![]() |
البــل والمـرباع
لا والله إلا شلوح العشب وان لاح = ولا بقى الا بالملاوي شلاوي اقفى خضار النبت يوم الثرى انزاح = وغدت عليه الشمس نجم( ن )سماوي جته الجنوبية معاصير وارياح = اقفى نداه ولاهب الحر شاوي واقفوا هل البل ما بقى غير مصلاح = يتبع بها عشب المعاسر خلاوي يفرح لها مثل المساهم بالارباح = واخوف عليها من غريم ( ن ) جلاوي يبي لامن صرّم العود ثم طاح = وكل ( ن ) عرف قسمه ولا تساوي يصير ظمن اللي لبس تاج ووشاح = وغيره على فعله جداه المناوي وذي عادة العربان من فايت ( ن ) راح = يفوز بالعليا بعيد الهقاوي ويروح فيها اللي ضرى بالتبطاح = دايم في الدايات مثل الفداوي لا صار بالمجلس فعول وتمداح = ماله مع اهل الكار فعل ( ن ) يساوي البل شقاويه تبي نايد اشباح = رجل ( ن ) على قطع التخاتخ جراوي مربوط جاش وللمهمات نطاح = ماهوب زمّال ( ن ) قصير العراوي لا بانت النية وبرق الحيا لاح = ما يقهر السرفات بين الشواوي يازينها لاروحت عقب مسراح = في نية ( ن ) للقفر فيها حراوي خطوات ذود ( ن ) يطربن كل سرّاح = جمال دل وغير طول الخطاوي وضح ( ن ) طوال ارقاب ووجيها سماح = كبار الظهور اللي لهلها عزاوي سند الغوارب والاباهير طِفّاح = من رعيها نبت الزرج والنزاوي ورث الجدود اللي يسوقون الارواح =كل ابلج ( ن ) يوم الملاقى رهاوي كم واجهو من دونها شلف ورماح = ومشوك ( ن ) راعيه ماهوب ياوي وكم ذود مصلاح ( ن ) ثعو فيه بصياح = واصبح فقير( ن ) وعقب ما هو غناوي واليوم امان وسلم والكل مرتاح = الشعب واحد والمولاّ نداوي أرجو أن تحوز على رضاكم سالم بن صمهود |
رد: البــل والمـرباع
وضح ( ن ) طوال ارقاب ووجيها سماح=كـبـار الظـهـور الـلـي لهـلـهـا عـــزاوي سـنــد الــغــوارب والابـاهـيــر طِــفّــاح=مــن رعيـهـا نـبـت الــزرج والـنــزاوي ورث الـجـدود الـلـي يـسـوقـون الارواح=كـل ابلـج ( ن ) يــوم المـلاقـى رهــاوي الله الله عليك إبداع من أول مشاركه الشاعر القدير/ سالم بن صمهود الله يعطيك العافية .. وبيض الله وجهك وصح الله لسانك مدد يالقرم على هذه القصيدة الجزلة والوافية ولا تحرمنا من جديدك الجزل وتقبل فائق التحية والتقدير |
رد: البــل والمـرباع
الاخ / عبدالرحمن الشرافي اشكرك على المرور العذب
مع رجائي ان تعاد لي مشاركاتي التي حذفت وتعديل مسمى العضو من عضو جديد الى المسمى الصحيح تقبل تحياتي اخوك/سالم بن صمهود[الصلف] |
رد: البــل والمـرباع
صح لسانك يابن صمهود
كايفه جدا وجزله من جزل لاهنت |
رد: البــل والمـرباع
صح لسانك يبن صمهود ووين البل الله يطرح لها المطر قل امين قصيده لا يعلى عليها من شاعر جزل
له مستقبل باهر واصل على ذالمنوال والله يعطيك العافيه |
رد: البــل والمـرباع
منذر ابن رشود صح الله بدنك
|
رد: البــل والمـرباع
الشاعر الكبير سالم بن صمهود ( الصلف)
صح الله لسانك واعتلا شانك على القصيدة الجزله والوصف الجميل ولاهوب غريب عليك الابداع طال عمرك تقبل تحياتي،، |
رد: البــل والمـرباع
صح لسانك يالصلف ..
ولاهنت على ماقلت ننتظر جديدك |
رد: البــل والمـرباع
صح لسانك يابن صمهود
وبيض الله وجهك . |
رد: البــل والمـرباع
قصبده جميله وتتميز بأنها من الطراز الاول
صح السانك واعتلى شانك وبيض الله وجهك |
رد: البــل والمـرباع
العضو المنتدب صح الله بدنك .. وهذا من ذوقك الرفيع تشرفت بحضورك سالم بن صمهود |
رد: البــل والمـرباع
اقتباس:
هــايف العمــاني شهادةٌ كهذه منك أنت !!! بكل تأكيد أنها وسامٌ أعتزُ به .. فلك مني أعذب التحايا وأصدقها على هذه الشهادة سالم بن صمهود |
رد: البــل والمـرباع
حسن البريكي /صح الله بدنك وشكرا لك على المرور
|
رد: البــل والمـرباع
ورث الـجـدود الـلـي يـسـوقـون الارواح...كـل ابلـج ( ن ) يــوم المـلاقـى رهــاوي
كـم واجهـو مـن دونـهـا شـلـف ورمــاح...ومشـوك ( ن ) راعيـه مـاهـوب يــاوي وكم ذود مصلاح ( ن ) ثعو فيـه بصيـاح...واصبح فقير( ن ) وعقب ما هو غناوي سالم بن صمهود قصيدة إحتوت على كل جميل أعجبني قوة مفردتها و تماسك وحدتها كل الود،،، |
رد: البــل والمـرباع
سالم بن صمهود
صح لسانك يا مبدع قصيده جزله لك تحياتي |
الساعة الآن 07:14 AM
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Powered by vBulletin® Copyright ©2000 - 2025, Jelsoft Enterprises Ltd.
---