يا الله ياللي لا طلبته عطاني = يا غافر الزلات يا خير معبود
تفرج لمنهو كاسب المعاني = ذرب الفعايل ما يجي درب منقود
يا طارشي هيا إلى من طراني = رز الشراع وحين ما هبت النود
من العقير تسير والفجر باني = واحذر على صدره من الفشت واحيود
ملفاك محمد سور ذيك المباني = يا سعد من جاله من البعد مظهود
براحته غنى بها المطرباني = ولا احد بعد من مجلسه رد مطرود
ياما عطى من كاظمات العناني = يعطي الاصايل ويلبس الجوخ ماهود
يعطي ولا يرجي وراها ثماني = ياما عطى من غالي الخيل والقود
يا شيخ منك طارش قد لفاني = اخذ الجواب الذرب يا ترثت الجود
يا شيخ لا تطري الثمن في حصاني = والله لو تعطي ورا الألف بالزود
غوجي حسين الدل شقص الاذاني = حلفت ما يهدا على حاكم قود
أبغى إلى رد البرا من أخواني = لينه كما العفري مع مقدم الذود
يبرى لخلفات قمعها أمتاني = وشلفا تلظى حاشي جبها العود
وابغي إلى وقف رهيف الثماني = ينخى على عوج الحنايا هل الزود
رديت أنا غوجي عليهم بياني = والحقت أنا أهل قصر الخيل بشهود
مع بني عم تشيل الوحاني = هواجر تقدم على الطيب وتزود
ثم انشدوا راكان يوم التقاني = والخيل من لفح المزاريج يبود