|
مسعود لاتثني رجلك
الشاعر الكبير مسعود المقيبلي البارح غبت واليوم حظرت
استلم لاهنت
ياسلام الله سلامن فيه سلم وبه حرابه=به حرابه للاعادي فيه سلمن للعواني خيروا مسعود يالعقال في لبسة ثيابه=قبل يبلش بالمداوي قبل يخسر للرهاني |
رد: مسعود لاتثني رجلك
خلووووووووووووووها
مرحباً ترحيبةٍ فيها مشاريه وحبابه=الحبابه سلمنا والشرهه براس السناني ان مشيتوا بالذرابه طبعنا طيب وذرابه=وأن سدحتوها وطينا الروس من تحت الأذاني |
رد: مسعود لاتثني رجلك
مدام انها وصلت السدح اجل استلم
الحبابه للحبيب اللي سواتك مانهابه=لو حبكت ابيوتك المعنى على شاره لساني انفلت وصرت حاكم يوم ماعندك رقابه=وان تولجتك نسيت العشر تحسبها ثماني |
رد: مسعود لاتثني رجلك
الله الله
الله الله الشاعرين البدوي والمقيبلي لله دركما هذا الشعر ولا بلاش مهوب اللي امتلت منه سله المحذوفاات فتل ونقض عالي عالي انا في صف البدوي لين الفجر الله ياخو بدوه |
رد: مسعود لاتثني رجلك
خلووووووووووووها
الحبابه سلمنا في دارنا كلٍ درابه=نلطم الشره الشرير ونكرم طوال اليماني كان اصدق من يقولون العشى حيث تهقابه=لين شفت سهيل يطلع عقبه سهيل اليماني |
رد: مسعود لاتثني رجلك
لاهنت يبو خالد
الي بصف البدوي كنه بصفي |
رد: مسعود لاتثني رجلك
هلا وغلا يابوخالد
مسعود ياسلام عليك
سلمكم ياصاحبي معروف بعلوم الذرابه=مالحقني شك والمعروف شياًماخفاني اشهد انك صدتها بين الرويضه واللهابه=مير لك كره ولي كره وانا فوق الحصاني |
رد: مسعود لاتثني رجلك
مساكم الله بالخير جميعاً - واول حاجه نعتذر على طول الغياب
والثانيه هاذي الليلة المباركة اللي صادفنا فيها المحاورة بين الشاعرين الكبيرين الشاعر مسعود - والشاعر البدوي لاهنتوا ياشعرانا وبشروا بمسكة الصف والليل تونا فاوله |
رد: مسعود لاتثني رجلك
خلووووووووووها
يوم جت منك على العنوان مافيها غرابه=تومي لعساسها ياصاحبي فوق البياني ياكبير القوم خلك ناقلٍ كل الحزابه=وا عرض بسيفك على سرج الحصان المطوعاني |
رد: مسعود لاتثني رجلك
أرحب ياشايبنا
ولا تبعد أن قاله مسفر الوجه ان يطيح العود ماتعنز له عصاه |
رد: مسعود لاتثني رجلك
مرحبا فيكم يا البدوي ومسعود المقيبلي
عسي الله يوفقكم وتراني بصفك يا مسعود |
رد: مسعود لاتثني رجلك
عااااااااااااشوا جميعاً الشعراء والحضور محاورة راقية بين شاعرين غنيين عن التعريف ومثل ماقال مشرفنا الكبير ( نريد مثل هؤلاء الشعراء وليس شعراء سلة المحذوفات) ! وابشر بسعدك يامسعووووود أنا في صفك إلين يذن الظهر مهوب للفجر الليييييييييييل |
رد: مسعود لاتثني رجلك
الله يامسعود تو تفضيت لك ذالحين
يرحم الله المليك اللي رفع قيمه ركابه=عقب ماكانت تساق براس حد الصيرماني يابن صخبور انتبه مالك معي حق وطلابه=مالك الاراس رمحن في حجا ولاطماني |
رد: مسعود لاتثني رجلك
يالله سترك الظافي
ولو انتو متغيرتٍ اخلاقكم عقبي العلم وش هو ابوسعد دور لي مزلحف ,,,,,,,,,,,, ابو خالد مساك الله بالخير بشرني عن احوالك غريبه مابعد طرتبي انزلة عليك البركه ذالليل |
رد: مسعود لاتثني رجلك
ياهلا والله ومرحبا يابو حاجونه
ابونواف الدوسري هلا ومرحبا يالغالي نورتنا طال عمرك الذيال في صفي ولا في صف مسعود مرحبا على كل حال اللي في صفي كنه في صف مسعود واللي في صف مسعود كنه بصفي لاخلا ولاعدم |
الساعة الآن 08:13 AM
 |
Powered by vBulletin® Copyright ©2000 - 2025, Jelsoft Enterprises Ltd.
---