|
حنا هل الـــوادي وحنا المناعيـــــر(( قصيدة لابن لعبون ))
البارحـه سهـر واديـر التفاكيـر=فـي ذم نـذل بــادي بالعـيـاره لاطالـب دم يبـي لـه مثـاويـر=حتـى نعـذره لـو طلبنـا بثـاره ولاصان عرضه لوبوسط الدواويـر=ولاهـوب يطلبنـا بقايـا تـجـاره من غير ذنب اركا في قفانا مسامير=واشرف علينا ناظر بعين الحقـاره حنا هل الـوادي وحنـا المناعيـر=وحنا ودينـا جارنـا مـن جـداره يشهد لنا جريس اليمانـي بتفخيـر=يومه عن أهل الدين محدن أجـاره ماحـدرت وديـان بيشـه مياسيـر=كل اليمـن بالسيـف نملـك ديـاره عن المجد انشد بني يـام وامطيـر=وانشد جاجـم روسهـم عنـد واره خطلان الايدي كالأسـود الهزابيـر=مقابـس للحـرب ون شـب نـاره منداتهم يشبع بهـا النسـر والطيـر=بيوم تغبـت شمسهـا فـي نهـاره حريبهم لـو كـان دونـه نواطيـر=لابـد مايفجـع صـبـاح بـغـاره خذ ماتراه وخـل عنـك الخماكيـر=من شق جيب الناس شقـو ازراره ترى ذهاب النمـل سعيـه بتطييـر=خذ راسهـا باللـي تنعـزت قـاره عن قولتك ولد حسن جده صنيفيـر=النـاس كرعـان وجـده فـقـاره شيخ نشا ماداس عرضـه بتصغيـر=ولاقبـل يـوم جـذ عينـه بجـاره اخذ الصحيح ان كان قصدك معايير=العيب من دار الخمـر والدعـاره ويمناك تقصر عن فعل نية الخيـر=ومن المراجل ماذكـر بـك نمـاره حمراك ماتذكر تلاقـي المشاهيـر=ومقطمره بالسفـح تبغـي النيـاره لو انت في حصن رفيع المقاصيـر=تنير وسـط الليـل ماهـي نيـاره من طلعتك سهمتك رقص وتسطيـر=وبالعون مابك عقب شعرك تجـاره تفخر بسلطان العرب وانت من غير=مامفخـر البـزون ليـث المغـاره تدري بجدك مـن مقافـي بقاقيـر=جالي وحطه مقـرن فـي جـواره خلاه بالخدمـه بـدار الخطاطيـر=ومن عقب ذا داره برسم العشـاره وملفاك تركي يوم جيتـه بتزويـر=عن أصلك ثم اطلعـك فـي نهـاره واقفيت تشتـم للصفـرات والبيـر=وتقول عودٍ جيـت الـه واخسـاره واقفلت من نجد تبـاري الحداديـر=ومن عقب ذا شفت خضرة اديـاره لو انت منهم مارضوا لك بتحقيـر=عنـد القبايـل مظهريـن وقــاره ياعبيد جد امك يفحج علـى الكيـر=أصلـه صليبـي يـدق الصفـاره شطر بصنعـه للحـذا والمساميـر=وذقنه شواه الكير لاهـب شـراره عينت ثاقـب تاخـذه بنـت بنقيـر=شقحـا بطيـن وداخليـه طهـاره في وسط غانة تسدى الغزل وتديـر=وزودٍ لأهلهـا بالحياكـه تـجـاره ياعبيد ابن عمـك خوالـه بياسيـر=وعينك عمت من شوف عيبك وعاره ون طعتني خل السبـاع المظاهيـر=عندك اخو مريـم تصلفـط بـداره ابو صباح ريـف ركـب معابيـر=هو زبن مظلوم جـلا عـن ديـاره جابر لكم سدره وانتـوا عصافيـر=لا ضيم عصفور لجا فـي جـواره يستاهل البيضاء بروس المقاصيـر=واولاده اللـي كـل منهـم نعـاره واللي ظهر ياعبيد من جمـة البيـر=يكـرم وسامعهـا جزيتـه نكـاره وان كان دارتنا الهبايب على خيـر=الا نجـر ابهـا الربابـه وطـاره |
لا هنت اخوي البراق على القصيده والتي كانت محط جدل الكثيرين ممن يظنون انها اثبات على أن ابن لعبون دوسري والله أعلم.... سواء قالها على لسان الدواسر أو انه دوسري حقا... المهم أن القصيده رائعه وجزله بكل ما تحمله الكلمه من معاني...
شيهانه |
شكرا لك اخوي البراق
على هالقصيده الرائعه للشاعر المغفور له بإذن الله " ابن لعبون " وعندي توضيح في نسب بن لعبون وكما قالت الأخت شيهانه : بأن البعض يأرجح نسب بن لعبون للدواسر إستنادا لتلك القصيده نسب الشاعر ابن لعبون فهو: محمد بن حمد بن محمد بن ناصر بن عثمان الملقب لعبون بن ناصر بن حمد بن إبراهيم بن حسين بن مدلج الوالي البكري العنزي |
لاهنت يالبراق علي القصيده الجزله والله يرحم ابن لعبون
|
حنا هل الـوادي وحنـا المناعيـر
وحنا ودينـا جارنـا مـن جـداره يشهد لنا جريس اليمانـي بتفخيـر يومه عن أهل الدين محـدن أجـاره قصيدة جزلة ومن عيون الشعر الشعبي مشكور اخوي البراق وصراحه احترنا بابن لعبون هو دوسري اوعنزي والكتب والمقالات تختلف في نسبه ولكن الخافي عند الله |
يعطيكم العافيه على المــرور والرد ،،،، |
تسلم يالبراق على طرح هذي القصيده الجزله وفي الحقيقه الكثير منا يسمعها ولا يعرف على الاقل منهو الشاعر المقابل لأبن لعبون وهي في الحقيقه رد بين بن لعبون وبن ربيعه ويتضح من القصيده التي سوف أوردها بعد قليل ان بن لعبون رد على ابن ربيعه ثم قام بن ربيعه بالرد عليه في الحقيقه لااعلم صحه كلامي هذا الا بأستدلالي من القصيده ولاأعلم من فيهم بدا اول لأن القصه لم نجدها كامله بجميع المواقع وبعض الكتب لذالك لأريد ان اجزم بأمر وتطلع الحقيقه على خلافه الشي الوحيد الذي اجزم به انهم تراددو بالقصائد ردا قويا
وقد رد ابن ربيعه بقوله خذ ماتراه وخل عنك التفاكير ياقلب يالي كل ماجاه داره لابد للعسر المنوخ مياسير ولابد ماتقفى النذاله بشاره العبد ماله عن احتواف المقادير واللي كتب لو هو بصندوق زاره ماقل دل وحاجتي ياهل العير طرس ٍ تودونه لحامي جواره من ديرة العوام روحو مسافير تلقون ينبوع الندا والنعاره ربع يسرك وردهموالمصادير صبيان ياما شتتو كل غاره صار الجزاء لي من عشيري معايير ليته يجازيني مشارى مشاره ان كان حنا ياخوالك عطاطير فحمود تبطل شيمته واعتباره جدك اخذ هنديه بالدنانير بيضا وتكوم داخليها طهاره ليتك تقرا بخطبتك بنت ظهير انشد بني عتبه ترا العجم دارا مرباه في دسبول والجد بنجير اشقر ولطامه خدوده خساره حنا هل الباس الشديد المناعير وحنا الى خرب المذاهب عماره ناهيك من صنعاء الي ماورا الدير انشدك من كل البوادي جواره انشدك من خيله بفارس مشاهير وانشدك من اضرم على العجم ناره وان قيل ثور مقرى السبع والطير اسهر عيون اهل المدن بالنظاره ومن طوع المأمور بالسيف والمير على ايمنه شرعه وسيفه يساره هذاك ابن عمي وخل الجماهير ياخو عمر وش جابنا للعطاره الرايه البيضاء لها نيه الخير مادامت العينن ترعى سماره بيت السلف بيت الخلف والمظاهير بيت عمار المنتفق من عماره بيت لهم ورد الرياسه بتصدير حلوين علقم للذي به مراره بيت لهم شيمه علامه عن الغير مالجلجت عينه بجدار جاره بيت الندا بيت الغنا للمعاسير بيت الرياسه والحكم والوزاره بيت تقصده هلا.. كامن النير مالي سواهم يعلم الله تجاره اختص ابو هزاع حبس الطوابير كم حله داسه وجدد مغاره شبخ على وضح النقا كونه اعصير والليل غطا مانتقل في دعاره تيامنو ربع وربع مياسير وخلو عمر عامودهم بالعماره ادوا من الزور كما مخلص الكير واللي على قربه عقبهم شراره حر تذكر ماكره وادلج السير عزي لكم يالي سكنتم دياره ادمى العرب من شنبل الشام لنجير ولاعاش من يسكن بعدهم دياره امين قولوها معي خاتمه خير من مخلص مأمون سره وجهاره اخوكم آل جبيل من كان لديه علم بالقصيده ومضمونها فليتفضل به ويطرحه |
اخوي ال جبيل حياك الله ومشكور على الاضافات تقبل تحياتي ،، |
السلام عليكم ورحمة الله وبركاته
بيض الله وجهكم جميع على هذه القصائد . والى الامام والــســلام خـــتـــام |
ووجهك أبيض يامحمد لاهنت على المرور والاطراء الطيب ،،، |
لاهنتم على مروركم جميـع
ويعطيكم العافيه على المشاركه |
ابيض وجه يالبراق اخوي
صح لسانك ولسان قايلها والله يرحمه ويرحم اخوانا المسلمين وتسلم يمناك يالغالي ولك تحياتي أخـــوك الخييلي |
يعطيك العافيه مشرفنا الغالي على هل قصيده
والله لا يهينك ومااقصرت |
رد: حنا هل الـــوادي وحنا المناعيـــــر(( قصيدة لابن لعبون ))
بيض الله وجهك يا ابن عمي على الطرح الجزل
اللهم اغفر للشاعر ابن لعبون وارحمه وتجاوز عنه .. في ذمتي يستاهلون ربعي الدوآســـر . لاهنت |
رد: حنا هل الـــوادي وحنا المناعيـــــر(( قصيدة لابن لعبون ))
لاهنت يالبراق علي القصيده الجزله والله يرحم ابن لعبون
|
الساعة الآن 02:16 AM
 |
Powered by vBulletin® Copyright ©2000 - 2025, Jelsoft Enterprises Ltd.
---