ياجر قلبي جر لدن الغصونـــــــــــي=وغصون سدر جرها السيل جـــرا
وأهله من أول بالورق يورقونــــــــي=على غدير تحته الما يقــــــــــــرا
على الذي مشيه تخط بهونــــــــــي=والعصر من بين الفريقين مـــــــرا
لا والله اللي بالهوى هوجرونــــــــي=هجر بها الحيلات عيت تســـــــرا
لامبعد عنهم ولاقربونــــــــــــــــــــي=ولاعايف منــــــهم ولاني مــــــــورا
وأكثر عذاب القلب يوم سنحونـــــــي=بيح بصبري لو بغيت اتـــــــــــذرا
لاضاق صدري قمت اباري الضعوني=كني غريب بالدلوهة مضـــــــــرا
وقلبي عليه اشفق وتبكي عيوني=والحال من ود الحبيب تبــــــــــرا
ياعزتا لي من تفرق شجونــــــــــــي=يعزا لي ارمي بالسلب واتعــــــرا
ان مت في خد بعيد انقلونــــــــــــي=على هدي الزمل مشيــــــــــــه تدرا
ان مت في دافي حشاه ادفنونـــــي=في مستكن الـــــــــروح ماهوب برا
بين *** وقدّ روس القرونــــــــــــي=عن الهبايب مســـــــــــــــتكن مذرا
ياليتهم بالحب ما ولعونـــــــــــــــــي= كان ابعدوا عنــــــــــــي بخير وشرا
ولا انهم يوم انهم قربونــــــــــــــــــــي=خلوني اقضي حاجتي واتـــــــــذرا
وياليتهم في الدرب ماواجهونـــــــــي=وياليتهم مازادوا الحر حـــــــــــــرا
وياليتهم عن حاجتي سائلونــــــــــي=يوم اني اقعد عندهم واتحــــــــــرا
الخد برق في علو المزونــــــــــــــــي=تقول براق من الصيف ســــــــــــــرا
وقفت عنده شابحات عيونــــــــــــــي=كني غرير باللهاوي مضـــــــــــــــــرا

المشاركة الأصلية كتبت بواسطة ابو زابن فالح الشكره لاهنت وبيض الله وجهك على نقل هذه لاالقصيده المشهوره

المشاركة الأصلية كتبت بواسطة هايف العماني قصيدة رااائعه نسمع بها وكنا مانعرف قائلها وبيض الله وجهك اخوي فالح على القصيدة وصح لسان قائلها الروقي تقبل تحياتي،،

المشاركة الأصلية كتبت بواسطة عبدالرحمن الشرافي اخوي فالح الشكر الله لا يهينك على نقل هذه القصيدة الشهيرة والجزلة وقد غناها الفنان التائب / حجاب وصح الله لسانك ولسان الروقي وتقبل مني فائق التحية والتقدير