سلام مني سلام(ن) فيه علم وعلوم=في ليلة(ن) والجزيرة ذاعت أخبارها
وين أنت ياللي لك العذرا تشوم وتشوم=اقرب نولع على اهل المعلبة نارها

يامرحبا ياهلابك ليت عمرك يدوم = في ليلتن والمعاني جاو شعارها
أنا هنا يالمنادي كان جالك لزوم = آمر وناطا على الشدات وأخطارها

أنا هنا يالمنادي كان جالك لـزوم=آمر وناطا على الشدات وأخطارها

يا ماجد الدوسري في دارنا شفت قوم=تجمعت عند عود(ن) عز مقدارها
وشهي علوم الختوم وحاملين الختوم=في ساعة(ن) تشكي العذرا على جارها

جاو الجماعة وراحو والهموم الهموم = وام الكباير تدوّر دار مع دارها
صحيح فيهم رجالن بس وين العزوم = الأيام ما يندرى ياناس باسرارها

الفاطر اللي من الانعام عيّت تقوم=وش جابها دام داب الصل (فـ )اهجارها
ولو يزعل (دحيم) ما نبغا عيال الرخوم=متى يجي يومها ونجيب قبّارها

العام الأول رمت بالهرش.. يامحق سلوم!!!! = ليـتــه يسويبّها ماسوّت حوارها
ودحيم دامه مقدّر دايما ومحشوم = ماتزعله كلمة العقال واشوارها