::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - سهيل شفت ظهـــــر (http://alduwaser.org/vb/showthread.php?t=19669)

سهيل شفت ظهـــــر

للشاعر عبد الله بن حثلان رحمه الله

زلت ليال القيض وسهيـل شفتـه=وهب البراد وكثروا اهل المطاليع
البرد جانـا واللحـاف التحفتـه=واللي يشب النار بكّـر بتسريـع
يازين فنجال ٍ مع الصبـح حفتـه=يصبغ شقاره لو ينوش الاصابيـع
مقند ٍ مـن كـل نـوع ٍ نصفتـه=عليه من كيـف النشامـا تناويـع
صبّيت فالفنجـال منّـه ونصفتـه=يجلا عماس اهل القلوب المواليع
قدوعنا تمر الحسا مـع خصفتـه=جابوه تجار الفلـوس الطماميـع
يامرحبا بالطارش اللـي عرفتـه=راع الونيت اللي لفانا مع الريـع
ياطا شخانيب الحصا مع جرفتـه=مايتبع السكـه يعـرف المهازيـع
ساعة وقف جبت الخروف ونسفته=نشريه للضيفـان ماهـوب للبيـع
مانيب اجنّب موقف ٍ قـد وقفتـه=سلمٍ لنـا ماهـوب تـوه تطابيـع
الرزق من مد البشر في صحفتـه=يبحل بها من جابهـا بالمشاريـع

رد: سهيل شفت ظهـــــر

الله يغفر له ويسكنه الجنه..

ويحفظك الله ويطيل في عمرك أخي خميس الغييثي.

تقبل تقديري وأحترامي

رد: سهيل شفت ظهـــــر

ابن غياث جعل ربي يطول في عمرك يالقرم على هذي القصيده التي اتت في نصابها(وقتها)

والله يرحم شاعرها

تقبل مروري
الامبراطـــور

رد: سهيل شفت ظهـــــر

يغفر له ويسكنه الجنه..

ويحفظك الله ويطيل في عمرك أخي خميس الغييثي.

تقبل تقديري وأحترامي

رد: سهيل شفت ظهـــــر

الله يرحم الشاعر

والله لايهينكم على طيب المرور

كل الشكر والتقدير

رد: سهيل شفت ظهـــــر

يغفر له ويسكنه الجنه..

ويحفظك الله ويطيل في عمرك أخي خميس الغييثي.

تقبل تقديري وأحترامي