نبض شعري تميز بخفة الوزن ولطافــة الخطابه يهديها لكـــم
الشاعر/نابت بن حسن بن شجاع آ ل محمد الحقباني .طير شلوى.

ياقلب ولم لي وصاة =ذا الحين والا باالغدي
انا تعبت من الحياة=ومعارك الحظ الردي
لاقلت قام الحظ مات=متذبذب مايركدي
مر رصيدي بالمئات =ومر من الصفر ابتدي
مر أداوم باالصلاة=ومر أطاول مرقدي
مر أوقف بالثبات=ومر أحدر وأسندي
ولا من بغيت الشي فات=واضعيه ما أهتدي
كل الأمل والمغريات=في عنز ريم تلبدي*
ياعنز ريم بالفلاة=هاك التحية من يدي
الحال من دونك شتات=تعبت من كثر العدي
كل البنات المترفات=من دون زينك يابعدي
الزين حسنه بدرجات=وسهيل من دون الجدي
ياساميه فوق البنات=باالزين وا لساس الندي
أنتي الهدف بالمقبلات=انتي منايه وسعدي
يامالكه كل الصفات=روفي بقلبي واهتدي
واوفي بوعـدٍ منك فات=فانا وفيتك بوعدي
للحزن واقف كالصفاة=صابر وليلي يشهدي
ياما دمعة الغاليات=شانك وتمسحها يدي
خوفي على قبل الممات=لا اروح كالكبش الفدي

*صغير الغزال
وسلامتكم
مع تحيات اخوكم/الزير سالم
وأرجوا أن تنال على إعجابكم