مرت بي العيرات عدٍ ومنزل=ورسمٍ لنا ماغيرته الهـبايب
دار لنا نعتادها كل موسم=مرباعنا لازخرفتها العشايب
وعهدي بها خودأ من البيض كنها=حورية من عين حور غرايب
غناوية رسم الغنى في جبينها=مواري علاماته حسان عذايب
تنحلتها في سن سبع نحيله=وتميت أراعيها مراعاة غايب
ألين أنتهت في سن عشر ومثلها=كما فرع موز نودتها الهبايب
فعهدي بليل الهم والعسر والعنى=بليل جمعنا فيه جزل الوهايب
على سنة الرحمن صار أجتماعنا=بليل القدر ثم أصبح الكيف طايب
توالفن قلوبنا في ضحى اللقى=وصرنا كما ضيرين ولف وربايب
وقمنا بها سبعة وعشرين حجة=حليفين عهد ماندوس العتايب
ألينه قضى الرحمن فينا بماقضى=وصبر على ماجاء من الله واجب
وصبر على ماجاء من الله طاعة=له الحكم والتسليم لله واجب
فلاواعنا جسم مع الناس حاضر=وقلبه جعل تحت اللحد والنصايب
وجفن جفاه النوم مالذ بالكرى=يراعي نجوم الليل طالع وغايب
وعين تهل الدمع من حر موقها=كما جدول حامي غروبه صبايب
وآه من عبرة في زفرة ضمها الحشا=تفككت منها قفول صلايب
فلا وآخليل ماتدنيه ضمر=ولاتاصله هجن خفاف نجايب
فلو ينفدي بالمال والملك كله=فديناه به لو كان نظهر سلايب
ولو تنقسم الايام بيني وبينه=مما بقى هانت علي المصايب
وياما عسفت القلب في حب غيرها=بناتٍ كسن نهودهن الذوايب
ثلاثين عذرى في ثلاثين حجة=خراعيب فيهن من بعيد وقرايب
لعيون هافية الحشى زينة النبا=طلقتهن من غير جرم وسبايب
ثمانين ألف سقتها في مهورهن=راحـن بها ماصار فيهن طلايب

المشاركة الأصلية كتبت بواسطة تركي الودعاني دغش البطي بيض الله وجهك علي ايراد قصيده للشيخ قاسم ال خليفه وصح السانك والسان الشاعر مبدع يادغش

المشاركة الأصلية كتبت بواسطة العماني صح الله لسان الشيخ قاسم آل خليفة ولاهنت اخوي دغش على الاختيار الرائع تقبل تحياتي،،

المشاركة الأصلية كتبت بواسطة فهد الغريري الغالي دغش البطي عزالله انك متجيب الا الجزل صح الله السان الشاعر الشيخ قاسم آل خليفة ونتظر ابدعتك يالنشمي اخوك / فهد الغريري,,,