|
يجر الجوارح لامشى مثل جر خطاه !!
من جميل الشاعر سعد الودعاني.
عسى البارق اللي هز غيمه ونثّر ماه=يبل الضما لاجيت أداعب مرابيعه لياطاح وبل الشوق وأخضرت خزاماه=يعانق خفوق ٍ تاه من كثر تلويعه حناياه لجت واصدحت بالغلا ورقاه=على غصن راك القلب ذب الشقا ريعه من أدنى بدايه لآخر أقصى نهاية لاه=تضيع الحروف إليا فرتني مواضيعه وهمٍ تمثنا كل عرقٍ يمر أدماه=تعودّْ وأنا مثله تعودت تمزيعه مثل مالسحايب سيلها ينتحي مجراه=ليا اقفا بقا فالقلب مجرى مناقيعه يجر الجوارح لامشى مثل جر خطاه=جذبني منابيت الحيا في مراتيعه كلامه..قوامه..جلسته ..وقفته..لاماه=عدوله..ميوله ..خيزرانه مطاليعه تثنيه..مشيه..لفتته..طعنته..شلفاه= جماله ..دلاله ..فجرتني ينابيعه وإلى سال ملحه وصدقت ديمة محياه=تحضنت باروده وناره وتوليعه رويته جفاف وفي ربيعه عجزت أرواه=كثر ماأرتويته هم ماأروى منافيعه أسافر عن دروبه وغصبٍ القدم ينصاه=ليارحت ردتني مخايل مراجيعه عبرت اليسار وطحت فاأول سفر يمناه=ترامت بي اطراف الغلا صعب توديعه الشاعر المبدع/ سعد الودعاني |
صح لسان الشاعر سعد الودعاني....
وسلمت يمناك على هالاختيار الطيب.. والله لايهينك يا النايف |
أسافر عن دروبه وغصبٍ القدم ينصاه
ليارحـت ردتنـي مخايـل مراجيعـه صح لسان الشاعر والله لا يهينك اخوي على القصيده اخوك: ........... . الفارس . ............ |
صح السان الشاعر والسانك يالنايف وبيض الله وجهك علي الاختيار الرائع
|
صح لسانك الغالي
وننتظر جديدك |
صح لسان الشاعر سعد الودعاني ولاهنت يالنايف على الطرح
تقبل تحياتي ,,, |
صح الله لسانك ولسان قايلها
تحياتي لك ،،،، |
السلام عليكم ورحمة الله وبركاته
صح لسان الشاعر ولسانك اخوي ( النايف ) على هذه القصيده . |
صح الله لسان المبدع سعد الودعاني
ومشكور كل الشكر اخوي النايف |
صح الله لسانك ولسان الشاعر
الكبير سعد الودعاني ولاهنت |
الساعة الآن 06:45 PM
 |
Powered by vBulletin® Copyright ©2000 - 2025, Jelsoft Enterprises Ltd.
---