سلامي عليكم بعد ماغبت شهرين=غيابن بعذر ولانوينا الغيابي
ترى كثروا شعار في عام الالفين=ولااحصي عددهم مثل حب الترابي
هلا مرحبابك يوم جيت الميادين=عسي غيبتك فى حقها والصـوابي
تفضل على الميدان حرر فلسطين=ترا القدس مافيها طعام وشرابي
يدوم البقا يابدر مني ملايين=وقلبي ليا منه لعب معك طابي
ترى السن فيه السن والعين بالعين=وحذرا تزل الدرب واحسب حسابي
انا معك لكن قول رايح على وين=علشان ازهب فالمسارى زهابي
ترا الشاعر الخصام يبغي عناوين=بعدها يحسب احسابها والثوابي
يسارك ترى ماتجني الخوخ والتين=وضرب الشباري مثل ضرب الجنابي
ترى الشاعر العاقل يعرف القوانين=وهاذي نصيحه من عزيز الجنابي
يمينك وخلك فى صفوف المايمين=ودربك بعد مده يعـود ضبابي
قمم والقمم مسكن حرار وشياهين=وخلك فطين وفالمـواق ف ذيابي
يميني له ميقاف فالعسر والين=ولاانت برسول الله ولاانت بصحابي
الاياقعود القوم عان السكاكين=ابصلخك لين دم يملى ثيابي
اثاريك ورع ومن حساب المجانين=ولا الد عينى فى كـبير العلابي
قوافل على الدرب الفخر والعزيزين=ولاعرقل الرحله نـباح الكلابي
على رفقة الرديان ياربي اتعين=ولاروع الرجال صوت الذبابي
ياشين الحلايا شينها والشعر شين=ولايلحقك منا ملام وعتابي
نشوف الضعوف ولا جهلنا المساكين=اثاريــك تتسكع بكل اللوابي
ترا لملعبه ترفضك واخذ البراهين=على ساقة القــيفان جلف الجنابي
انا احشم هل الموقع هل الجود والدين=وعن هرجة الغاويين شلي حدابي
تريح وانا بكفيك عقل البعارين=ولا ابي اجر مـنك ولا ابي ثوابي