يفزّ قلبي كلما شفتنا جيب = ويضج لا من شفت زولن يحاليه
لا والله الّا مات راعي المواجيب = نسل الحرار اللي طيابٍ مجانيه
في ذمتي مافيه طاري عذاريب = كنّ الإله منزّهه عنه تنزيه
اليا حكى .. تَمـْر النخيل المهاديب = احلى من الشهد المصفّى حكاويه
واليا عطى .. غيث الكبود المجاديب= تكاشف بروق الصخا في يمانيه
النادر اللي في السما له مراقيب = كم زول خربٍ حوّله مع علابيه
تفّاق جزلات المعاني الذواهيب = تعوّدت بدع الفرايد قوافيه
اليا بغى الندّر تجي له مهاذيب = جلمود صخرٍ وانحدر من علاويه
فهد فهد سِعد النّضا والمناديب= عِدّ القروم اللي تخالف سوانيه
فهد ولد ماجد ولد كاسب الطيب= طلق الحجاج اللي جزالٍ هقاويه
مراجله ما تنحصى بالحواسيب= حاز المراجل كلّها في مخابيه
من لاد ناهش لا عوى الذيب للذيب= سقم الحريب اللي عجز من يداويه
اقولها ودموع عيني سواكيب= والقلب فيه من اللواهيب ما فيه
طالبك ياللي ما تكوده مطاليب= يالمعطي اللي كلنا في حسانيه
من يسأل الرحمن ما يمكن يخيب= الواحد اللي ما بعد خاب راجيه
يالله عسى قبره جنانٍ واطاييب= واغفر له ذنوبه وزلات ماضيه
دارت بنا الدنيا سواة الدواليب= وابن ادمٍ فيها على سكة التيه
ميت بكى ميت والاقدار تسبيب= والقلب يبغى له وصاية وتنبيه
بابطي وقلبي فيه علة وتصويب= ما لوم قلبي لا بكى فقد غاليه
يفزّ قلبي كلّما شفتنا جيب= ويضجّ لا من شفت زولن يحاليه

الأخ الغالي والشاعر الفذ : أبوراجس

أحسن الله عزائك في رفيق دربك وتغمده الله بواسع رحمته وأسكنه فسيح جناته

أبيات معبرة عن فراق من نُـحب ولكن هي سنة الحياة وطريق سوف نسلكه مثل

سابقيننا فـلله المرجع وإليه المآب ونحن مصيرنا إلى التراب فالحمد لله على كل حل

أقف حائراً في ماذا سوف اكتب لك حيال هذا الموضوع فأختصر بقولي :

غفر الله لك ولوالديك والله اسأل الا يريك مكروهاً في من تحب

وفقك الله

المشاركة الأصلية كتبت بواسطة حنيان الدوسري الأخ الغالي والشاعر الفذ : أبوراجس أحسن الله عزائك في رفيق دربك وتغمده الله بواسع رحمته وأسكنه فسيح جناته أبيات معبرة عن فراق من نُـحب ولكن هي سنة الحياة وطريق سوف نسلكه مثل سابقيننا فـلله المرجع وإليه المآب ونحن مصيرنا إلى التراب فالحمد لله على كل حل أقف حائراً في ماذا سوف اكتب لك حيال هذا الموضوع فأختصر بقولي : غفر الله لك ولوالديك والله اسأل الا يريك مكروهاً في من تحب وفقك الله