::: مـنتدى قبيلـة الـدواسـر الـرسمي ::: - قصه وقصيده جحيش بن مهاوش يوم هملوه عياله.....

- :: قسم قصــه و قـصيــده :: (http://alduwaser.org/vb/forumdisplay.php?f=19)

- - قصه وقصيده جحيش بن مهاوش يوم هملوه عياله..... (http://alduwaser.org/vb/showthread.php?t=15046)

قصه وقصيده جحيش بن مهاوش يوم هملوه عياله.....

قصيدة الشاعر المستجابه لتقضي على ابناءه ولم ينجبو

الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم
ينجبوا أولاده وقيل أنهم تزوجوا مرة ومرتين وثلاث من أجل أن يرزقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ
وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخربات) حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءه بأن يمكث عندهم حتى يقضي الله أمره فلم يستجب له أحد منهم .

فقال فيهم الأبيات التالية واستجاب الله له وقطع نسلهم
ولو دعاء عليهم بالهلاك لهلكو
قال بالقصيده:

قـال الـذي يقـرا بليـا مكاتيـب=ياللي تقرون العمـى مـن عماكـم
ياعيالي اللي تشرفـون المراقيـب=تريضوا لي واقصروا في خطاكـم
خذوا كلام الصدق ما بـه تكاذيـب=مثل السند مضمـون للـي وراكـم
ياعيال لا صرتوا ضيوف ومعازيب=ترى الكلام الزيـن ملحـة قراكـم
وتروا السبابة من كبار العذاريـب=وهرج البلايس ما يطـول لحاكـم
المذهب الطيب هو مذهب الطيـب=والمذهب الخايـب يبـور نساكـم
ياعيال مـا سرحتكـم باللواهيـب=ياعيال ما عمـر المعـزب ولاكـم
ياعيـال ماضربتكـم بالمشاعيـب=ولا سمعوا الجيـران لجـة بكاكـم
ياما توليـت القبايـل تقـل ذيـب=من خوف لاينقص عليكم عشاكـم
أحفيت رجليني بحامـي اللواهيـب=وخليت لحم الريم يخالـط عشاكـم
ياعيال دوكم لحيتـي كلهـا شيـب=هذا زمـان قعودنـا فـي ذراكـم
قمت اتوكا فوق عـوج المصاليـب=قصرت خطانا يوم طالـت خطاكـم
لابد يـوم عـاوي دونـي الذيـب=القبر ما افرق طيبكم مـن رداكـم
ماني بفاضحكم بوسـط الاجانيـب=اعمالكـم يـدرون كـل اقربـاكـم
لوكان تدرون الـردى والمعاييـب=صرتوا مع المخلوق مثل خوياكـم
خوالكم بالطيب تـروي المغاليـب=ولو تتبعون الجـد محـدن شناكـم
وش علمكم يا تاركيـن المواجيـب=حسبي عليكم هالردى ويـن جاكـم
قصيتكم واسندت وادي سلاحيـب=ولقيـت بالصبخـا مدافيـق ماكـم
ياعيال بعتوني بصفـر العراقيـب=ما هي حقيقـة سـود الله قراكـم
يالله عسى اعماركم شمسها تغيـب=يعتـم قمركـم ثـم تظلـم سماكـم
يا علكم فـي حاميـات اللواهيـب=ياللي على الوالـد خبيـث لغاكـم
شفت الجفا والحيف والغلب والريب=ضلوعكـم لابيـض الله قـراكـم
عسى نساكم ما تحمـل ولا تجيـب=ولا حدن من البزران يمشي وراكم
اخسوا خسيتوا يا كبـار اللغابيـب=اهبوا هبيتـوا يقطـع الله نماكـم

وسلامتكم....

على لاامل ان تكون قد نالت على اعجابكم ورضاكم

والان تقبلوا تحياتي اخوكم : ثامر الدوسري