السلام عليكم ،،

صباح الخير والحمدلله على السلامه ياأستاذنا

وأستلم ،،،

واثق خطى لاشاف له فالسما حوم=ضيّع مابين اخطاه ويّـا الحمامه
وليا ركد عدّا على راس مزموم=وغنا ( السلامه ياحلات السلامه )..

استلم استلم لاهنت:

واثق خطى يا ناشد(ن) عنه زيزوم
....................واثق ولا يبدي حسوف وندامه
واليا انتخو به عزوته ينـطح القوم
....................واليا نطق يازن معاني كـلامه

طيب ياطيب

كفو لكن الخلق معطى وحروم=أحدٍ شقي وأحدٍ سعيد بغرامه
منته لها لوتلبس عقال وهدوم=البنت تبغى لابسين العمامه

استلم:

اليوم لك تصريح وهروج وعــــلوم
....................والا امس ضاعت بوهتك فالجهامه
مانيب في لبس من الشاش ملزوم
....................ويش العمامه فوق راس الــهلامه

شفتك هذاك اليوم ماتعرف اتعوم=وأنقذك ربك وأنقذتك الغشامه
واليوم لاوالله في نفسك الزوم=تبغا الزعامه والبلا فالرخامه

الله الله

بعض العرب لاشفته يطيح ويقوم=فأم الركب مجوّده في عظامه
والله لأصدرلك من الراس مرسوم=وأحط لك بين الحجاجين شامه

ياحليل راعي الغاط في جوه اغيوم = صاير من الفرحه يمازح عمامه
الله يلوم الي على مثله يلوم = يبغى نسدد له رسوم الاقامه

ههههههههههههههه :icon10:

لاوالله ألا صاحبي اليوم منجوم=أن قلت واثق قال ونت بكرامه
الغاط خله دونه رجال وقروم=صحصّح وسدّد كم مضى من غرامه

نعمين باهل الغاط ربعي على الدوم = لاكنٌ في الاجواد تلقى خمامه
اصد عن بعض الرجاجيل واشوم = لكن اذا كثر أوثُق خطامه

المعذره على التأخر بالرد كنت أتصفح المنتدى ومادريت عن ردك

حتيش ذمك مدح ياناقل البوم=وأكبر دليل أني من أهل الشهامه
والله وتالله منت ياخوك مليوم=حطيت لك بين الحواجب علامه