قال ابن تركي سلامٍ له الخاطر يطيب=للرجال اللي نعد الشجاعه فالها
ياعسى شمس الغريري عساها ماتغيب=كل شاعر لا حصل له مجالٍ قالها
ياسلامي ياالدواسر على نعم النسيب=المراجل هو رقاها وتحت ظلالها
تم قولك يامحمد ولا غيرك خطيب=القوافي في جنابك نذوق زلالها
أشهد ان سيف الغريري على العايل طبيب=كل لابه لاتمادت يقص حبالها
كم عروسٍ رملوها غدا ماها سكيب=هم مداغيش النشايب لادق جلالها
الشريف اللي نصاهم يبي فعلٍ غصيب=عودو به مع جيوشه تجر ذيالها
غريريةٍ في الملاقا بلا شكٍ وريب=لا اعتزت في رأس تغلب تلج عيالها
قلتها والشاهد الله على قافي رقيب=مطرقينٍ من يمينٍ يباري هلالها
الختام صلو على اللي دعانا وله نجيب=محمد المختار وآله عدد همالها