهزاعي
الى حققت من صوت راعيه سماعه = هوى مثل شاهينن سمع زقرة الداعي

المشاركة الأصلية كتبت بواسطة هايف العماني بيض الله وجهك اخوي سعود على ايراد القصيدة وماقصرت تقبلوا تحياتي جميعا