|
محاورة بين الشاعر جهز المسعري والشاعر محمد ابن طمحي
هذه المحاورة التي اجرت بين الشاعرين
الشاعر العملاق / محمد ابن طمحي والشاعر العملاق / جهز المسعري والذي دخل في عالم المحاورة بقوة الصاروخ وقد حصل على شهادة كبار الشعراء مثل فيصل الرياحي وملفي المورقي ومرزوق المقاطي وكانت الحفلة الاسبوع الماضي والتي جمعتة بالرياحي والمورقي قد اثبتت شاعريتة وانة شاعر معنى من الدرجة الاولى والتي من خلالها نال شهادات عمالقة الشعر 00 اليكم المحاورة . . جهز المسعري ياسلام الله على الي يستمع قولت سلامـي عد ماتنشي مزونن برقها يسبـق رعدهـا ابتداء الموعد يبن طمحي وانا رجل نظامي والرجال الطيبه ماهيب تخلف عن وعدها محمد ابن طمحي مرحبا ترحيبة الاكرام للنـاس الكرامـي الكرام اهل المكارم عودها قـدوة ولدهـا ياجهز وارد على هداج مروي كل ظامي جمته لو يقصرون الورد تروي من وردها جهز المسعري ماعليكم زود يامحمد ولك كـل احترامـي مير سر القافيـه وبيوتنـا تثبـت عمدهـا نبغي نسوق المهار الشرد في ليل الظلامي والمعانـي ذاك ييدهـا وهـذا ينتقـدهـا محمد ابن طمحي والنعم ياشاعر اسمه ما انكتب ضمن الاسامي والاسامي لو نعد احسابها يكثر عدها من هو اللي قال في شعره قبل عشرين عام المطيه ماتقدم رجلها قدام يدها جهز المسعري اسمي يشرف وانا من جيز عاليـن المقامـي انشد ابو بدر فيصل عن شهـاده قـد شهدهـا قالها المسعودي اللي يعتبـر قـدوه وامامـي ومن زرع له زرعتن فالرض بذراعه حصدها محمد ابن طمحي دام يالذيب الشهاده جات من حرن قطامي قدر الاولى لكن احسب حساب اللي بعدها انت رجالن حشيم ومن رياجيلن حشامي والحقيقه ودي ازور الدواسر في بلدها جهز المسعري دام شيخان العرب قالو هذا راعي السنامي لازم احول بوسط المعركه واهزم فهدهـا كان زاير ضيف فبشر بشحم منا شمامـي وكان عندك علم ثاني علمنا الك امر وادها محمد ابن طمحي كم غلامن يمتني لكن مانـال المرامـي يتمنى مير ماحل الحبـال ولا عقدهـا ياجهز يالدوسري ترا هذا مسك الختامي لاتنافسنا على العذرا ولاتقـرب نهدهـا جهز المسعري تعرف اني فارسن لاقلتنا افي في كلامي وانويت القوم باصباح مخطر لاهجدهـا دوسريآ ناويآ خطف الهنوف ام الوشامي والوعد فاالمقبلات وكل يمنا من جهدها |
رد: محاورة بين الشاعر جهز المسعري والشاعر محمد ابن طمحي
الاخ العزيز والاعلامي القدير حسن بن مسرع الله انه يبيض وجهك ويطول عمرك على اتحافنا بهذه المحاوره الكايفه والله يصح السنت الشعار ونتمنى لاخونا الشاعر جهز التوفيق فابلفعل بدايه قويه والله يوفقه |
رد: محاورة بين الشاعر جهز المسعري والشاعر محمد ابن طمحي
الأخ العزيز والقدير حسن مسرع الدوسري
مبارك عليك الشهر كل الشكر والتقدير لأيراد هذه الحاوره وصح لسان الشعار محمد ابن طمحي و جهز المسعري تقبل الله طاعتك |
رد: محاورة بين الشاعر جهز المسعري والشاعر محمد ابن طمحي
ابو زابن المسعري
كل التحاياء لك والف شكر على المرور وكل عام وانت بخير |
رد: محاورة بين الشاعر جهز المسعري والشاعر محمد ابن طمحي
الاخ ابو نواف الدوسري
الف شكر على مرورك الرائع وكل عام وانت بخير |
رد: محاورة بين الشاعر جهز المسعري والشاعر محمد ابن طمحي
ما شاء الله تبارك الله ، الله يوفقه ولا يضره شاعر قادم بقوة بإذن الله إلى ساحة المحاورة ومادام هذه المحاورة من بداياتاته مع كبار الشعراء فالقادم بإذن الله أقوى وأقوى ، تمنياتي له بالتوفيق والشكر موصول لك يابو سعود على هذا النقل المميز وما تبذله من جهود من أجل الإرتقاء بالشعر والشعراء ولك مني أجمل الود والتقدير ،،، |
رد: محاورة بين الشاعر جهز المسعري والشاعر محمد ابن طمحي
اخي وصديقي راشد المسعري
اشكرك على المرور وجهز المسعري يستاهل ابو شجاع كل ذالك الف شكر |
رد: محاورة بين الشاعر جهز المسعري والشاعر محمد ابن طمحي
ألخ العزيز الأعلامي المتميز حسن بن مسرع
لاهنت علي نقلك لنا هذه الأبيات الأكثر من جميله تعرف اني فارسن لاقلتنا افي في كلامي وانويت القوم باصباح مخطر لاهجدهـا دوسريآ ناويآ خطف الهنوف ام الوشامي والوعد فاالمقبلات وكل يمنا من جهدها الله الله كفو المسعري لاهنت وبيض الله وجهك ياحسن بن مسرع تقبل الشكر والتقدير مبارحك الخييلي |
رد: محاورة بين الشاعر جهز المسعري والشاعر محمد ابن طمحي
الاستاذ مبارك الخييلي
الف شكر على المرور |
رد: محاورة بين الشاعر جهز المسعري والشاعر محمد ابن طمحي
الف شكر لكل من مر على المحاورة
|
الساعة الآن 08:32 PM
 |
Powered by vBulletin® Copyright ©2000 - 2025, Jelsoft Enterprises Ltd.
---