::: مـنتدى قبيلـة الـدواسـر الـرسمي ::: - درع ال نابت الغييثات يقصد في ابن جيعان الغييثات

- :: قسم الـشعر العــام :: (http://alduwaser.org/vb/forumdisplay.php?f=16)

درع ال نابت الغييثات يقصد في ابن جيعان الغييثات

هذه قصيدة قالها الشاعر : درع بن نابت الغياثات وأرسلها لــ : ابن جيعان الغياثات يقول فيها :

يالله ياللي للموازين عدّال= يا سامع الطلبات يامنتهاها
اغفر ذنوبي لاتحولت في جال = عند الحساب ومواعد النفس جاها
تنشر من الخرفة مع الصبح لا بان = والعصر في قصره إيولم عشاها
منصاك ابن جيعان مع ساحة البال = هو الرجال اللي قليل غثاها
نبشره بالمرخ من فوق ماسال = وسالت جوانب ديرتي من حذاها
وبانت سوالف زاكي الجد والخال = وبانت رجالٍ زاد عندي غلاها
اصبر وطاوعه على كيف ماقال = ان الله المخرج إذا جا وفاها

ورد عليه ابن جيعان بقصيدة يقول فيها :

يا مرحباً يا طارش خّبث البال=ساعة لفا ما ضمت العين ماها
أحفى خدودي دمع عيني إلى سال = ما لوم عيني لاتزايد عناها
جتني تواطا من حسينات الأمثال = ونحمد الله محضرين اقراها
لاناشاها العرقوب تجضى بجفال= تكسر عصى الكور في منتحاها
إن كان تطري للي من الوقت غربال= انتوا هل الجود اللي رقيتوا علاها
واهل غروس للمسايير مدهال = يعرض على ضيف وغيره جناها
وهل صحون في القسا سمنها سال =تجلا من الكبد الوخيمة صداها
كب الردي يا درع لو هو معه مال = كبه وكب تجارته جعل داها
عشاه مد يوم ماعنده أكيال = ما غير وياها ويبزا نماها
دور السنة ماقال سموا الفنجال = ولا داعى جاره التالي قراها

(( وســــلامــــتــــكـــــم ))

وسامحوني على القصور يالربع لان في البيات نقص كثير مع اني حاولت جمعها بطريقة او باخرى وهذا القدرنا عليه .