سلامي سلام"ن" لاجلب ينشرى بالسوق=ويدري بة الاول مع حضـرة التالـي
انا خابر القرني ذكي يحبك المنطـوق=معة بندقية تطـرح الصيـد طوالـي

هلا بالشريفي قبل لانختلف في الذوق=وقبلٍ يجي في السوق بايـع ودلالـي
ترى ما عليكم زود يالشاعر المرموق=تزين الحكم ما بين ناقـض وفتالـي

يقولـون عـراف البـلـد فالـرجـال فــروق=كمافرق شوف الما وشوف اشهب اللالي
تـفـكـرت فالـدنـيـا وفـكــرت فالمـخـلـوق=احــد جالـهـا فالـوقـت رجـلـي وخـيـالـي

وقالوا بعد في الناس مثل الدلا المخروق=يملى وهو في الما ويطلع وهوخالـي
تذكر عتيّق يوم جمهـر مـع معتـوق=على الحق والباطل على المر والحالـي

نخيل على المغرب وفالشرق اخيل بروق=ولكن وادى الراك مـن عـام ماسالـي
عسى اللة يخارجنا ويتقى على مـرزوق=ويرجع معة بشت حسـاوي ودسمالـي

ترا فرع وادي بيشه اصلا يجي من فوق=والى سال مـره واحـده تـم غيالـي
مدحتوا الجمل جدا وحنا نسوقه سـوق=تنشـد ويعطيـك الخبـر كـل جمالـي

ترى كل رجل ياعـوض مامعـة معلـوق=يجيب العلوم الـوان وانـواع واشكالـي
ترى اللي كلى الخبزة وغيرة كلى المرقوق=عليـة الذيابـة تتـدرج فالخـلا الخالـي

ما كل ٍ يعرف الحق واهله من المحقوق=لكن غنها وعجـل علـى كـل موالـي
لك اسنين يا قرناس متعلق ٍ بالطـوق=ولا انجاك طوقك بين طوفان الاهوالـي